ಉತ್ತಮ ಬರಹಗಾರರಿಗೆ ಸಂಪದ ಪ್ರಶಸ್ತಿ. 
September 11, 2012 - 4:11pm
ಮಾಹಿತಿ ಜಾಲದ ತಾಂತ್ರಿಕ ಪುತ್ರರ
ತಾರ್ಕಿಕ ಯುಗದ ಯಾಂತ್ರಿಕ ಶರಣರ
ತರ್ಕಕೆ ಸಿಗದ ತತ್ರಾಂಶ ಸಂಭೂತರ
ನಿಃಸ್ತಂತು ಲೋಕದ ಲೌಕಿಕ ನಿಪುಣರ
ನಮ್ಮಯ ನಾಡು ಹೆಮ್ಮೆಯ ಚತುರರ
ವಿಶ್ವದ ವಿಸ್ಮಯ ವಿದ್ವತ್ತಿನ ತವರು
ಜೈವಿಕ ತಂತ್ರದ ಮಾಂತ್ರಿಕ ಮಿತ್ರರ
ಹೊಸಹೊಸ ಸೃಷ್ಟಿಯ ನವ ಹರಿಕಾರರ
ಬ್ರಹ್ಮನ ಸೃಷ್ಟಿಗೆ ಪ್ರತಿ ಸೃಷ್ಟಿಯ ಗೈಯುವ
ಅವಿರತ ಶ್ರಮದ ನವ ವಿಶ್ವಾಮಿತ್ರರ
ನಮ್ಮಯ ನಾಡು ಹೆಮ್ಮೆಯ ಚತುರರ
ವಿಶ್ವದ ವಿಸ್ಮಯ ವಿದ್ವತ್ತಿನ ತವರು
ವರ್ಷಾಕಾಲದ ಹರ್ಷದ ಮಳೆಯನು
ಹರಿಯಲು ಬಿಡದೆ ಆಣೆಯ ಕಟ್ಟಿ
ಕುಡಿಯಲು ತೊಳೆಯಲು ಬಳಸಲು ಬೆಳೆಸಲು
ಗಂಗೆಯ ಹರಿಸುವ ಭಗೀರಥ ಪುತ್ರರ
ನಮ್ಮಯ ನಾಡು ಹೆಮ್ಮೆಯ ಚತುರರ
ವಿಶ್ವದ ವಿಸ್ಮಯ ವಿದ್ವತ್ತಿನ ತವರು
ಹರಿಯುವ ನೀರಲಿ ಬೀಸುವ ಹವೆಯಲಿ
ಉರಿಯುವ ಬಿಸಿಲಲಿ ನೀರಿನ ಹಬೆಯಲಿ
ಹುದುಗಿದ ಶಕ್ತಿಯ ಬಯಲಿಗೆ ತೆಗೆದು
ಇರುಳಲಿ ಬೆಳಕಿನ ಜೀವನ ಥಳುಕಿಗೆ
ಶಕ್ತಿಯ ನೀಡುವ ನವ ಶಾಕ್ತೇಯರ
ನಮ್ಮಯ ನಾಡು ಹೆಮ್ಮೆಯ ಚತುರರ
ವಿಶ್ವದ ವಿಸ್ಮಯ ವಿದ್ವತ್ತಿನ ತವರು
ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ:
ಈ ಪುಟವನ್ನು ಉಳಿದವರೊಂದಿಗೆ ಹಂಚಿಕೊಳ್ಳಿ
