ಪ್ರಾಣಭಿಕ್ಷೆ

4.785715

ನಾನವತರಿಸಿ ನಿಮಗೆ ಖುಷಿಯ ಕೊಟ್ಟೆ
ನಾ ಕುಡಿವ ಹಾಲ ನಿಮಗೆ ಬಿಟ್ಟೆ
ಜಿಗಿಜಿಗಿದು ಬಂದು ಮುತ್ತನಿಟ್ಟೆ
ನಾ ಕೊಟ್ಟೆ ನಿಮಗೆ ಪ್ರೀತಿ ಮೂಟೆ
 
 
ನಾ ಕೊಟ್ಟ ಗೋಮೂತ್ರ ನಿಮಗುಪಯುಕ್ತ
ನಾನಿಟ್ಟ ಸಗಣಿ ಅದು ವಿಷಮುಕ್ತ
ಹಾಲ ಕೊಟ್ಟಿರುವೆ ಬಾಳ ಪರ್ಯಂತ
ಆರೋಗ್ಯದಿ ಮಾಡಿರುವೆ ನಿಮ್ಮ ಶ್ರೀಮಂತ 
 
 
ಮತ್ತೀಗ ಕಡು ಬೇಸಿಗೆ ಬಂದಿದೆ
ಬರಗಾಲ ಕಣ್ಣೆದುರು ನಿಂದಿದೆ
ತಿನ್ನಲೇನೂ ಇಲ್ಲದಂತಾಗಿದೆ
ಹಲವು ಸ್ನೇಹಿತರ ಪ್ರಾಣವೇ ಹೋಗಿದೆ
 
 
ನಾ ಕಟುಕರ ಪಾಲಾಗುತಿಹೆನು
ಕುತ್ತಿಗೆ ಕಡಿದು ರಕ್ತ ಹರಿಸುವನು
ಕರುಳ ಹರಿದು ನೋವ ಮಾಡುವನು
ನನಗಿರುವ ಬೆಲೆ ಇಷ್ಟೇಯೇನು?
 
 
ದೇವರೆಂದಲ್ಲದಿದ್ದರೂ ಬಿಡಿ
ಒರ್ವ ಜೀವಿಯೆಂದು ನೋಡಿ
ತಿನ್ನಲೊಂದಿಷ್ಟು ಮೇವ ಕೊಡಿ
ನನಗೆ ಪ್ರಾಣಭಿಕ್ಷೆ ನೀಡಿ!
 
 
- ಸಚಿನ್.ಎಲ್.ಎಸ್ 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.8 (14 votes)
To prevent automated spam submissions leave this field empty.