ನನ್ನ ಕನಸುಗಳು
ಮುಸುಕು ಮೋಡದೊಳಗಿಂದ
ಹನಿಯಾಗಿ ಹೊರಬೀಳ್ವ ನನ್ನ
ಮನದಾಳದಾ ಕನಸುಗಳಿಗೆ ನಾ
ನದಿಯಾಗಿ ಜೀವ ತುಂಬುತ್ತೇನೆ.
ಪ್ರತಿ ನಿಮಿಷಕೂ ಜನಿಸುವ
ಹೊಚ್ಚಹೊಸ ಕನಸುಗಳಗೆ
ಕಿರುನಗೆ ಮೂಡಿಸುವ ಹೋಂಗನಸುಗಳಿಗೆ
ನಗಿಸುವಾ ನಲ್ಲೆಯಾಗುತ್ತೇನೆ
ಮಂಜುಗಡ್ಡೆಯಂತಿರುವ ಕನಸುಗಳು
ಕಣ್ಣೀರಾಗಿ ಕರಗುತಿರುವಾಗ
ದುಃಖಿಸುವ ಕನಸುಗಳಿಗೆ ನಾ
ಸಂತೈಸ್ವ ಮಡದಿಯಾಗುತ್ತೇನೆ
ಕಾರ್ಮುಗಿಲ ಕಷ್ಟದಲೂ
ಮೊಳೆಯುತಿರುವ ಕನಸ ಸಸಿಗಳಿಗೆ
ನನ್ನಲ್ಲಿರುವುದ ನೀಡಿ
ಬೆಳೆಸುವಾ ತಾಯಾಗುತ್ತೇನೆ.

- Login or register to post comments
- 459 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ




RSS:
ಪ್ರತಿಕ್ರಿಯೆಗಳು
ಕನಸು
ನಿಮ್ಮ ಕನಸು ಬಹಳ ಚೆನ್ನಾಗಿ ನಿರೂಪಿತವಾಗಿದೆ.
ದು:ಖಿಸುವ ಕನಸುಗಳಿಗೆ ನಾ
ಸಂತೈಸುವ ಮಡದಿಯಾಗುತ್ತೇನೆ - ಬಹಳ ಮನೋಜ್ಞವಾದ ಪದಜೋಡಣೆ.
ವಂದನೆಗಳೊಂದಿಗೆ
---
ತವಿಶ್ರೀನಿವಾಸ
http://asraya.net
ಮಹಿಳಾ ದಿನಾಚರಣೆ
ಮಹಿಳಾ ದಿನಾಚರಣೆಯಾದ ಇಂದು
ಸ್ತ್ರೀಕುಲದ ಉಪಕಾರಗಳನ್ನು ನೆನೆಸುವ ಸೂಕ್ಷ್ಮ ಸುಂದರ ಸರಳವಾದ ಈ ಕವನ ನನ್ನ ಮನಸ್ಸಿಗೆ ಬಹಳ ಮುದನೀಡಿತು. ಇಂತಹ ಕವನದ ರಚನೆಮಾಡಿದ ಸಿಂಚನಾ ಭಟ್ಟರಿಗೆ ಧನ್ಯವಾದಗಳು.
ಮನುಷ್ಯನ ಜೀವನದಲ್ಲಿ ಬರುವ ಆನೇಕ ಸ್ತ್ರೀಯರಲ್ಲಿ ಪ್ರಮುಖರಾದ
ಹಡೆದು ಬೆಳೆಸಿದ ತಾಯಿ,
ಜೀವನಾಧಾರವಾದ ನದಿ,
ಹಾಲುಣಿಸಿದ ಗೋವು,
ನಕ್ಕುನಲಿಸಿದ ಅಕ್ಕ, ತಂಗಿ, ಗೆಳತಿ,
ಜೀವನ ಸಂಗಾತಿಯಾದ ಮಡದಿ
ಇವರುಗಳನ್ನು ನೆನೆಸಿಕೊಂಡು ಸ್ತ್ರೀಕುಲಕ್ಕೆ ಧನ್ಯವಾದಗಳೊಡನೆ ವಂದಿಸೋಣ!
ಧನ್ಯವಾದಗಳು
ನನ್ನ ಕವನವನ್ನು ನೋಡಿ, ಜೀವನದಲ್ಲಿ ಬರುವ ಕೆಲ ಸ್ತ್ರೀ ಪ್ರಮುಖರನ್ನು ನೆನಪಿಸಿಕೊಂಡಿದ್ದಕ್ಕೆ ನನ್ನ ಧನ್ಯವಾದಗಳು.
ಮಹಿಳಾ ದಿನ ಎಂಬುದು ಸ್ತ್ರೀಯರು ಅನ್ಯಾಯದ ವಿರುದ್ಧ ಸಂಘಟಿತರಾದ ದಿನ ಎಂಬುದನ್ನು ನೆನೆಸಿಕೊಳ್ಳುತ್ತಾ,
ನಮ್ಮ ಮೂಲ ಸ್ವರೂಪವನ್ನು (ಮಮತೆ,ವಾತ್ಸಲ್ಯ,ಪ್ರೀತಿ,ಶಕ್ತಿ) ನನ್ನಲ್ಲಿ ಹೇಳಿಕೊಂಡ ಪ್ರಯತ್ನ ಈ ಕವನ.