ಲೇಖನಿಯ ಸಮರ
ಕವನ
ಒಮ್ಮೆ ಕೊಡವಿ
ಮತ್ತೊಮ್ಮೆ ಒತ್ತಿ
ಅಡ್ಡಾದಿಡ್ಡಿ ಗೀಚಿ
ಆಮೇಲೆ ಬರೆಯ ತೊಡಗಿದಾಗ
ಮುಷ್ಕರ ಹೂಡಿತ್ತು
ನನ್ನ ಹೊಸ ಲೇಖನಿ
ಸಿಟ್ಟಿನಿಂದ ಇನ್ನೂ ಜೋರಾಗಿ
ಕೆಡವಿದಾಗ ಚೆಲ್ಲಿದ ಆ
ಬಿಂದು ಶಾಯಿಯಲ್ಲಿ
ಕವಿ ಮನಸ್ಸಿನ ನೋವಿತ್ತು
ಖಾಲಿ ಹಾಳೆಯಲ್ಲಿ
ಬರೆಯಲೊಲ್ಲದೆ
ಬಿದ್ದ ಶಾಯಿಯ
ಪ್ರತಿಭಟನೆಯ ಕಿಚ್ಚು
ನನ್ನ ಕೆರಳಿಸಿದಾಗ
ಹಾಳೆಯನ್ನೇ
ಮುದ್ದೆ ಮಾಡಿ ಬಿಸಾಡಿದೆ
ಬರೆಯಲಿ ಹೇಗೆ?
ಮೌನ ಪ್ರತಿಭಟನೆ ನನ್ನದು
ಲೇಖನಿಯದ್ದೂ...
ಚಿತ್ರ್
- Log in to post comments