ಗಜಲ್

ಆತ್ಮೀಯ ರಾಬಿಯ, ನಿಮ್ಮ ಕವನಗಳಿಗಿಂತಲೂ ನಿಮ್ಮ ಗಜಲ್ ನಲ್ಲಿ ನಿಮ್ಮ ಭಾವನೆ ಅತಿ ಉತ್ತಮವಾಗಿ ಮೂಡಿಬರುತ್ತವೆ. ಇದು ನನ್ನ ಅಭಿಪ್ರಾಯವಷ್ಟೇ. ನಿಮ್ಮ ಎಲ್ಲ ಗಜಲ್ ನಂತೆ ಈ ಗಜಲ್ ಕೂಡ ಉತ್ತಮವಾಗಿದೆ. ಈ ಗಜಲ್ ನಲ್ಲಿ ನಾನು ಗಮನಿಸಿದ ಕೆಲವು ಅಂಶಗಳನ್ನು ನಿಮ್ಮಲ್ಲಿ ಹಂಚಿಕೊಳ್ಳಲು ಇಷ್ಟಪಡುತ್ತೇನೆ ಮತ್ತು ನೀವು ಅವುಗಳನ್ನು ಸಕಾರಾತ್ಮಕವಾಗಿ ತೆಗೆದುಕೊಳ್ಳುವಿರೆಂದು ಆಶಿಸಿದ್ದೇನೆ. ನಿಮ್ಮ ಹಿಂದಿನ ಗಜಲ್ ಗಳನ್ನು ನಾನು ಓದಿರುವುದರಿಂದ ನಿಮಗೆ ಗಜಲ್ ಬರಹದ ಎಲ್ಲ ಪದ್ದತಿಗಳು ತಿಳಿದಿವೆ ಎಂದು ನನಗೆ ಗೊತ್ತಿದೆ. ಆದರೆ, ಈ ಗಜಲ್ ನಲ್ಲಿ ನೀವು ರಾದಿಫ್ ಮತ್ತು ಕಾಫಿಯಾದ ಬಗ್ಗೆ ಅದು ಏಕೋ ಗಮನ ಹರಿಸಿಲ್ಲ. ಅವುಗಳನ್ನು ಅಳವಡಿಸಿ ಈ ಗಜಲ್ ಅನ್ನು ಮತ್ತೊಮ್ಮೆ ಪ್ರಕಟಿಸಿದರೆ, ಕನ್ನಡದಲ್ಲಿ ಗಜಲ್ ಅನ್ನು ಬರೆಯಲು ಕಲಿಯುತ್ತಿರುವ ಹೊಸ ಕವಿಗಳಿಗೆ ಸಂಪೂರ್ಣ ಮತ್ತು ಸರಿಯಾದ ಗಜಲ್ ಬರೆಯುವ ಪದ್ಧತಿ ತಿಳಿಯುತ್ತದೆ. ನಿಮ್ಮ ಗಜಲ್ ನ "ಅತ್ತ ನೆನಪಿದೆ" ರಾದಿಫ್ ಆಗಿದೆ. ಈ ರಾದಿಫ್ "ಮತ್ಲ" ದಲ್ಲಿ ಮೊದಲನೇ ಸಾಲು ಮತ್ತು ಎರಡನೇ ಸಾಲು, ಎರಡರಲ್ಲಿಯೂ ಇರಬೇಕಿತ್ತು. ಆದರೆ ಅದು ಕಾಣುತ್ತಿಲ್ಲ. ಇನ್ನು, ನೆನೆದು, ಪರಿಚಯದಿಂದ, ಬೆರೆತಾಗ ಇವುಗಳಾವುವು ಒಂದೇ ರಿಥಂ ನಲ್ಲಿ ಇರದೇ ಇದ್ದುದರಿಂದ "ಕಾಫಿಯ" ಎನ್ನಿಸಿಕೊಳ್ಳುವುದಿಲ್ಲ. ನಾನು ನಿಮಗೆ ತಿಳಿಸಿ ಹೇಳಿದ್ದು ಸ್ವಲ್ಪ ಅತಿಯಾಯಿತೇನೋ. ಕ್ಷಮೆ ಇರಲಿ. ಆದರೆ ಸ್ವಲ್ಪ ಮಾಹಿತಿ ಇರುವ ನಮ್ಮ ನಿಮ್ಮಂತವರು ಸರಿಯಾದುದ್ದನ್ನು ಜನರಿಗೆ ತಿಳಿಸಿ ಹೇಳಿದರೆ ಮತ್ತು ಬರೆದು ತೋರಿಸಿದರೆ, ಎಲ್ಲರಿಗು ಸಹಾಯ ಮತ್ತು ಸಹಕಾರವಾಗುತ್ತದೆ ಎನ್ನುವುದು ನನ್ನ ಅಭಿಪ್ರಾಯ. ಧನ್ಯವಾದಗಳು.

ಗಝಲ್ ಬಗ್ಗೆ ನನಗಷ್ಟು ಅರಿವಿಲ್ಲ.. ಆದರೆ "ನನ್ನ ಕಣ್ಣ ಹನಿಗಳಿಗೆ ಶವದ ಮುಂದೆ ಅತ್ತ ನೆನಪಿಲ್ಲ. ಬದುಕುತ್ತಿರುವ ಬದುಕುಗಳ ನೆನೆದು ಅತ್ತ ನೆನಪಿದೆ." ಈ ಸಾಲು ಬಹಳ ಇಷ್ಟ ಆಯ್ತು.. ಈ ಭಾವಕ್ಕೊಂದು ನನ್ನ ಸಲಾಮ್ ಇರಲಿ..

ಆತ್ಮೀಯ ರಾಬಿಯಾ, ನಿಜ, ಕೆಂಡಸಂಪಿಗೆಯಲ್ಲಿ ನಿಮ್ಮ ಗಜಲ್ ಗಳಿಗೆ ಪ್ರತಿಕ್ರಿಯಿಸಿದ್ದು ನಾನೇ. ನಿಮಗೆ ಸಲಹೆ ಕೊಡುವಷ್ಟು ದೊಡ್ದವ್ಯಕ್ತಿ ನಾನಲ್ಲ. ಏನೋ ಸ್ವಲ್ಪ ಓದಿ ತಿಳಿದಿದ್ದು ನಿಮ್ಮ ಜೊತೆಗೆ ಹಂಚಿಕೊಳ್ಳಲು ಧೈರ್ಯ ತೋರಿಸಿದೆನಷ್ಟೇ. ನಿಮ್ಮ ಮನದಂಗಳದಲ್ಲಿ ಗಜಲ್ ನ ಹೂವು ಹೀಗೆಯೇ ಅರಳುತ್ತಿರಲಿ. ರಮದಾನ್ ಕರೀಂ.

ನಮಸ್ತೆ ಕವಯತ್ರಿ ತಮ್ಮ ಕವಿತೆ "ಅತ್ತ ನೆನಪನ್ನು ಸ್ಮರಿಸುತ್ತಿದೆ, ಈ ಪರಿಯ ಅಳುವನ್ನು ನಾನು ಕಲ್ಪಿಸಿಕೊಂಡಿರಲಿಲ್ಲ, ವಿನೂತನ ರಚನೆ. ಮುಂದುವರಿಸಿ, ಶುಭಮಸ್ತು" *****ಗುರುರಾಜ್ ಹಾಲ್ಮಠ್

ಆತ್ಮೀಯ ರಾಬಿಯಾ, ರಮದಾನ್ (ರಮ್ಜಾನ್ ) ಹಬ್ಬದ ಸಲುವಾಗಿ ನಾನು ನಿಮಗೆ "ರಮದಾನ್ ಕರೀಂ" ಎಂದು ಶುಭಾಶಯ ಕೋರಿದ್ದೆ. ಆದರೆ ನೀವು ನನ್ನ ಹೆಸರನ್ನೇ "ರಾಜೇಂದ್ರ ಕುಮಾರ್ ರಾಯಕೋಡಿ" ಇಂದ "ರಮದಾನ್ ಕರೀಂ" ಎಂದು ಬದಲಾಯಿಸಿ ಬಿಟ್ಟಿದ್ದಿರಿ....ಹ ಹ ಹ....!!!! :)

ಎಮ್,ಎಮ್,ಷೇಕ್ ರವರೆ, ನಿಮ್ಮ ಘಜಲ್ ತುಂಬಾ ಅರ್ಥಪೂರ್ಣ. ನಿಮಗೆ ಶುಭವಾಗಲಿ.