cliche ಹಾಸ್ಯ

ಹೌದು. ಇದೂ ಡಿಫರೆಂಟ್ ಸಿನಿಮಾಗಳ ಸಾಲಲ್ಲಿ ಒಂದು ಸಿನಿಮಾ. ನಾಯಕಿ, ಕೋಟ್ಯಾಧೀಶ...(ಇಂತಹ ಕತೆಗಳು ಸಾವಿರಾರು ಬಂದಿದೆ ಎಂದಿರಾ?.. ಪೂರ್ತಿ ಕೇಳಿ..)

ಅಮೆರಿಕಾ(USA-ಉಸಾ)ಅಧ್ಯಕ್ಷನ ಒಬ್ಬಳೇ ಮಗಳು!! ಹೇಗಿದೆ :) ? -ನಮ್ಮದು ಡಿಫರೆಂಟೂ.. ನಾಯಕಿ,ಟು ಪೀಸ್ ಡ್ರೆಸ್‌ನಲ್ಲಿ.. ‘ಸೂರ್ಯಗ್ರಹಣ’ದ ಬಗ್ಗೆ (ಡಿಫರೆಂಟೂ) ಹಾಡು ಹೇಳುತ್ತಾ.., ಪೆಂಗ್ವಿನ್ ಜತೆ (ಅಪ್ಪ ಅಂಟಾರ್ಟಿಕಾದಿಂದ ತಂದು, ಮಗಳಿಗೆ ೧೮ನೇ ವರ್ಷಕ್ಕೆ ಉಡುಗೊರೆ ಕೊಟ್ಟ ಪೆಟ್ ಪ್ರಾಣಿ).. ಎಮ್.ಜಿ.ರೋಡಲ್ಲಿ ಬರುತ್ತಾಳೆ.. ಬೆವರಿಂದ ಪೂರ್ತಿ ಒದ್ದೆ.. ಕ್ಯಾಮರ ಗ್ರಹಣದಿಂದ ಹಿಡಿದು ಎಲ್ಲೆಲ್ಲಾ ಏಂಗ್‌ಲ್‌ಗಳು ಇಲ್ಲವೋ ಅಲ್ಲೆಲ್ಲಾ ಓಡಾಡುತ್ತದೆ.

ಈಗ ನಾಯಕನ ಎಂಟ್ರಿ.. ನಾಯಕ ಡಾಕ್ಟ್ರು?..ಊಹೂಂ

ಇಂಜಿನಿಯರ್? ಸಾಫ್ಟ್ವೇರ್? ..ಊಹೂಂ Read more about ಚೋಕರೀ ಫ್ರಂ ಉಸ..ಡಿಫರೆಂಟ್ ಸಿನೆಮಾ!!

ಹೇರ್‌ಸ್ಟೈಲ್ ಬದಲಿಸಿ ಮೀಸೆ ತೆಗೆದಾಗ ಹೆಂಡತಿಗೆ/ವಿಲನ್‌ಗೆ/ಬಾಸ್‌ಗೆ ಮಾತ್ರ ಗೊತ್ತಾಗದ ಅನೇಕ ಸಿನೆಮಾಗಳು ಬಂದಿವೆ.ಇತ್ತೀಚೆಗೆ ಬಂದ ಸಿನೆಮಾ 'ರಬ್ ನೆ ಬನಾದಿ ಜೋಡಿ'. ಅದರಲ್ಲಿ ಚಿತ್ರದಕೊನೆಯವರೆಗೆ ಹೀರೋಯಿನ್‌ ಮೀಸೆ ತೆಗೆದ ಶಾರುಕ್ ಖಾನ್ ಬೇರೇ ಅಂದು ತಿಳಿದಿದ್ದಳು. ಮೀಸೆ ಇದ್ದವನಿಗಿಂತ ಇಲ್ಲದವನನ್ನು ಬಹಳ ಇಷ್ಟಪಡುತ್ತಿದ್ದಳು. 

 ಕೆಲ ಹೀರೋಗಳು ಕತೆ, ನಿರ್ದೇಶಕರನ್ನೇ ಬದಲಿಸಿಯಾರು, ಆದರೆ ಕೂದಲಿಗೆ ಕತ್ತರಿ ತಾಗಿಸುವುದಿಲ್ಲ. ನಾನೂ ಹಾಗೇ ಇದ್ದೆ! ಕಿವಿಯಿಂದ ಕೆಳಗೆ ಇಳಿಬಿದ್ದ ನನ್ನ ಕೂದಲನ್ನು ಒಂದು ಇಂಚೂ ಜಾಸ್ತಿ ಕಟ್ ಮಾಡಲು ಬಿಡುತ್ತಿರಲಿಲ್ಲ.ಮೀಸೆ ಗಡ್ಡ ೨ ನಿಮಿಷಕ್ಕೊಮ್ಮೆಯಾದರೂ ಹೆಮ್ಮೆಯಿಂದ ಮುಟ್ಟುತ್ತಿದ್ದೆ. Read more about ರಬ್ ನೆ ಬನಾದಿ ಮೀಸೆ

ಸಂಪದದಲ್ಲಿ ನಾನು ವ್ಯಾಕಾರಣ ಪಾಠ ಸುರುಮಾಡುವ ಆಲೋಚನೆಯಲ್ಲಿದ್ದೇನೆ.

ಮೊದಲಿಗೆ ಒಂದು ಸಣ್ಣ ಕತೆ ಹೇಳಿ ನಂತರ ಪಾಠ ಸುರುಮಾಡುವೆನು-

ಒಂದು ಊರಲ್ಲಿ ಒಂದು ಸರಕಾರೀ ಸ್ಕೂಲ್ ಇತ್ತು. ಅಲ್ಲಿನ ಮಕ್ಕಳು ದಿನವೂ ಸ್ಕೂಲಿಗೆ ಹೊರಡುವ ಮೊದಲು ಲೆಕ್ಕ,ಗಣಿತ,ಸಮಾಜ ಪಾಠ ಕಲಿಸುವ ಗುರುಗಳು ರಜೆ ಮಾಡುವುದು ಬೇಡ ಎಂದು ದೇವರಲ್ಲಿ ಪ್ರಾರ್ಥಿಸುತ್ತಿದ್ದರು.

ಯಾಕೆಂದರೆ-

ಅದೇ ಸ್ಕೂಲಿನ ಕನ್ನಡ ಗುರುಗಳು ಮತ್ತು ಇಂಗ್ಲೀಷ್ ಮೇಸ್ಟ್ರುಗಳಿಬ್ಬರಿಗೂ ಪಾಠ ಕಲಿಸುವುದರಲ್ಲಿ ಪೈಪೋಟಿ. ಉಳಿದ ಗುರುಗಳು ರಜೆ ಮಾಡಿದ್ದಾರೆಂದು ತಿಳಿದ ಕೂಡಲೇ ಇವರು ಕ್ಲಾಸ್‌ಗೆ ನುಗ್ಗಿ ವ್ಯಾಕಾರಣ/ಗ್ರಾಮರ್ ಪಾಠ ಮಾಡುತ್ತಿದ್ದರು. ಇಬ್ಬರೂ ಬಹಳ ಸ್ಟ್ರಿಕ್ಟ್. ಹಗಲೂ ರಾತ್ರಿ ಮಕ್ಕಳು ಬರೀ ವ್ಯಾಕಾರಣ/ಗ್ರಾಮರ್ ಕಲಿಯುತ್ತಿದ್ದರು. ವ್ಯಾಕಾರಣ,ಅಕ್ಟಿವ್ ವಾಯ್ಸ್,ಪೇಸಿವ್ ವಾಯ್ಸ್.. ಎಲ್ಲಾ ವಾಯ್ಸ್‌ಗಳು ಬಂದರೂ ಅವರೆದುರು ನಿಂತು ಉತ್ತರಿಸಲು ವಾಯ್ಸೇ ಬರುತ್ತಿರಲಿಲ್ಲ.

ಆ ಸ್ಕೂಲಲ್ಲಿ ಕಲಿತು ಬಂದವನು ನಾನು!

ಈಗ ಪಾಠ ಸುರುಮಾಡೋಣ- Read more about ವ್ಯಾಕಾರಣ

೨೦೧೦!

ನಂಬಲಿಕ್ಕೇ ಆಗುತ್ತಿಲ್ಲಾ!!

೨ಕೆ-೨ಕೆ ಅನ್ನುತ್ತಿದ್ದೆವು.. ಆಗಲೇ ೨೦೧೦...ಸಾಧ್ಯವೇ ಇಲ್ಲ!!

ಲೆಕ್ಕದಲ್ಲಿ ಜಾಣರಿರುವವರು, ಈ "ಲೀಪ್ ಇಯರ್"ನಿಂದಾಗಿ ಯಾವ ಯಾವ ಇಯರ್‌ಗಳನ್ನೆಲ್ಲಾ ಬಿಟ್ಟಿದ್ದಾರೆಂದು ಒಮ್ಮೆ ನೋಡಿ ಹೇಳುವಿರಾ?

ಎರಡು ಲೈನ್..ಬರೀ ಎರಡು ಲೈನ್, ನನ್ನಾಕೆಗೆ-ನೆನಪಿಡಿ ನನ್ನಾಕೆಗೇ, ಲವ್ ಲೆಟರ್ ಬರೆಯಲು ಶಬ್ದಗಳು ಸಿಗದೇ ಒದ್ದಾಡುತ್ತಿದ್ದುದು ನಿನ್ನೆ ಮೊನ್ನೆ ಆದಂತೆ ಇದೆ! ಆಗಲೇ ಮದುವೆಯಾಗಿ, ಮಕ್ಕಳಾಗಿ..ಮುದುಕನಾಗುವತ್ತ....ನಂಬಕ್ಕಾಗುತ್ತಿಲ್ಲ..

ಬಹುಷ:..

ಹೆಚ್ಚಿನಂಶ...

ಅಲ್ಲ.. ಗ್ಯಾರಂಟೀ.. "ಹಿಪ್"ನಾಟಿಸಂ ಮಾಡಿ ಹಿಂದೆ ಹೋಗುವ ತರಹ, ಯಾರೋ ನನ್ನ ಮೇಲೆ "ಮುಪ್ಪ್"ನಾಟಿಸಂ ಮಾಡಿದ್ದಾರೆ.

ಹಾಗೆಂದು ಮುಪ್ಪು ಬರುತ್ತಿರುವುದಕ್ಕೆ ಬೇಸರವೇನಿಲ್ಲ. ಚಿಕ್ಕವನಿದ್ದಾಗಿನಿಂದಲೇ ಬಯಸುತ್ತಿದ್ದೆ:

ಬಿಳಿ ತಲೆಕೂದಲು ಹಿಂದೆ ಬಾಚಿ, ಬಿಳಿ ಮೀಸೆ ತಿರುಗಿಸಿ, ಪಂಚೆ ಎಡಕೈಯಲ್ಲಿ ಎತ್ತಿ ಹಿಡಿದು, ನಾನೂ ಹುಡುಗರಿಗೆ ಜೋರುಮಾಡಬೇಕೆಂದು.... Read more about ಹಿರಿಯನಾದರೆ ಏನು ಶಿವಾ..

ದೇವರ ಧ್ಯಾನದಲ್ಲೇ ಮುಳುಗಿದವನಿಗೆ ಹಸಿವಿನ ಯೋಚನೆಯೇ ಇರುವುದಿಲ್ಲ. ಈ ಉಪವಾಸ ನನ್ನಿಂದ ಸಾಧ್ಯವೇ ಇಲ್ಲ.

ಯಾವಾಗಲೂ "ಅಮ್ಮಾ..ಅಮ್ಮಾ..." ಎಂದು ರಚ್ಚೆ ಮಾಡುವ ಮಕ್ಕಳಿಗೆ ಅಮ್ಮ ಎರಡೇಟು ಕೊಟ್ಟು ದಬ್ಬುವಂತೆ,ದೇವರೂ ದೂರ ಮಾಡಿಯಾರು. ಅದಕ್ಕೆ ಟೈಮ್ ಸಿಕ್ಕಾಗ ದೇವರ ಮುಂದೆ ಮಿನಿಮಮ್ ಬೇಡಿಕೆಗಳ ಪಟ್ಟಿ ಇಟ್ಟು, ಕಾಲಕಾಲಕ್ಕೆ ರಿನೀವಲ್ ಮಾಡುತ್ತಿರುವೆನು.

ಇನ್ನೊಂದು ಉಪವಾಸ- ಊಟ ಇತ್ಯಾದಿ ತಿನ್ನದೇ ಹೊಟ್ಟೆ ಖಾಲಿ ಇಡುವುದು. "ಎಲ್ಲಾರೂ ಮಾಡುವುದು ಹೊಟ್ಟೆಗಾಗಿ"ದಾಸರು ಹೇಳಿಲ್ವೇ?

ನಾನಂತೂ ಹೊಟ್ಟೆ ಪಕ್ಷದವ-

ಬೆಳಗ್ಗೆ "ಟೀ" ವಾಸನೆ ಬಂದಾಗಲೇ ನನಗೆ ಎಚ್ಚರವಾಗುವುದು. ನೆಕ್ಸ್ಟ್ "ನಾಸ್ಟಾ"..

ನಿನ್ನೆ ಸಂಜೆ ಪಾರ್ಕ್‌ನಲ್ಲಿ ಒಂದು ಸುತ್ತು ಜಾಗಿಂಗ್ ಹೋಗಿ, ಕುಳಿತು ಕೊಳ್ಳುವಾ ಎಂದರೆ ಒಂದೇ ಒಂದು ಕಲ್ಲುಬೆಂಚು ಖಾಲಿ ಇರಲಿಲ್ಲ- ಪ್ರೇಮಿಗಳು ಭರ್ತಿ.

ನಡೆದುಕೊಂಡು ಎರಡನೇ ಸುತ್ತು ಹಾಕಿದೆ. ಬೆಂಚ್ ಖಾಲಿಯಾಗುವ ಲಕ್ಷಣವೇ ಇಲ್ಲಾ...

ಇನ್ನೊಂದು ರೌಂಡ್ ಓಡಲು ಬೇಕಾದಷ್ಟು ತ್ರಾಣ ಉಳಿಸಿ...ಒಂದು ಬೆಂಚಲ್ಲಿ ಪ್ರೇಮಿಗಳ ಪಕ್ಕ ಹೋಗಿ ಕುಳಿತೆ :) ಆಕೆ "ಕಿಚ ಪಿಚ ಕಿಚ ಪಿಚ" ಅಂತಾ ಪ್ರೇಮಿಯನ್ನು ಕೊರೀತಾ ಇದ್ಳು ಕೊರಿತಾ ಇದ್ಳು... ಅಬ್ಬಾ.. ಅದೇನು ನಾಲಗೆನೋ? ಮೆಷಿನ್ನೋ? ಮಾತನಾಡುತ್ತಿರುವ ವೇಗ ನೋಡಿದರೆ, ಆ ನಾಲಗೆಗೆ ಒಂದು ಮಿನಿ ಜನರೇಟರ್ ಸಿಕ್ಕಿಸಿದರೆ ಇಡೀ ಪಾರ್ಕ್‌ಗೆ ಬೇಕಾದಷ್ಟು ಬೆಳಕು ಸಿಗಬಹುದು!! ಹೀಗೇ ಪಾರ್ಕ್‌ನ ಅಷ್ಟೂ ಪ್ರೇಮಿಗಳ ನಾಲಗೆಯಿಂದ ಇಡೀ ಕರ್ನಾಟಕದ ಕರೆಂಟು ಸಮಸ್ಯೆ ನೀಗಿಸಬಹುದು :)

ನೀವು ಗಮನಿಸಿದ್ದೀರಾ.........?

ಸಾಮಾನ್ಯವಾಗಿ ಈ "ಕ್‌ರ್‌ರ್‌ರ್.."ಎಂದು ಗಂಡಿನ ಕಿವಿಯನ್ನು ಡ್ರಿಲ್ ಮಾಡುವ ಹೆಣ್ಣು ತೆಳ್ಳಗೆ ಸುಂದರವಾಗಿರುತ್ತಾಳೆ. Read more about ಏನು ಮಾತು..ಏನು ಮಾತಮ್ಮಾ...

ಗೋಮಾಂಸ ಜಗಿದೂ ಜಗಿದೂ ಜಿಹ್ವಾ(ನಾಲಗೆ) ಜಡ್ಡು ಹಿಡಿದು ಹೋಗಿತ್ತು. ಯಾವತ್ತು ಭೈರಪ್ಪನವರ "ಕವಲು" ಕೃತಿ ಬಿಡುಗಡೆ ಬಗ್ಗೆ ಪತ್ರಿಕಾ ವರದಿ ಓದಿದೆನೋ, ಮೊದಲು ನಾಲಗೆ ಸಾಣೆ ಹಿಡಿಸಿ ಬಂದಿರುವೆ. ಫಸ್ಟ್ ಕ್ಲಾಸ್ ಹರಿತವಾಗಿದೆ. ಇನ್ನು ೨೮ರವರೆಗೆ( ಕೃತಿ ಬಿಡುಗಡೆ ದಿನಾಂಕ) ಕಾಯಲು ಸಾಧ್ಯವಿಲ್ಲ.

ಕಾದಂಬರಿ ಬಿಡುಗಡೆಗೂ ಮೊದಲು ವಿಮರ್ಶೆ ಹೇಗೆ ಸಾಧ್ಯ ಅಂದಿರಾ?

ನನ್ನಿಂದ ಸಾಧ್ಯವಿಲ್ಲದ್ದು ಯಾವುದೂ ಇಲ್ಲಾ-

ಸಿನಿಮಾ ಹಾಗೂ ನಟನ ಹೆಸರು ಕೊಡಿ ಸಾಕು, ವಿಮರ್ಶೆ ೫ ನಿಮಿಷದಲ್ಲಿ ರೆಡಿ.

ರಂಗಮಂದಿರ ಮತ್ತು ನಿರ್ದೇಶಕ ಯಾರೆಂದು ಗೊತ್ತಾದರೆ ನಾಟಕ ವಿಮರ್ಶಿಸಬಲ್ಲೆ!

ಬಾಂಬ್ ಬಿದ್ದ ಪ್ಲೇಸ್ ಹೇಳಿ, ಉಳಿದದ್ದು ನನಗೆ ಬಿಡಿ..

ಇನ್ನು..ಈ ಕೃತಿ...ಏನಂತೀರಿ..........ಥತ್..ಆಂ.. "ಕವಲು".... ನನ್ನಂತಹವರು ಚರ್ಚಿಸಲು ತಕ್ಕುದಾದ ಪುಸ್ತಕವೇ ಅಲ್ಲ.. ಹೆಸರಲ್ಲೇ "ಕಮಲ"ದ ವಾಸನೆ ಹೊಡೆಯುವುದು. ಹೆಚ್ಚೆಂದರೆ ಇದನ್ನು ಕೋಮುವಾದಿ ಪಕ್ಷದ ಪ್ರಣಾಳಿಕೆ ಎನ್ನಬಹುದು. Read more about "ಕವಲು" ಕಾದಂಬರಿಯ ವಿಮರ್ಶೆ

ನಡುರಾತ್ರಿ.........

ನೆಟ್‌ನಲ್ಲಿ "ಶ್ರೀಗಂಧ"ದ ಮರ ಕದಿಯಲು ಗೂಗ್‌ಲ್ ಬೆಳಕಲ್ಲಿ ಹೊರಟಿದ್ದೆ.

"ಪಿಯಾ ತೂ....ಅಬ್ ತೊ ಆಜಾ...." ದಡಬಡ ಎದ್ದು ಬಿದ್ದು ಮೊಬೈಲ್ ಹುಡುಕಿ, ಆಫ್ ಮಾಡುವಾಗ ಮನೆಯಾಕೆಗೆ ಎಚ್ಚರವಾಯಿತು.

"ಯಾರದ್ರೀ ಅದು?" "ಅಲಾರ್ಮ್ ಕಣೇ.. ನೀನು ಮಲಗು, ಟೀ ಮಾಡಿ ಕರೀತೇನೆ" ಎಂದೆ. ಪಕ್ಕಕ್ಕೆ ತಿರುಗಿ ಹಾಯಾಗಿ ಮಲಗಿದಳು. ಅಬ್ಬಾ..

ಕೋಣೆಯಿಂದ ಹೊರಬಂದು ಮೊಬೈಲ್ ನೋಡಿದೆ-ಗೋಪಿನಾಥರು ಫೋನ್ ಮಾಡಿದ್ದು. ರಿಂಗ್ ಮಾಡಿದೆ. " ನಾಳೆ ಬೆಳಗ್ಗೆ ೬ ಗಂಟೆಗೆ ಸುರೇಶ್ ಮನೆಗೆ ಬನ್ನಿ. ಅಲ್ಲಿಂದ ಕೋಮಲ್ ಹಳ್ಳಿಗೆ ಹೋಗಲಿಕ್ಕಿದೆ. ವಿಷಯ ಅಲ್ಲೇ ಹೇಳ್ತೇನೆ." ಎಂದು ಫೋನ್ ಇಟ್ಟರು.

ಬೆಳಗ್ಗೆದ್ದು ಮನೆಗೆಲಸ ಎಲ್ಲಾ ಮುಗಿಸಿ ಹೊರಡುವಾಗ ೭ ಗಂಟೆನೇ ಆಯಿತು. ಸುರೇಶ್ ಮನೆ ತಲುಪುವಾಗ ಗೋಪಿನಾಥರು ಕೋಪಿನಾಥರಾಗಿದ್ದರು.ಸ್ಟಾರ್ಟ್ ಮಾಡಿ ರೆಡಿಯಾಗಿದ್ದ ಕಾರೊಳಗೆ ತಳ್ಳಿದರು. ಕಾರೊಳಗೆ ನೋಡಿದರೆ ನಾವು ೩ ಜನ ಅಷ್ಟೇ.. " ಸೀಟು ಖಾಲಿಯಿತ್ತು. ನನ್ನ ಹೆಂಡತಿಯನ್ನೂ ಕರಕೊಂಡು ಬರುತ್ತಿದ್ದೆ." ಅಂದೆ. Read more about ಗೌಡರ ಮನೆಯಿಂದ ಕೆರೆಗೆ ಎಷ್ಟು ದೂರ?

ಮುಂಜಾನೆದ್ದು, ಮನೆಹೊರಗಿನ ಕಾಂಪೌಂಡ್ ಕಟ್ಟೆಯಲ್ಲಿ ಕುಳಿತು ಪೇಪರ್ ಓದುತ್ತಿದ್ದೆ. ( ಪಕ್ಕದ ಮನೆಯವರ ಪೇಪರ್ ನಮ್ಮ ಮನೆಯೊಳಗೆ ತೆಗೆದುಕೊಂಡು ಹೋಗಿ ಓದುವುದು ಸಭ್ಯರ ಲಕ್ಷಣವಲ್ಲ..ಅದಕ್ಕೆ)

ಪೇಪರ್ನಲ್ಲಿ ಪೇಟೆ ಧಾರಣೆ ನೋಡುವುದು ನನ್ನ ಈಗಿನ ಹವ್ಯಾಸ. ಯಾವ ಏರಿಯಾದ MLA ರೇಟು ಎಷ್ಟು ಏರಿತು/ಎಷ್ಟಕ್ಕೆ ಇಳಿಯಿತು... ತುಂಬಾ ಕೆಳಗೆ ಇಳಿದರೆ ಒಂದು ೩-೪ ಶೇರ್(ಕೆಲವರು ಕತ್ತೆ, ಗುಳ್ಳೆನರಿ..ಅಂತಾರೆ) ಖರೀದಿ ಮಾಡಿ ಇಟ್ಟುಕೊಳ್ಳುವುದು, ಮುಂದೆ(ಕೋರ್ಟು ಕೇಸೆಲ್ಲಾ ಮುಗಿದಾಗ) ಒಳ್ಳೆ ರೇಟು ಬಂದರೆ ಮಾರುವುದು ಅಂತ ಇದ್ದೇನೆ.

ಆಗಲೇ ಒಂದು ಕಾಗೆ ಹತ್ತಿರ ಬಂದು "ಕಾವ್ ಕಾವ್" ಎಂದಿತು. ಓಡಿಸಿದೆ.

"ಒಡೆಯರು ಕರೀತಿದ್ದಾರೆ. ಬೇಗ.." "ಹಾಳಾದವ, ನಾನು ಪೇಪರ್ ಓದಿ ಮುಗಿಸುವುದರೊಳಗೆ ಎದ್ದನಾ" ಎಂದಾಲೋಚಿಸಿ ಪೇಪರ್ ಮಡಚಿ ಪಕ್ಕದ ಮನೆಯ ಕೆಲಸದವನಿಗೆ ಕೊಡಲು ಹೊರಟರೆ....... ಅಲ್ಲಿ ಯಾರೂ ಇಲ್ಲಾ!!

ಪುನಃ - "ಒಡೆಯರು ಕರೀತಿದ್ದಾರೆ. ಬೇಗ ಬನ್ನಿ." !! Read more about ಒಡೆಯರು ಯಾರಿರಬಹುದು?

"ಅವು ಮಕ್ಕಳಾ....ಥೇಟ್ ಕೋತಿಗಳು. ಬಾಲ ಒಂದಿಲ್ಲ ಅಷ್ಟೇ.." ಅನ್ನುತ್ತಾರೆ, ಚೇಷ್ಟೆ ಮಾಡುವ ಮಕ್ಕಳಿಗೆ.

"೯ ಗಂಟೆಯವರೆಗೆ ಹಾಸಿಗೆಯಲ್ಲಿ ಹೊರಳಾಡುತ್ತಾನೆ, ಕೋಣ" ಮಗನ ಗುಣಗಾನ ತಾಯಿಯಿಂದ.

ಮಂಗನಿಂದ ಮಾನವ ಹೌದೋ ಅಲ್ಲವೋ, ಆದರೆ ಪ್ರಾಣಿಗಳ ಒಂದಿಲ್ಲೊಂದು ಗುಣವನ್ನು ಮಾನವನಿಗೆ ಹೋಲಿಸಿ ಹೊ(ತೆ)ಗಳುವರು. ನಾಯಕ ಯಾವಾಗಲೂ "ಸಿಂಹ". ಆದರೆ ಈಗಿನ ನಾಯಕರ ಬಗ್ಗೆ ಹಾಗೆ ಹೇಳಲು ಸಾಧ್ಯವಿಲ್ಲ.

"ಕುಮಾರಣ್ಣನವರಿಂದ ಸಿಂಹಘರ್ಜನೆ"

"ಕಾಂಗೈ ವರಿಷ್ಠರಿಂದ ಪಕ್ಷದ ಗೆಲುವಿನ(!) ಸಿಂಹಾವಲೋಕನ"

"ಎದುರಾಳಿಗಳಿಗೆ ಯಡ್ಡಿ ಸಿಂಹಸ್ವಪ್ನ" ಈ ತರಹ ಹೇಳಿದರೆ ಅವರವರ ಪಕ್ಷದವರೇ ಬಿದ್ದುಬಿದ್ದು ನಗುವರು.

ಸಂಪದದಲ್ಲಿ ೩ನೇ ವರ್ಷಕ್ಕೆ ಕಾಲಿಟ್ಟ ಲೆಕ್ಕದಲ್ಲಿ ನಮ್ಮ ಭಲ್ಲೆಯವರು ಒಂದು ಕವನ ಬರೆದಿದ್ದರು.  http://sampada.net/%E0%B2%AE%E0%B2%A6%E0%B3%81%E0%B2%B5%E0%B3%86%E0%B2%97%E0%B3%86-%E0%B2%92%E0%B2%82%E0%B2%A6%E0%B3%81-%E0%B2%B9%E0%B3%81%E0%B2%A1%E0%B3%81%E0%B2%97%E0%B2%BF-%E0%B2%B9%E0%B3%81%E0%B2%A1%E0%B3%81%E0%B2%95%E0%B2 Read more about ಸಂಪದದ ಕವಿಗಳು ಮೊದಲು ನಿರ್ಧರಿಸಲಿ..

"ಪ್ರೇಮಕವಿ ತಮ್ಮಣ್ಣ"ನವರು ಮಧ್ಯರಾತ್ರಿ ಹನ್ನೆರಡು ಗಂಟೆಗೆ ಸಂದರ್ಶನಕ್ಕೆ ಟೈಮ್ ಕೊಟ್ಟಿದ್ದರಲ್ವಾ.. ೧೨ ಗಂಟೆಗೆ ಸರಿಯಾಗಿ ಅವರ ಮನೆಗೆ ಹೋದೆ...ಬಾಗಿಲು ಬಡಿದೆ...ಬಾಗಿಲು ತೆರೆದ ಕೂಡಲೇ ಕಿಟಾರನೆ ಕಿರುಚಿ ಬಿದ್ದೆನು..

ನನ್ನ ಕೈಲಿದ್ದ ಚೀಲದಿಂದ ಬಾಟಲನ್ನು ತೆಗೆದು ಅದರಲ್ಲಿದ್ದ ದ್ರವವನ್ನೇ ಮುಖಕ್ಕೆ ಚಿಮುಕಿಸಿ, ಕುಡಿಸಿ, ನನ್ನನ್ನು ಎಬ್ಬಿಸಿದರು. ಮಸುಕು ಮಸುಕಾಗಿ ಒಂದೊಂದೇ ಗೋಚರಿಸಿತು. ಪೂರ್ತಿ ಕೋಣೆಯಲ್ಲಿ ಬೀಡಿಹೊಗೆ ತುಂಬಿತ್ತು. ಟೇಬಲ್ ಮೇಲೆ ಕ್ಯಾಂಡ್‌ಲ್ ಉರಿಯುತ್ತಿತ್ತು. ಆ ಬೆಳಕಲ್ಲಿ ಪ್ರೇಮಕವಿ ಪ್ರೇತದಂತೆ ಕಂಡದ್ದರಿಂದ ಭಯಗೊಂಡಿದ್ದೆ.

"ತಮ್ಮಣ್ಣನವರೆ, ಕರೆಂಟು ಹೋಯಿತಾ?" ಎಂದು ಕೇಳಿದೆ.

"ಹೋಗಿಲ್ಲ, ಕರೆಂಟು ಉಳಿತಾಯ ಮಾಡುತ್ತಿದ್ದೇನೆ. ರಾಜ್ಯಕ್ಕಾಗಿ!! ’ಕ್ಯಾಂಡ್‌ಲ್ ಉರಿಸಿ, ಕರೆಂಟು ಉಳಿಸಿ’ ನನ್ನ ಕವನ ಓದಿಲ್ವಾ? ಇದರಿಂದಇನ್ನೂ ಒಂದು ಲಾಭವಿದೆ. ಬೀಡಿ ಮುಗಿದ ಹಾಗೆ ಹೊತ್ತಿಸಲು ಬೆಂಕಿಪಟ್ನ ಹುಡುಕುವ ತಾಪತ್ರಯವಿಲ್ಲ." ಎಂದರು. Read more about ತೆರೆಯೋ ಬಾಗಿಲನು..

"ಯಾರೂ ನೋಡದ ಸ್ಥಳದಲ್ಲಿ ಬಾಳೆಹಣ್ಣು ತಿಂದು ಬರಬೇಕು" ಎಂದು ಈ ಕಾಲದಲ್ಲಿ, ಅದೂ ನಮ್ಮ ಮನೆಯಲ್ಲಿ, ಗುರು ವ್ಯಾಸರು ತಮ್ಮ ಶಿಷ್ಯರಿಗೆ ಹೇಳಿದ್ದರೆ..............

ಅವರ ಎಲ್ಲಾ ಶಿಷ್ಯರು ಕನಕದಾಸರಾಗಿರುತ್ತಿದ್ದರು!!!!!

ನಮ್ಮ ಮನೆಯಲ್ಲಿ ಶಿಷ್ಯರು ಎಲ್ಲೇ ಅಡಗಿ ಕುಳಿತರೂ, ಅಲ್ಲೊಂದು ಫೋಟೋ/ಕ್ಯಾಲೆಂಡರ್ ಅವರನ್ನು ದಿಟ್ಟಿಸಿ ನೋಡುತ್ತಿರುತ್ತದೆ!

ಹಾಗೆಂದು ನಾನು ಕ್ಯಾಲೆಂಡರ್ ಪ್ರಿಯನೂ ಅಲ್ಲ. ಮಹಾನ್ ದೈವಭಕ್ತನೂ ಅಲ್ಲ. ಬಾಬಾರನ್ನು ನಂಬದಿದ್ದರೂ ಆಳೆತ್ತರದ ಕ್ಯಾಲೆಂಡರ್‌ನಲ್ಲಿರುವ ಬಾಬಾ ನಾವು ಊಟಮಾಡುವುದನ್ನು ೩ ವರ್ಷದಿಂದ ಗಮನಿಸುತ್ತಿದ್ದಾರೆ. Read more about ಹೊಸ ವರುಷದ ಹೊಸ ಕ್ಯಾಲೆಂಡರ್..

ಟಾಮ್ ಅಂಡ್ ಜೆರ್ರಿ ಕಾರ್ಟೂನನ್ನು ಮಕ್ಕಳಿಂದ ಮುದುಕರವರೆಗೆ ಎಲ್ಲರೂ ಕಣ್ಣುಬಾಯಿ ಬಿಟ್ಟು ನೋಡುವರು. ಅದರಲ್ಲಿ ಎಲ್ಲವನ್ನೂ ಹಾಳು ಮಾಡುವ, ಕೀಟಲೆ ಸ್ವಭಾವದ, ಜೆರ್ರಿ (ಇಲಿ) ಎಲ್ಲರಿಗೂ ಇಷ್ಟ. ಆ ಟಾಮ್ ಬೆಕ್ಕಿನ ಬಗ್ಗೆ ಮರುಕಪಡುವವರು ಒಬ್ಬರಾದರೂ ಇದ್ದಾರಾ? ಇದ್ದಾರೆ... Read more about ಗಣೇಶ Vs ಇಲಿ

ಮದುವೆ ಸಮಯದಲ್ಲಿ ಹೊಲಿಸಿದ "ಕರಿ ಕೋಟು" ನಂತರ ಯಾವುದೋ ಕಪಾಟಿನ ಮೂಲೆಯಲ್ಲಿ ಭದ್ರವಾಗಿ ಇತ್ತು. ಕಳೆದ ತಿಂಗಳು ಮನೆ ಶಿಫ್ಟ್ ಮಾಡುವಾಗ ಸಿಕ್ಕಿತು. ಸಾವಿರಾರು ರೂಪಾಯಿ ಖರ್ಚು ಮಾಡಿ ಹೊಲಿಸಿದ ಕೋಟನ್ನು ಮೂಲೆಯಲ್ಲಿ ಇಟ್ಟದ್ದಕ್ಕೆ ಮನೆಯಾಕೆಗೆ ಸಿಕ್ಕಾಪಟ್ಟೆ ಬೈದು (ಮನಸ್ಸಲ್ಲೇ), ನೀಟಾಗಿ ಇಸ್ತ್ರಿ ಮಾಡಿ ರೆಡಿ ಮಾಡಿ ಇಟ್ಟಿದ್ದೆ. ಈ ದಿನ ಬೆಳಗ್ಗೆ ಹಾಕಿಕೊಂಡು ಟ್ರಿಮ್ಮಾಗಿ ಆಫೀಸಿಗೆ ಹೊರಟೆನು.

ಆಶ್ಚರ್ಯ!

ಎದುರು ಸಿಕ್ಕವರೆಲ್ಲಾ ನಮಸ್ಕಾರ ಮಾಡುತ್ತಿದ್ದರು. ನನ್ನ ಲಟಾರಿ ಸ್ಕೂಟರ್‌ಗೆ ಭಾರಿ ಭಾರಿ ಕಾರಿನವರೇ ಸೈಡು ಕೊಟ್ಟು ಮುಂದೆ ಹೋಗಲು ಬಿಡುತ್ತಿದ್ದರು.

ಮಂತ್ರಿಗಳ ಕಾರು! ... ರಿವರ್ಸ್ ಸಾಂಗ್ ಹೇಳುತ್ತಾ ಹಿಂದೆ ಹೋಯಿತು!

ಸಿಗ್ನಲ್‌ನಲ್ಲಿ ನಿಂತಿದ್ದಾಗ, ಎಲ್ಲರ ಮುಗುಳ್ನಗೆ, ಸಲ್ಯೂಟ್, ಸಲಾಮು! Read more about ಕರೀಕೋಟು

(ತಿಂಬಟು ಸ್ವಾಮಿ = ತಿನ್ನುವುದರಲ್ಲಿ ಎಕ್ಸ್‌ಪರ್ಟು ಸ್ವಾಮಿ = ಅಂಡಾಂಡಭಂಡ ಸ್ವಾಮಿ)

ಎಡೆಬಿಡದೇ ವರ್ಷಾನುಗಟ್ಟಲೆ "ಡೈನಿಂಗ್ ರೂಮಲ್ಲಿ" ತಿನ್ನುತ್ತಾ ಇದ್ದಾಗ, ಸ್ವಾಮೀಜಿಗೆ ಜ್ಞಾನೋದಯವಾಯಿತು. ಅವರು ಪ್ರವಚನ/ಉಪದೇಶ ಕೊಡುವ ಕ್ರಮವಿಲ್ಲ. ಯಾವಾಗಲೂ ಧ್ಯಾನದ(ತಿನ್ನುವುದರ)ಲ್ಲಿ ಮಗ್ನರಾಗಿರುವುದರಿಂದ, ಎಡೆ‌ಎಡೆಯಲ್ಲಿ ಅವರು ಹೇಳಿದ ಮಾತುಗಳನ್ನು ಸಂಗ್ರಹಿಸಿ, ಸರ್ಫ್‌ನಲ್ಲಿ ತೊಳೆದು, ಒಣಗಿಸಿ, ಇಸ್ತ್ರಿ ಹಾಕಿ ಇಲ್ಲಿ ಕೊಡಲಾಗಿದೆ-

ದೇವರು :

ಮಾನವ ಜೀವನದಲ್ಲಿ ಹೇಗೆ ಬಾಲ್ಯ, ಕೌಮಾರ್ಯ, ಯೌವನ್ಯ, ವೃದ್ಧಾಪ್ಯ ಎಂದು ನಾಲ್ಕು ಹಂತಗಳಿರುವುದೋ (ಯೌವನ್ಯ-ಪ್ರಾಸಕ್ಕಾಗಿ "ಯ" ಅಡಿ ಒತ್ತುಕೊಟ್ಟಿರುವರು), ಹಾಗೇ ದೇವರ ವಿಷಯದಲ್ಲೂ ನಾಲ್ಕು ಹಂತಗಳಿವೆ. Read more about ತಿಂಬಟ್ ಸ್ವಾಮಿಯ ಉದ್ಗಾರಗಳು