ಮೊನ್ನೆ ಊರಿಂದ ಬಂದಿದ್ದ ಬಶ್ಯ "ಸ್ವಾಮ್ಯಾರೆ, ಏನ್ ಓದಕತ್ತೀರಿ, ಊಟ ಮಾಡ್ತಾನೂ. ಪರೀಕ್ಸೇನಾ?' ಎಂದು ಕೇಳಿದ.
ಪರೀಕ್ಷೆ ಅನ್ನೋ ಮಾತು ಕೇಳಿ ಮನಸ್ಸಿನಲ್ಲಿ ಸ್ವಲ್ಪ ಗಲಿಬಿಲಿಯಾದರೂ ಎಚ್ಚರಗೊಂಡು ಪರೀಕ್ಷೆ ಬರೆಯುವ ಸಂಪತ್ತು ಇನ್ನು ಬರೋದಿಲ್ಲವೆಂಬುದನ್ನು ಮನಸ್ಸಿನಲ್ಲಿಯೇ ಖಾತ್ರಿಪಡಿಸಿಕೊಂಡೆ - ಕಾಲೇಜು ಮುಗಿದು ಸರಿಯಾಗಿ ೩ ವರ್ಷ ಆಯ್ತಲ್ವ ಎಂದು ಕ್ಯಾಲೆಂಡರು ನೋಡುತ್ತ.
ಬಶ್ಯನಿಗೆ ನಾನವತ್ತು ಉತ್ತರವಾಗಿ "ಹ್ಯಾರಿ ಪಾಟರ್ ಪುಸ್ತಕ ಓದ್ತಿದೀನಿ ಕಣೋ" ಎಂದು ಹೇಳಿದ್ದರೆ ಹ್ಯಾರಿ ಪಾಟರ್ ಯಾರು, ಎಲ್ಲಿಂದ ಬಂದ, ಏನಾಗಿತ್ತು ಅವನಿಗೆ, ಯಾಕವನು ಇಷ್ಟು ಫೇಮಸ್ಸು ಎಂದೆಲ್ಲ ದೊಡ್ಡದೊಂದು ಉಪನ್ಯಾಸವೇ ಕೊಡಬೇಕಾಗಿತ್ತು. ಇಂಗ್ಲೀಷರ ಮಕ್ಕಳ ಕಥೆಯಾದರೂ ಇದನ್ನು ದೊಡ್ಡವರೇ ಜಾಸ್ತಿ ಓದ್ತಾರೆ ಅನ್ನೋದನ್ನ ಅವನಿಗೆ ಬಿಡಿಸಿ ಸವಿವರವಾಗಿ ಹೇಳಬೇಕಿತ್ತು.
"ಪರೀಕ್ಷೆಯೇನೂ ಇಲ್ಲ ಕಣೋ, ಈ ಪುಸ್ತಕ ಇದೆಯಲ್ಲಾ ಕೋಟಿಗಟ್ಲೆ ಮಾರಾಟ ಆಗಿದೆಯಂತೆ ಮಾರಾಯ. ನನಗೊಂದು ಕೋಟಿ urgent ಬೇಕಿತ್ತು ನೋಡು, ಇದರಲ್ಲೇನಿದೆ ನೋಡಿ ನಾನೂ ಹಾಗೇ ಬರೆಯೋಣಾಂತ" ಎಂದು ತಮಾಷೆ ಮಾಡಿದೆ. ಮುಂದೆ ಓದಿ »
RSS: