ಆ ಮೌನ..

February 2, 2006 - 10:41pm — sinchanabhat

ಎಳೆಯ ತೊರೆಯ ಮರೆಯ ದಾಟಿ
ಮೂಡಿ ಬಂತು ಮೌನ
ಚಿತ್ತ ಚೈತ್ರ ಚಿಗುರ ಮೀಟಿ
ತೇಲುತಿಹುದು ಗಾನಾ

ಹರಕೆಯಲ್ಲ ಎರಕವಲ್ಲ ಒಮ್ಮೆ
ನೋಡು ಎಲ್ಲೆಯಿಲ್ಲ
ಜೇವಗಾನ ಬಾನಕವನ
ಹೊಳೆವ ತಾರೆ ಸಾಲು

ಜಲದ ಜಳಕ ಮೈಯ್ಯ ಪುಳಕ
ಜರಿಯ ನೊರೆಯ ಬೆರಳು
ಗಾಳಿಗಂಧ ಹೂವ ಬಿನ್ನಃ
ಶಶಿಯೆ ಮನದ ಸದನ

ಮುತ್ತಿಕೊಂಡ ಹಸಿರಹಾಸು
ಚಿತ್ತ ಚಲನವಲನ
ಮಿಂದ ಮಂಜು ಮುತ್ತಹನಿಗೆ
ಬಯಲ ಕನಸು ಕನ್ನ

ಕಣ್ಣದಿಟ್ಟಿ ದೂರದಾಟಿ
ತಪನ ನೂರುವರ್ಣ
ಛಾಯೆ ಚಲನ ಪವನ ಮಿಲನ
ದಾರಿಗುಂಟ ಪಯಣ..

ಪ್ರತಿಕ್ರಿಯೆಗಳು

February 3, 2006 - 9:56am — Sunil Jayaprakash

ತುಂಗೆ ದಡದಲ್ಲಿ, ಹೊಂಗೆ ನೆರಳಲ್ಲಿ ಹರಟೆ ಹೊಡೆಯಬೇಕು, ಹರಟೆ ಹೊಡೆಯಬೇಕು.
ಮಾತು ಸಾಕಾಗಿ, ಮೌನ ಬೇಕಾಗಿ ನದಿಯ ನೋಡಬೇಕು, ನದಿಯ ನೋಡಬೇಕು.

February 5, 2006 - 2:17am — anil_rvce

ಮೌನ ಸಾಕಾಗಿ, ದುಖ ಹೆಚ್ಚಾಗಿ ನದಿಗೆ ಹಾರಬೇಕು, ನದಿಗೆ ಹಾರಬೇಕು
ಬಿಸಿಲು ಹೆಚ್ಚಾಗಿ, ಈಜುವುದು ಸಾಕಾಗಿ ದಡಕ್ಕೆ ಹಿಂದಿರುಗಬೇಕು, ದಡಕ್ಕೆ ಹಿಂದಿರುಗಬೇಕು

February 7, 2006 - 1:13am — hpn

ಹಾಗೆ ಹೇಳಿ ತುಂಗೆಗೆ ಹಾರಿಬಿಟ್ಟೀರಿ ಮತ್ತೆ! ನಿಮಗೆ ಈಜುವುದಕ್ಕೇನೋ ಬರಬಹುದು, ಆದ್ರೆ ತುಂಗಾ ನದಿ ಮಾತ್ರ ಮುಂಚಿನಷ್ಟು ಶುಭ್ರವಾಗಿಲ್ಲ.

"ಹೊಸ ಚಿಗುರು, ಹಳೆ ಬೇರು"

February 7, 2006 - 6:18pm — sinchanabhat

ಆ ಮೌನದಲಿ ಸಂಭ್ರಮದ ಮಾತಿದೆ,ಸವಿವ ಸೊಬಗಿದೆ, ಸುಮಧುರ ಕಲ್ಪನೆಯಿದೆ
ಹುಡುಕಿದರೆ ಪ್ರತಿ ಶಬ್ದದಲೂ ಒಲವಿದೆ, ಅದು ದುಃಖದ ಛಾಯೆಯೂ ಇರದ ಸಾಕೆನಿಸದ ಮೌನ