kavana

ನನ್ನ ಮೊದಲ ತೊದಲ ಮಾತು ನಿನ್ನ ಹೆಸರೇ ತಾನೇ
ಪುಟ್ಟ ಅಂಬೆಗಾಲನಿಟ್ಟು ನಿನ್ನೆಡೆಗೆ ಕೈಚಾಚಿ ಬರುವೆನೆ
ಜಾರಿ ಬಿದ್ದಾಗಲೆಲ್ಲ ನನ್ನ ಕೈ ಹಿಡಿದು ನಡೆಸಿದೆ
ಹಿಡಿ ಮಣ್ಣಿನಂತೆ ಇದ್ದ ಎನ್ನ ಶಿಲ್ಪವಾಗಿ ಮಾಡಿದೆ

ಜೀವನ ಪಯಣದಿ ನಾ ಸಾಗಲು ಮುಂದೆ
ನೀ ನೆರಳಾಗಿ ಬಂದೆ ಸದಾ ಬೆನ್ನ ಹಿಂದೆ
ಕಲ್ಲು ಮುಳ್ಳುಗಳ ದೂರ ಸರಿಸುತಾ ಬಂದೆ
ದಾರಿ ದೀವಿಗೆಯಾಗಿ ಬೆಳಕ ಹರಿಸುತ ನಿಂದೆ

ತ್ಯಾಗ,ಪ್ರೀತಿ ಮಮಕಾರಕೆ ನೀನೆ ಮೂರ್ತ ರೂಪ
ನಿನ್ನ ಪ್ರೇಮ ಸಾಗರದ ನಡುವೆ ನಾನೊಂದು ಸ್ವಾರ್ಥಿ ದ್ವೀಪ
ನೋವನುಂಡು ನಲಿವ ಉಣಿಸೋ ನಿನ್ನ ಪ್ರೀತಿ ಕಡಲು
ಇಂದ್ರನೂ ಹುಡುಕಿ ಹೋದ ಸ್ವರ್ಗ - ತಾಯಿ ಮಡಿಲು

ಜಗದಿ ಒಲವ ಬಣ್ಣಿಸಲು ಕವಿಗಳು ನೂರು ಬೇಕೆ
ಎರಡಕ್ಷರದ ಮಹಾಕಾವ್ಯ "ಅಮ್ಮ" ಎಂದರೆ ಸಾಕೆ..

• srik_km's blog
• 5 ಪ್ರತಿಕ್ರಿಯೆಗಳು
• 212 ಹಿಟ್ಸ್
• 

ಬಂಗಾರದೋಲೆಯಲ್ಲ,
ಕೈ ಬಳೆ ನಾದವಲ್ಲ,
ಕಾಲ್ಗೆಜ್ಜೆ ಸದ್ದಲ್ಲ,
ನನ್ನೊಲವಿನಾರತಿ ಈ ಮೂಗುತಿ.

ಚೆಲುವಿನ ನಾಸಿಕ,
ಶೃಂಗಾರದ ಪ್ರತೀಕ,
ಬಂಗಾರದ ತಿಲಕ,
ನನ್ನೊಲವಿನಾರತಿ ಈ ಮೂಗುತಿ.

ಬೆರಗು ಕಣ್ಗಳು,
ಚೆಂದುಟಿ ಮೂಗು,
ಕೆಂದಾವರೆ ಕೆನ್ನೆ,
ಕಲಶವಿಟ್ಟಂತೆ ಗುಡಿಗೆ,
ಬೆರಗಾಗುವಂತೆ ಅಡಿಗಡಿಗೆ,
ನನ್ನೊಲವಿನಾರತಿ ಈ ಮೂಗುತಿ.

ಫಳಫಳನೆ ಹೊಳೆಯುವ,
ನನ್ನನ್ನೇ ತೋರುವ,  ಮುಂದೆ ಓದಿ »

• manjunathams's blog
• 4 ಪ್ರತಿಕ್ರಿಯೆಗಳು
• 200 ಹಿಟ್ಸ್
• 

ನನ್ನ ದೇಹ ದೂರವಿದ್ದರೇನು
ಮನಸು ನಿನ್ನ ಬಳಿಯೆ ಇರುವಾಗ
ನನ್ನ ಮಾತು ಕೇಳಿಸದಿದ್ದರೇನು
ಮೌನವೆ ಎಲ್ಲ ಹೇಳುತಿರುವಾಗ

ಚಿಂತೆಗಳು ಚುಚ್ಚಲು ಬಂದರೇನು
ನಿನ್ನ ರಕ್ಷಿಸಲು ನಾನಿರುವಾಗ
ಎದೆಯ ಬಾಗಿಲಲ್ಲಿ ಕುಳಿತು ನಿನ್ನ ಕಾಪಾಡುತಿರುವಾಗ

ಕಣ್ಣಂಚಿನಲ್ಲಿ ನೀರು ಬಂದರೇನು
ಕಣ್ಣೀರು ಒರೆಸಲು ನನ್ನ ಪ್ರೀತಿ ಭಾಷೆ ಇರುವಾಗ
ಒಂಟಿತನವೆಂಬ ಭೂತ ಕಾಡಲು ಬಂದರೇನು  ಮುಂದೆ ಓದಿ »

• veeravenki's blog
• 7 ಪ್ರತಿಕ್ರಿಯೆಗಳು
• 194 ಹಿಟ್ಸ್
• 

ಹುಳಿಯನು ಹಿಂಡಿ ರಸವ ತೆಗೆದಾಗ ಹಣ್ಣಿಗೆ ಮುಕ್ತಿ
ಒಳಿತಿನಿಂದ ಕೆಟ್ಟದೆಲ್ಲ ಕಿತ್ತೆಸೆದಾಗ ಬಾಳಿಗೆ ಮುಕ್ತಿ
ಅರಳಿದ ಹೂ ಹಣ್ಣಾದಾಗ ಹೂವಿಗೆ ಸಂತೃಪ್ತಿ
ಸಾಧನೆ ಮಾಡದೆ ಸಾಯುವ ವೇಳೆ ಜೀವಕೆ ಅತೃಪ್ತಿ

ವ್ರುದ್ದಾಪ್ಯದಲಿ ತಂದೆತಾಯಿಯ ಪೊರೆವುದೆ ಭಕ್ತಿ
ಜೀವನ ಚಕ್ರವ್ಯೂಹವ ಬೇಧಿಸಲು ಬೇಕು ಪ್ರೀತಿಯ ಶಕ್ತಿ
ಆಸೆಗಳು ನಾಗಾಲೋಟದಲಿ ಓಡುತಿವೆ ನೋಡು  ಮುಂದೆ ಓದಿ »

• veeravenki's blog
• 6 ಪ್ರತಿಕ್ರಿಯೆಗಳು
• 255 ಹಿಟ್ಸ್
•