ಇವತ್ತು ಜುಲೈ ೯, ೨೦೦೮.

ಭೂಮಿ ಮತ್ತು ಗುರುಗ್ರಹಗಳು ಅವುಗಳ ಹಾದಿಯಲ್ಲಿ ಸುತ್ತುತ್ತಿರುವಾಗ, ಅತಿ ಹತ್ತಿರಕ್ಕೆ ಬಂದಿವೆ ( ಇದಕ್ಕೆ planetary opposition ಎಂಬ ಹೆಸರಿದೆ - ಕನ್ನಡದಲ್ಲಿ ಏನು ಹೇಳುವುದೋ ತೋರಲಿಲ್ಲ).

ಹಾಗಾಗಿ, ಗುರುವು ಸೂರ್ಯ ಮುಳುಗುವ ವೇಳೆಗೆ ಹುಟ್ಟುತ್ತಾನೆ, ಹಾಗೂ ಸೂರ್ಯ ಹುಟ್ಟುವ ವೇಳೆಗೆ ಮುಳುಗುತ್ತಾನೆ.  ಮುಂದೆ ಓದಿ »

ನೆನ್ನೆ ಸಂಜೆ ಸಂಪದ ನೋಡಿದಾಗ ಕಂಡದ್ದು ಇದು.

ಇಸ್ಮಾಯಿಲ್ ಬರೆದ ಅತೀ ದುಃಖದ ಸಮಾಚಾರ.

ಜಿಟಿಎನ್ ಇನ್ನಿಲ್ಲ.

ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಅನ್ನಲೇ? ಅದು ಕೇವಲ ಔಪಚಾರಿಕವಾಗುತ್ತೆ. ಅಷ್ಟೇ.

ಕನ್ನಡದಲ್ಲಿ ವೈಜ್ಞಾನಿಕ ಬರಹಗಳು ಎಂದಾಗ ಮೊತ್ತಮೊದಲು ಮನಸ್ಸಿಗೆ ಬರುವ ಹೆಸರೇ ಜಿಟಿನಾರಾಯಣರಾಯರದ್ದು.  ಸುಧಾ ಮೊದಲಾದ ಪತ್ರಿಕೆಗಳಲ್ಲಿ ಅವರ ಹಲವು ಬರಹಗಳು ಬೆಳಕು ಕಾಣುತ್ತಿದ್ದವು.

ಆಗ ಪ್ರಕಟವಾಗುತ್ತಿದ್ದ ಕನ್ನಡ ವಿಶ್ವಕೋಶ ಸ್ವಂತಕ್ಕೆ ಕೊಳ್ಳಲು ಬೆಲೆ ಕೈಗೆಟುಕುವಂತಿರಲಿಲ್ಲ.  ಲೈಬ್ರರಿಯಲ್ಲಿ ಸಿಗುವುದರ ಮಾತಂತೂ ಸ್ವಲ್ಪ ಕಷ್ಟವೇ! ಮತ್ತೆ ಐದನೇ ತರಗತಿಯವರೆಗೆ ಇಂಗ್ಲಿಷ್ ಕಲಿತಿಲ್ಲದ ಕಾರಣ ಎನ್ಸೈಕ್ಲೋಪಿಡಿಯಾ ಬ್ರಿಟಾನಿಕಾ ಅಂತಾಹವಂತೂ ನನಗೆ ಸ್ವಲ್ಪ ದೂರವೇ. ಇದೆಲ್ಲಾ ಸೇರಿ, ನಾನು  ಜಿಟಿಎನ್ ಅವರ ಬರಹಗಳು ಎಲ್ಲಿ ಕಂಡರೂ ತುಂಬ ಆಸಕ್ತಿಯಿಂದ ಓದುತ್ತಿದ್ದೆ.  ಮುಂದೆ ಓದಿ »

ಮುನ್ನೂರರವತ್ತೈದು ದಿನಗಳು

ಒಂದು ವರ್ಷ

(ಒಂದು ದಿನ ಕಡಿಮೆಯಾದರೇನು ಸ್ವಾಮೀ? ಇದು ಅಧಿಕವರ್ಷವಲ್ಲವೇ?!)

ಎಂಬತ್ತು+ ಬ್ಲಾಗ್ ಬರಹಗಳು

ಕೈಬೆರಳೆಣಿಕೆಯ ಲೇಖನಗಳು

ಮರುದನಿಗೂಡಿಸಿದ ನೂರಾರು ಟಿಪ್ಪಣಿಗಳು

ಭಾಗವಹಿಸಿದ ಹತ್ತಾರು ಚರ್ಚೆಗಳು

ತಿಳಿದ ಹೊಸ ವಿಷಯಗಳು ಹಲವಾರು

ಅದರಲ್ಲರಗಿಸಿಕೊಂಡವು ನಾಕಾರು  ಮುಂದೆ ಓದಿ »

ಇಂದು ಬೆಳಗ್ಗೆ ಎರಡು ವಜ್ರಗಳು ದೊರಕಿದ್ದವು ನನಗೆ.  ಒಂದು ನಾಕು ಕ್ಯಾರಟ್, ಒಂದು ಎರಡು ಕ್ಯಾರಟ್. ಹೋಗಿ ಎತ್ತಿಕೊಳ್ಳುವಷ್ಟರಲ್ಲಿ, ಹಾಳು ಸೂರ್ಯ ಮೇಲೆ ಬರತೊಡಗಿದ  ಮುಂದೆ ಓದಿ »

ಆಗಸದಲ್ಲೊಬ್ಬ ಹೊಸ ಅತಿಥಿ ಕಾಣಿಸಿಕೊಂಡಿದ್ದಾನೆ! ಹೋಮ್ಸ್ ಧೂಮಕೇತು ಒಂದೆರಡು ದಿವಸದಲ್ಲಿ ಪ್ರಕಾಶದಲ್ಲಿ ಸುಮಾರು ಹತ್ತುಲಕ್ಷ ಪಟ್ಟು ಹೆಚ್ಚಾಗಿ, ಬರಿಕಣ್ಣಿಗೆ ಸುಲಭವಾಗಿ ಕಾಣುವ ನಕ್ಷತ್ರದಂತಾಗಿದೆ. ಇನ್ನೂ ಮುಂದೆ ಇದರ ಬೆಳವಣಿಗೆ ಹೇಗಾಗಿತ್ತೋ ಕಾದು ನೋಡಬೇಕಾದ ಸಂಗತಿ.

ಇನ್ನೂ ಸದ್ಯಕ್ಕೆ ಬಾಲ ಏನೂ ಕಾಣದಿದ್ದರೂ, ಸುಮಾರು ಇಪ್ಪತ್ತೈದು ವರ್ಷಗಳಿಂದ ಬಂದಿರುವ ಧೂಮಕೇತುಗಳಲ್ಲೆಲ್ಲ ಇದು ಅತೀ ಪ್ರಕಾಶಮಾನವಾದದ್ದು ಅನ್ನುವುದು ಮಹತ್ವದ ಸಂಗತಿ.

ಇದು ಈಗ ಪರ್ಸಿಯಸ್ ತಾರಾಪುಂಜದಲ್ಲಿದೆ. ಆಕಾಶದ ರಾಶಿಗಳ ಪರಿಚಯವಿದ್ದವರಿಗೆ, ಇದು ಒಂದು ಹೊಸ ಹಳದಿ ಬಣ್ಣದ ನಕ್ಷತ್ರದಂತೆ ತೋರುತ್ತದೆ. ಇಲ್ಲದವರಿಗೆ ಇದರಲ್ಲೇಪ್ಪ ಹೆಚ್ಚುಗಾರಿಕೆ ಎನ್ನಿಸಬಹುದು. ಆದರೆ, ಮುಂಬರುವ ದಿನಗಳಲ್ಲಿ ಇದು ಯಾವ ರೀತಿ ಬದಲಾಗಬಹುದು ಎನ್ನುವುದರ ಮೇಲೆ, ಇದು ಜನಮನದಲ್ಲಿ ಉಳಿಯುತ್ತೋ ಇಲ್ಲವೋ ಅನ್ನೋದು ನಿರ್ಧಾರವಾಗುತ್ತೆ.

ಬೆಂಗಳೂರಿನಿಂದ (ಅಥವಾ ಭಾರತದಲ್ಲಿ ಸುಮಾರು ಎಲ್ಲೇ ಆಗಲಿ) ನೋಡುವವರಿಗೆ, ಪರ್ಸಿಯಸ್ ಈಗ ಸಂಜೆ ಸೂರ್ಯ ಮುಳುಗಿ ಎರಡು ಮೂರು ಗಂಟೆಗಳಲ್ಲಿ ಉತ್ತರ-ವಾಯುವ್ಯ ದಿಸೆಯಲ್ಲಿ ಹುಟ್ಟುತ್ತೆ. ನಡು ರಾತ್ರಿಯ ಹೊತ್ತಿಗೆ ಉತ್ತರಾಕಾಶದಲ್ಲಿ, ಧ್ರುವ ನಕ್ಷತ್ರದ ಮೇಲೆ ನೋಡಲು ಅನುಕೂಲವಾದ ಸ್ಥಾನದಲ್ಲಿರುತ್ತೆ. (ಇದು ನನ್ನ ಅಂದಾಜು).

ನೆನ್ನೆ ರಾತ್ರಿ ಚಂದ್ರನ ಅಬ್ಬರದ ಬೆಳಕಿನಲ್ಲೇ ಇದು ಸೊಗಸಾಗಿ ಬರಿಗಣ್ಣಿಗೇ ಕಂಡಿತು. ಹಾಗಾಗಿ ಇನ್ನು ಮುಂದಿನ ದಿನಗಳಲ್ಲಿ ಇದರಿಂದ ಒಳ್ಳೇ ಪ್ರದರ್ಶನವನ್ನು ನಿರೀಕ್ಷಿಸುತ್ತಿದ್ದೇನೆ. ಕಳೆದ ೪೮ ಗಂಟೆಗಳಲ್ಲಾದ ಬದಲಾವಣೆ ಮುಂದುವರೆದರೆ, ಇದು ಬಹಳ ಪ್ರಕಾಶಮಾನ ಧೂಮಕೇತುವಾಗಬಹುದೆಂಬ ಊಹೆ ಇದೆ.  ಮುಂದೆ ಓದಿ »