ನೆನಪು ತಂದವಳ ಬಗ್ಗೆ......
ಕವನ
ಇಳಿ ಸಂಜೆ ಹೊತ್ತು
ಮಳಲು ದಂಡೆಯ ಮೇಲೆ ನಿಂತ
ಅವಳ ಸುಂದರ ಮೊಗದಲ್ಲಿ
ನಗೆಯ ಹೊನಲು ಚಿಮ್ಮಿ
ತುಂಟ ಕೆನ್ನೆಗೆ ಮುಂಗುರುಳು
ಮುತ್ತಿಡುವ ಸಮಯಯದಲಿ
ಜಾರುವ ಮುತ್ತುಗಳು
ಕೆಳಗುರುಳಿ ಪುಟಿಯುತ್ತಿವೆ.
ಬದುಕಿರದ , ಬದುಕುವ
ಬಯಲಿನ ಆಳದಲ್ಲಿ
ಬಂದು ನಿಂತವಳು
ಬಾನಾಕಾಶದಲ್ಲಿ ಹಕ್ಕಿಯಂತೆ
ರೆಕ್ಕೆ ಬಿಚ್ಚಿ ಹಾರುವ ಮನಸ್ಸು....!
ಚಿತ್ತ ಚಿತ್ತಾರದ ಬಣ್ಣ ಬಳಿದು
ಕಮರಿದ ಬದುಕಿನಲಿ
ಪುಟಿದೇಳುವ ತುಡಿತಕ್ಕೆ
ಲಗ್ಗೆ ಇಟ್ಟು
ಹುಚ್ಚು ಕನಸುಗಳ
ಭೇಕರ ಸೆಳೆತದೊಳಗೆ
ಮಿಂಚು ಸಂಚರಿಸಿದಂತಾಗಿ
ನರನಾಡಿಗಳ , ಮೈಮನಗಳ
ಸುಳಿದಾಟದಲಿ........
ಅವಳ ಬಗ್ಗೆ ತಿಳಿದವರಾರು....?
ಬದುಕು ಧ್ವನಿಸುತ್ತಿದೆ ಮತ್ತೆ ಮತ್ತೆ......
ಮೌನ ,
ಕನಸು ಸುಂದರಗೊಳಿಸಿ
ನೆನಪು ತಂದವಳ ಬಗ್ಗೆ.......
- Log in to post comments