ಒಲ್ಲೆನೆಂದು ಹೇಳಿ , ವಲ್ಲಿ ಒಡ್ಡಿದಳಂತೆ.
March 29, 2006 - 2:03pm — shreekant.mishrikoti
ಬಾಗಿಲು ಮುರಿದು ಹೋಗುವವರಿಗೆ ಬೀಗದ ಕೈ ಏಕೆ?
ಬಾವಿ ಬಳಸದೆ ಕೆಟ್ಟಿತು ; ನೆಂಟಸ್ತಿಕೆ ಹೋಗದೆ ಕೆಟ್ಟಿತು.
ತಾಯಿ ಹೊಟ್ಟೆ ನೋಡಿದಳು , ಹೆಂಡತಿ ಮೊಟ್ಟೆ( ಹಣದ ಗಂಟು) ನೋಡಿದಳು.
ಜರೆದು ಕೊಳ್ಳಬೇಕು ; ಹೊಗಳಿ ಮಾರಬೇಕು. ( ವ್ಯಾಪಾರದ ಗುಟ್ಟು)
ಗುಡಿಸಿದ ಮೇಲೆ ಕಸವಿರಬಾರದು , ಬಡಿಸಿದ ಮೇಲೆ ಹಸಿವಿರಬಾರದು.
ಕೆಟ್ಟ ಅಡಿಗೆ ಅಟ್ಟವಳೇ ( ಸರಿಪಡಿಸಿದವಳೇ) ಜಾಣೆ.
ಕಾಲು ಬಿದ್ದು ಕಾಲುಂಗುರ ಉಚ್ಚಿಕೊಂಡರಂತೆ.
ಜೀನ ಗಳಿಸಿದ , ಜಾಣ ಉಂಡ.
ಕಡುಕೋಪ ಬಂದಾಗ ತಡಕೊಂಡವನೇ ಜಾಣ.
ಒಲ್ಲೆನೆಂದು ಹೇಳಿ , ವಲ್ಲಿ ಒಡ್ಡಿದಳಂತೆ.
- Login or register to post comments
- 635 hits
- Email this page
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS: 
ಪ್ರತಿಕ್ರಿಯೆಗಳು
Re: ಒಲ್ಲೆನೆಂದು ಹೇಳಿ , ವಲ್ಲಿ ಒಡ್ಡಿದಳಂತೆ.
ತಾಯಿ ಹೊಟ್ಟೆ ನೋಡಿದಳು , ಹೆಂಡತಿ ಮೊಟ್ಟೆ( ಹಣದ ಗಂಟು) ನೋಡಿದಳು.
ಜರೆದು ಕೊಳ್ಳಬೇಕು ; ಹೊಗಳಿ ಮಾರಬೇಕು. ( ವ್ಯಾಪಾರದ ಗುಟ್ಟು)
ಕೆಟ್ಟ ಅಡಿಗೆ ಅಟ್ಟವಳೇ ( ಸರಿಪಡಿಸಿದವಳೇ) ಜಾಣೆ.
ಕಾಲು ಬಿದ್ದು ಕಾಲುಂಗುರ ಉಚ್ಚಿಕೊಂಡರಂತೆ.
ಜೀನ ಗಳಿಸಿದ , ಜಾಣ ಉಂಡ.
ಒಲ್ಲೆನೆಂದು ಹೇಳಿ , ವಲ್ಲಿ ಒಡ್ಡಿದಳಂತೆ.
ಶ್ರೀಕಾಂತ್ ಮಿಶ್ರಿಕೋಟಿಗಳೆ!!!
ಇಲ್ಲಿ ನನಗೆ ಕೆಲವು ಗೊಂದಲಗಳಿವೆ, ದಯವಿಟ್ಟು ಪರಿಹರಿಸಿ.
ಮೊಟ್ಟೆ = ಇಲ್ಲಿ "ಮೂಟೆ" ಎಂದು ನನಗನ್ನಿಸುವುದು,
ಜರೆದು = ಇಲ್ಲಿ "ಜರಿದು"ಎಂದು ನನಗನ್ನಿಸುವುದು, "ಜರಿ" ಎಂದರೆ, ಹಳಿ, ತೆಗಳು, ಬಯ್ಯಿ ಎಂದು.
ಅಡಿಗೆ = ಇಲ್ಲಿ "ಅಡುಗೆ" ಎಂದು ನನಗನ್ನಿಸುವುದು. "ಅಡಿಗೆ" ಎಂದರೆ ಕಾಲಿಗೆ, ಪಾದಕ್ಕೆ ಎಂದಾಗುವುದು.
ಉಚ್ಚಿ ಎಂದರೆ?ಇಲ್ಲಿ ಅದು "ಬಿಚ್ಚಿ" ಆಗಬೇಕೆ?
ಜೀನ ಅಂದರೆ ಜಿಪುಣ?
ವಲ್ಲಿ ಎಂದರೆ ಗಂಡಸರು ಹೊದೆಯುವ ಅಂಗವಸ್ತ್ರ(ಶಲ್ಯ, ಉತ್ತರೀಯ) ಎಂದು ನಾನು ಅಂದುಕೊಂಡಿದ್ದೇನೆ. ಆದ್ದರಿಂದ ಇಲ್ಲಿ "ವಲ್ಲಿ ಒಡ್ಡಿದನಂತೆ"ಎಂದಿರಬೇಕು ಎಂದು ಅನ್ನಿಸುತ್ತಾ ಇದೆ. ಇದು ಸರಿಯೆ?
ಧನ್ಯವಾದ
Re: ಒಲ್ಲೆನೆಂದು ಹೇಳಿ , ವಲ್ಲಿ ಒಡ್ಡಿದಳಂತೆ.
ಮಹೇಶರೆ ,
೧. ಪುಸ್ತಕದೊಳಗ ಮೊಟ್ಟೆ ಆಂತS ಅದ.
೨. ಜರೆದು , ಜರಿದು ಎರಡೂ ಒಂದS .
೩. ಮಂದಿ ಅಡುಗೆ , ಅಡಿಗೆ ಎರಡೂ ಉಪಯೋಗಿಸ್ತಾರ.
೪. ಉಚ್ಚುವದು , ಬಿಚ್ಚುವದು ಎರಡೂ ಒಂದS. ಉಗುಚುವದು ಅಂದ್ರೂ ಅದS ಇರ್ಬೇಕು.
೫. ಜೀನ ಅಂದ್ರ ಜಿಪುಣ.
೬. ವಲ್ಲಿಯನ್ನು ಹೆಂಗಸರು ಉಪಯೋಗಿಸುವದಿಲ್ಲೇನು ? ನನಗ ಗೊತ್ತಿಲ್ಲ.
ನಿಮ್ಮ ಗೊಂದಲ ಕಡಿಮೆ ಆದೂನೋ , ಹೆಚ್ಚಿಗಿ ಆದೂನೋ ಗೊತ್ತಿಲ್ಲ.
ಧನ್ಯವಾದಗಳು.
ಒಲ್ಲೆನೆಂದು ಹೇಳಿ , ವಲ್ಲಿ ಒಡ್ಡಿದಳಂತೆ.
ನಮ್ಮ ಕಡೆಯಾಗೆ ಒಂದು ಪದ ಐತೆ.
ಗಲ್ಲು ಗಲ್ಲೆನುತ ಗೆಜ್ಜೆ, ಗಲ್ಲು ತಾದಿಮಿತ,
ನಮ್ಮ ಬಲ್ಲಿದ ರಂಗನ್ ವಲ್ಲಿಯ ಮ್ಯಾಗೆ ಚೆಲ್ಲಿದರೋಕುಳಿಯೊ.|
ಅದಕ್ಕೆನೆಯಾ ನಾನು ವಲ್ಲೀನ ಬರಿ ಗಂಡಸರು ಹಾಕ್ಕೊಳದು ಅಂದೆ. ನಿಮ್ ಸೀಮೆಯಾಗೆ ಹೆಂಗಸರು ಉಡಬೋದೇನೋ, ನಮ್ ಕಡೆನಾಗೆ ಬರಿ ಗಂಡಸರೆ ಹೊದ್ಗೊಳೋದು.
ನಮ್ಮೂರ್ನಲ್ಲಿ "ಉಚ್ಚೋದು" ಅಂತ ಅಂದ್ರೆ ಶಾನೆ ಗಬರ್ಥ ಬರತೈತೆ.
ಸರಿಬುಡರಪ್ಪೋ.. ನಂಗೆ ಗೊತ್ತಾಯ್ತು.
ನಮ್ ಗೊಂದಲಗಳೋ, ಇದ್ದೇ ಇರತ್ತಾವೆ, ಎಲ್ಗೋಗ್ತಾವೆ..