ಸಿಹಿ ಸುದ್ಧಿ - ಫೈರ್ಫಾಕ್ಸಿನಲ್ಲಿ ಪ್ರಜಾವಾಣಿ ಓದಬಹುದು

ಫೈರ್ಫಾಕ್ಸಿನಲ್ಲಿ ಸದ್ಯಕ್ಕೆ ಪ್ರಜಾವಾಣಿಯ http://prajavani.net ಅನ್ನು ಓದಲು ಸಾಧ್ಯವಾಗುತ್ತಿಲ್ಲ. ಇದು ಏಕೆ ಸಾಧ್ಯವಾಗುತ್ತಿಲ್ಲ ಎಂಬುದರ ಬಗ್ಗೆ ಶ್ರೀರಂಗ್ ಇಲ್ಲಿ ವಿವರಿಸಿದ್ದರು. ಆದರೆ ಸಿಹಿಸುದ್ಧಿ ಏನೆಂದರೆ ಇದಕ್ಕೊಂದು ಸದ್ಯಕ್ಕಾಗು(*) ಇದೆ.

ಫೈರ್ಫಾಕ್ಸಿನಲ್ಲಿ ಪ್ರಜಾವಾಣಿ ಓದುವ ಸದ್ಯಕ್ಕಾಗು(*)

೧. ನಿಮ್ಮ ಫೈರ್ಫಾಕ್ಸಿನಿಂದ ಈ ಕೊಂಡಿಗೆ ತೆರಳಿ, ಅಲ್ಲಿರುವ ಪ್ಲಗಿನ್ನನ್ನು ಅನುಸ್ಥಾಪಿಸಿ. https://addons.mozil.... (**)
೨. ಫೈರ್ಫಾಕ್ಸನ್ನು ರೀಸ್ಟಾರ್ಟ್ ಮಾಡು ಅಂತ ಕೇಳತ್ತೆ. ರೀಸ್ಟಾರ್ಟ್ ಮಾಡಿ.
೩. ಈಗ ಫೈರ್ಫಾಕ್ಸ್ ತೆರೆದು, Tools -> IE tab Options ಚಿಟುಕಿ. (***)
೪. "Sites Filter" ಪ್ಯಾನೆಲ್ ತೆರೆದು, URL = http://prajavani.net ನಮೂದಿಸಿ, Add ಚಿಟುಕಿ.
೫. ಹಾಗೆಯೇ, URL = http://www.prajavani... ನಮೂದಿಸಿ, Add ಚಿಟುಕಿ.
೬. ಈಗ, ಅಡ್ರೆಸ್ ಬಾರಿನಲ್ಲಿ, http://prajavani.net ಟೈಪಿ.
೭. ಫೈರ್ಫಾಕ್ಸಿನಲ್ಲಿಯೇ ಪ್ರಜಾವಾಣಿಯ ಕನ್ನಡ ಕಾಣುವದು.

ಟೆಕ್ನಿಕಲ್ ವಿವರ
ಈ ಪ್ಲಗಿನ್ನು, ಫೈರ್ಫಾಕ್ಸಿನೊಳಗೆ ಒಂದು IE ಟ್ಯಾಪ್ ತೆರೆದು, ಅದನ್ನು ಫೈರ್ಫಾಕ್ಸ್ ಟ್ಯಾಬ್ ಆಗಿಸಿಕೊಳ್ಳುತ್ತದೆ. ಹಾಗಾಗಿ, IE ಗೆ ಇರುವ ಡೈನಾಮಿಕ್ ಫಾಂಟ್ ರೆಂಡರಿಂಗ್ ಶಕ್ತಿಯನ್ನು ಫೈರ್ಫಾಕ್ಸಿಗೆ ಒದಗಿಸಿದಂತಾಗುತ್ತದೆ.

ಕೊಕೊಗಳು

* ಸದ್ಯಕ್ಕಾಗು - ಸದ್ಯಕ್ಕೆ ಆಗು - work around - temporary fix, ಅಂತೀವಲ್ಲ ಅದು. ಈ "ಸದ್ಯಕ್ಕಾಗು" ಬರೀ ವಿಂಡೋಸ್ ಮೆಶೀನಿನಲ್ಲಿ ಮಾತ್ರವೇ ಕೆಲಸ ಮಾಡುವದು.
** - ನೀವು ಕನ್ನಡ ಫೈರ್ಫಾಕ್ಸ್, ಗ್ರಾನ್ ಪ್ಯಾರಾಡಿಸೋ ೩.೦.೨ ಬಳಸುತ್ತಿದ್ದರೆ, ಇದು Tools ಗೆ ಬದಲಾಗಿ "ಉಪಕರಣಗಳು" ಅಡಿಯಲ್ಲಿ ಇದೆ.
*** - ನನ್ನ ಸಹೋದ್ಯೋಗಿಯೊಬ್ಬರು ಈ ದಿನ, ಬೇರೆ ಯಾವುದೋ ಕಾರಣಕ್ಕೆ, ಈ ಪ್ಲಗಿನ್ನಿನ ಪಾಯಿಂಟರ್ ನೀಡಿದರು. ನಾನು ಅದನ್ನು ಪರೀಕ್ಷಿಸಲು http://prajavani.net ತೆರೆದು ನೋಡಿದಾಗ, ತುಂಬಾ ಸಂತೋಷವಾಗಿ ಎಲ್ಲರೊಡನೆ ಹಂಚಿಕೊಳ್ಳಲು ಇದನ್ನು ನಿಮ್ಮೊಡನೆ ಹಂಚಿಕೊಳ್ಳುತ್ತಿದ್ದೇನೆ. ಈ ಪ್ಲಗಿನ್ನಿನ ಪಾಯಿಂಟರ್ ನೀಡಿದ ಆ ನನ್ನ ಸಹೋದ್ಯೋಗಿಗೆ, ಹೆನ್ನನ್ನಿ (=ಅನಂತ ಧನ್ಯವಾದಗಳು).

• Login or register to post comments
• 968 ಹಿಟ್ಸ್
• ಈ ಪುಟವನ್ನು ಇ-ಮೇಯ್ಲ್ ಮಾಡಿ
• Printer-friendly version
•