24
May
2013

What's new on Sampada?  ಉತ್ತಮ ಬರಹಗಾರರಿಗೆ ಸಂಪದ ಪ್ರಶಸ್ತಿ. ಹೆಚ್ಚಿನ ಮಾಹಿತಿಗೆ ಇಲ್ಲಿ ಕ್ಲಿಕ್ ಮಾಡಿ.

ಬಣ್ಣದ ಹೂಗಳು....

August 9, 2012 - 5:28pm
Seema.v.Joshi

ಹೊದಿಸಬೇಡಿ ನಿಮ್ಮೊಡಲ ಕುಡಿಗಳಿಗೆ

ಹಸಿ ಸುಳ್ಳಿನ, ಒತ್ತಡಗಳ ಹೊದಿಕೆ,

ಕಮರಿಹೋದಾವು ಆ ಕಗ್ಗತ್ತಲೆಯ 

ಬಿಸಿಗೆ........


ನಿರಾಶೆಯ ಕೂಪದಲಿ ನರಳಿಸಬೇಡಿ

ನೀವು ನರಳುವ ಹಾಗೇ,

ಬಿಟ್ಟು ಬಿಡಿ ತಮ್ಮಷ್ಟಕ್ಕೆ ಚಿಗುರೊಡೆದು

ಅರಳಿ ಆಸ್ವಾದಿಸಲು ತಮ್ಮ ತನವ..............


ಸೋಂಕಿಸಬೇಡಿ ಅವುಗಳಿಗೆ

ನಿಮ್ಮ ವಿವಿಧ ವೇಷಗಳ ಬಣ್ಣ,

ಇಲ್ಲವಾದರೇ ಅವು ಕೂಡಾ

ಹುಚ್ಚೆದ್ದು  ಕುಣಿದು ನಿಮ್ಮನ್ನೇ

ನುಂಗುವವು, ಹಗಲನ್ನು

ಇರುಳು ನುಂಗಿದಂತೇ........!!


 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.
ಈ ಪುಟವನ್ನು ಉಳಿದವರೊಂದಿಗೆ ಹಂಚಿಕೊಳ್ಳಿ
  • Facebook
  • Google
  • Twitter
  • Yahoo

ಪ್ರತಿಕ್ರಿಯೆಗಳು

Submitted by mmshaik on
ಸೀಮಾ ಅವರೆ ನಮಸ್ಕಾರ‌ ನಿಜ..ಆ ಹೂಗಳನ್ನು ಸಹಜವಾಗಿ ಅರಳಲು ಬಿಡೋಣ,ಕ್ರುತಿಮತೆ ಬೇಡ‌..ಉತ್ತಮ ಕವನ.

Submitted by venkatb83 on
+1 (ಎಂ.ಎಂ. ಶೇಖ್ ಅವರ ಅಭಿಪ್ರಾಯಕ್ಕೆ ) ಸೀಮಾ ಅವ್ರೆ.. ನೀವ್ ಈ ಬರಹ ಬರೆಯುವುದಕ್ಕೂ ಇವತ್ತು ವಿಜಯ ಕರ್ನಾಟಕ ದೈನಿಕದಲ್ಲಿ , ಲವಲವಿಕೆಯಲ್ಲಿ ಈ ಬರಹ ಬಂದಿದ್ದಕ್ಕೂ ಲಿಂಕ್...!!! ಲಿಂಕ್ ಹಾಕಿದ್ದೆ ಆದರೆ ಕ್ಲಿಕ್ ಮಾಡಿದರೆ ಓಪನ್ ಆಗಲಿಲ್ಲ... ಹೀಗಾಗಿ ಅಳಿಸಿದೆ...! \|/

Submitted by Soumya Bhat on
ಸೀಮಾರವರೆ ಮೊದಲ ಕವನವೇ ಉತ್ತಮವಾಗಿದೆ. ನಿಜ ನಮ್ಮ ಕನಸು ಅವರದ್ದೂ ಆಗಬೇಕೆಂಬ ಬಯಕೆ ಇತ್ತೀಚಿನ ದಿನಗಳಲ್ಲಿ ಹೆಚ್ಚುತ್ತಿದೆ. ಚಿಕ್ಕ ವಯಸ್ಸಿಗೇ ಒತ್ತಡ,ಜವಾಬ್ದಾರಿ ಎಲ್ಲ ಹೊರಬೇಕಿದೆ. ಇದರಿಂದ ಮಕ್ಕಳು ದಾರಿ ತಪ್ಪುವ ಸಂಭವವೇ ಹೆಚ್ಚು. ಪ್ರಸ್ತುತ ಪರಿಸ್ಥಿತಿಯ ಅನಾವರಣದಂತಿದೆ ನಿಮ್ಮ ಕವನ.ಶುಭವಾಗಲಿ, >ಸೌಮ್ಯ

Submitted by ksraghavendranavada on
ಹೌದ್ರೀ ಜೋಶಿಗಳೇ... ನಿಮ್ಮ ಮಾತು ನೂರಕ್ಕೆ ನೂರು ನಿಜ.. ನಾನ೦ತೂ ನನ್ನೆರಡೂ ಮಕ್ಕಳನ್ನು ಅವರ ಪಾಡಿಗೆ ಅವರನ್ನು ಬಿಟ್ಟು ಬಿಟ್ಟಿದ್ದೇನೆ! ಹಾಗ೦ತ ಅವರ ಮೇಲೊ೦ದಉ ನಿಗಾ ಇದ್ದೇ ಇರುತ್ತದೆ! ಸ೦ದೇಶಯುಕ್ತ ಉತ್ತಮ ಕವನ.. ಹೀಗೇ ಬರೀತಾ ಇರಿ. ನಮಸ್ಕಾರಗಳೊ೦ದಿಗೆ, ನಿಮ್ಮವ ನಾವಡ.

Submitted by Seema.v.Joshi on
ನಾವಡ ಅವರಿಗೆ ನಮಸ್ಕಾರ, ನಿಮ್ಮ ಈ ಮಾತುಗಳನ್ನು ಪ್ರತಿಯೊಬ್ಬರು ಪಾಲಿಸಬೇಕಾಗಿದೆ. ಕವನ ಮೆಚ್ಚಿದ್ದಕ್ಕೆ ಮತ್ತೊಮ್ಮೆ ಧನ್ಯವಾದಗಳು. -ಸೀಮಾ ಜೋಶಿ.

Submitted by makara on
ಸೀಮಾ ಅವರೆ, ಉತ್ತಮವಾದ ಸಂದೇಶ ಹೊತ್ತ ಕವನ. >>ಬಿಟ್ಟು ಬಿಡಿ ತಮ್ಮಷ್ಟಕ್ಕೆ ಚಿಗುರೊಡೆದು ಅರಳಿ ಆಸ್ವಾದಿಸಲು ತಮ್ಮ ತನವ..........

Submitted by Seema.v.Joshi on
ನಮಸ್ಕಾರ ಶ್ರೀಧರ್ ಅವರೇ, > ನಿಮ್ಮ ಈ ಮಾತುಗಳು ಅಕ್ಷರಶಃ ಸತ್ಯ ಹಾಗೆಯೇ ನೀವೇ ಹೇಳಿದಂತೆ ನಮ್ಮ ಬೇಲಿ ಅವರ ಕೊರಳಿಗೆ ಉರುಳು ಮತ್ತು ಅದನ್ನು ದಾಟಲೇಬೇಕೆಂಬ ಕೆಟ್ಟ ಹಟ ಬಾರದಂತಿದ್ದರೇ ಇನ್ನು ಚೆನ್ನ ಅಲ್ಲವೇ....? ವಂದನೆಗಳೊಂದಿಗೆ, -ಸೀಮಾ ಜೋಶಿ.

Submitted by Rajendra Kumar ... on
ಆತ್ಮೀಯ ಸೀಮಾ ಜೋಶಿ ಅವರೆ, ನಿಮ್ಮ ಕವನ ತುಂಬಾ ಚೆನ್ನಾಗಿದೆ. ಧನ್ಯವಾದಗಳು

Submitted by Seema.v.Joshi on
ಶೇಖ್,ಸೌಮ್ಯ, ರಾಜೇಂದ್ರಕುಮಾರ ಮತ್ತು ಪ್ರೇಮಾ ರವರೇ, ನಿಮ್ಮೆಲ್ಲರ ಪ್ರೋತ್ಸಾಹಿತ ನುಡಿಗಳಿಗೆ ಮತ್ತು ಕವನ ಮೆಚ್ಚಿದ್ದಕ್ಕೆ ಧನ್ಯವಾದಗಳು. -ಸೀಮಾ.

Submitted by Seema.v.Joshi on
ವೀಣಾ ಮತ್ತು ನಂಜುಂಡ ಅವರೇ, ಕವನ ಮೆಚ್ಚಿದ್ದಕ್ಕೆ ಧನ್ಯವಾದಗಳು.

Submitted by S.NAGARAJ on
ಸೀಮಾರವರೆ, ಇಂದಿನ ಯುವ ಜನಾಂಗಕ್ಕೆ ಆಕಾಶವೇ ತುದಿ ಮೆಟ್ಟಿಲು. ಹೊದಿಕೆ ಸರಿಯ‌ಲ್ಲ. ನಿಮ್ಮ ಕವನ ಬಹಳ‌ ಚೆನ್ನಾಗಿ ಮೂಡಿ ಬಂದಿದೆ.

Submitted by Seema.v.Joshi on
ನಿಮ್ಮ ಮಾತುಗಳು ನಿಜ ನಾಗರಾಜ ರವರೇ. ಧನ್ಯವಾದಗಳೊಂದಿಗೆ, -ಸೀಮಾ ಜೋಶಿ.