ನಾನೂ ಅಮ್ಮನಾದೆ!!!

ನಿನ್ನೆ- ಮೊನ್ನೆಯವರೆಗೆ  ಆಡುತಾಡುತಲೇ ಬೆಳೆದೆ

ಇಂಧ್ಹೇಗೋ  ನಾಕಾಣೆ ನಾನೂ ಅಮ್ಮನಾದೆ!!

ಹೊರುವ ಭಾರವು ಇಲ್ಲ, ಹೆರುವ ನೋವೆನಗಿಲ್ಲ

ಮಾತಾಡಿಸಿ- ನಗಿಸುವ ಖುಷಿಯೊಂದೆ ನನಗೆ.

ಮಗು ಎಡವೀತೇಂಬ ಆತಂಕವಿಲ್ಲ, ಕಳೆದುಹೋದೀತೆಂಬ ಭಯವೆನಗಿಲ್ಲ

ನಾಜೂಕು  ಮನದ ನಾರಿಯ  ಮಡಿಲುಂಟು ನನಗೆ.

ಚಂದಿರನ  ತೋರಿಸಿ ತುತ್ತಿಟ್ಟ ಕೈಗೆ

ತುಪ್ಪ- ಸಕ್ಕರೆ ಕಲಿಸಿದ  ತಟ್ಟೆಯಿಡುವ  ತವಕ.

ಅಡುಗೆಯೆಂದೇನೋ  ಮಾಡಿ, ಕೆಡಿಸಿ  ಹಲುಬಿದಾಗ

ಮಗುವೇ ರಮಿಸುವುದು ಇದೆಲ್ಲ  ಸಹಜ  ಕಲಿಯುವ  ತನಕ.

ಕಾಡಿಸುವುದಿಲ್ಲ - ಪೀಡಿಸುವುದಿಲ್ಲ, ರಚ್ಚೆ ಹಿಡಿದಳುವುದಿಲ್ಲ

ಹೆಚ್ಹಾಗಿ ಹೇಳಬೇಕೆಂದರೆ ಪದಗಳೇ  ಉಳಿಯುತ್ತಿಲ್ಲ.

ಕಣ್ರೆಪ್ಪೆಯಂತೆ  ಕನಸುಗಳಿಗೆಲ್ಲ  ಕಾವಲಾಗಿರುವ  ಕೂಸು

ತನ್ನ  ಮಗುವಿಗಾಗಿ , ಮಗುವಾಗಿ ಬಯಸುವುದೆಲ್ಲರ ಲೇಸು.

ನಿನ್ನೆ- ಮೊನ್ನೆಯವರೆಗೆ  ಆಡುತಾಡುತಲೇ ಬೆಳೆದೆ

ಇಂಧ್ಹೇಗೋ ನಾಕಾಣೆ ನಾನೂ  ಅಮ್ಮನಾದೆ.

ಎರಡೇ ದಿನದೊಳಗೆ  ಮಗು ಹೆತ್ತು ಬೆಳೆಸಿದೆನು

ಮೂರನೇ  ದಿನ  ಕಳೆಯುತ್ತಲೇ  ಮತ್ತೆ ಮಗುವಾದೆ.