ತಾಯಿ ಬೇಕು ಇಲ್ಲವೆ ಬಾಯಿ ಬೇಕು.
April 17, 2006 - 7:49pm — shreekant.mishrikoti
ಕಂಡ ಕಂಡ ದೇವರಿಗೆಲ್ಲ ಕೈ ಮುಗಿದರೂ ಗಂಡನಿಲ್ಲದೆ ಮಕ್ಕಳಾಗವು.
ಏಟು ಬೀಳದ ಹೊರತು ದೆವ್ವ ಬಿಡುವದಿಲ್ಲ ;
ಎಲ್ಲ ಬಲ್ಲಪ್ಪ ಕೇಳಿದರೆ ಕಲ್ಲಪ್ಪ
ಎಲೆ ತುದಿಗೆ ಪಲ್ಯ ಇರಬೇಕು ; ಹಾಸಿಗೆ ತುದಿಗೆ ಹೆಂಡತಿ ಇರಬೇಕು.
ಎಮ್ಮೆಯ ಉಚ್ಚೆ ಇರುವೆಗೆ ಜಲಪ್ರಳಯ
ಎತ್ತು ಮಾರಿದವನಿಗೆ ಹಗ್ಗದ ಆಸೆಯೇ ?
ಎತ್ತಿಗೆ ಭತ್ತದ ಚಿಂತೆ ಯಾತಕ್ಕೆ?
ಎತ್ತನ್ನು ಕದ್ದ ಕಳ್ಳ ಹಗ್ಗ ಮರೆಯುವನೇ?
ಕದ್ದ ರೊಟ್ಟಿ ಬೇರೆ , ದೇವರ ಪ್ರಸಾದ ಬೇರೆ.
ಕಸ ತಿನ್ನುವದಕ್ಕಿಂತ ತುಸ ತಿನ್ನುವದು ಮೇಲು.
ಕಳ್ಳನನ್ನ ಕಾವಲಿಗಿಟ್ಟ ಹಾಗೆ
'ಕುರಿ ಕಾಯ್ತೀಯ, ತೋಳ?' ಅಂದರೆ 'ಸಂಬಳ ಬೇಡ- ಹಾಗೇ ಕಾಯ್ತೀನಿ ಅಂದ ಹಾಗೆ'
ತಾಯಿ ಬೇಕು ಇಲ್ಲವೆ ಬಾಯಿ ಬೇಕು.
- Login or register to post comments
- 1488 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
- ನಿರ್ವಾಹಕರ ಗಮನಕ್ಕೆ ತನ್ನಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ತಾಯಿಬೇಕು ಇಲ್ಲವೆ ಬಾಯಿ ಬೇಕು.
ತಾಯಿಬೇಕು ಇಲ್ಲವೆ ಬಾಯಿ ಬೇಕು.
ಶ್ರೀಕಾಂತರಿಗೆ,
ನಮಸ್ಕಾರಗಳು.
ವೇದ ಸುಳ್ಳಾದ್ರೂ ಗಾದೆ ಸುಳ್ಳಾಗಲ್ಲ.
ಚೇಳಿಗೆ ಪಾರಪತ್ಯ ಕೊಟ್ಟ ಹಾಗೆ. ಇತ್ಯಾದಿ.
ಇವು ಎಸ್ಟು 'ಸಾಂದರ್ಭಿಕ' ವಾಗಿವೆ !
ವೆಂ.
ಪ್ರಶ್ನೆ : ತುಸ ಎಂದರೇನು
ಕಸ ತಿನ್ನುವದಕ್ಕಿಂತ ತುಸ ತಿನ್ನುವದು ಮೇಲು.
ದಯವಿಟ್ಟು ಯಾರಾದರು ತುಸ ಪದದ ಅರ್ಥ - ಭಾವಾರ್ಥ ತಿಳಿಸುವಿರಾ..
ಉ:ತುಸ ಎಂದರೆ ....
ತುಸ, ತುಸಾ ಎಂದರೆ ತುಸು , ಸ್ವಲ್ಪ ಎಂದರ್ಥ ;
ನಾನು ಈ ಗಾದೆಯ ಮಾತನ್ನು ತುಸು ಎಂದು ತಿದ್ದಬಹುದಿತ್ತು ; ಆದರೆ ಉದ್ದೇಶಪೂರ್ವಕವಾಗಿ ಹಾಗೆಯೇ ಉಳಿಸಿಕೊಂಡಿದ್ದೇನೆ.
ಉದ್ದೇಶಗಳೇನೆಂದರೆ :
೧. ತುಸ ಎಂದು ಆಡುಮಾತಿನಲ್ಲಿ ಬಳಕೆ ಇರುವದು.
೨. ತುಸ ಇದು ಕಸ ಶಬ್ದಕ್ಕೆ ಪ್ರ್ಆಸವಾಗಿರುವದು .
೩. ಈ ಪ್ರಶ್ನೆಗೆ ಕಾರಣವಾಗಿ ಈ ವಿಷಯವನ್ನು ಆಸಕ್ತರಿಗೆ ತಿಳಿಸುವದು!.
ನೀವು ಗಮನಿಸಿರಬಹುದು . ನಾನು ಇಲ್ಲಿ ಹಾಕುತ್ತಿರುವ ಗಾದೆಮಾತುಗಳನ್ನು ಒಂದಲ್ಲ ಒಂದು ಕಾರಣಕ್ಕೆ ಆರಿಸಿಕೊಂಡಿದ್ದೇನೆ. - ಜನರ ತಿಳುವಳಿಕೆ, ಕಲ್ಪನೆ , ಕವಿತೆಯ ಒಂದು ಮಿಂಚು, ಪ್ರಾಸ ಇತ್ಯಾದಿ ....
ತುಸ - ಸ್ವಲ್ಪ?
ತುಸ - ತುಸು?
ತುಸು ಎಂದರೆ ಸ್ವಲ್ಪ.
ತುಸು = ಸ್ವಲ್ಪ
ತುಂಬಾ ಜಾಣ ತುಸ ಕೋಣ ಎಂಬ ಗಾದೆಯೇ ಇದೆ. ತುಸ - ತುಸು ಎನ್ನುವುದರ ಆಡು ಮಾತಿನ ರೂಪ. ತುಸು ಎಂದರೆ ಸ್ವಲ್ಪ. ಕೆಲವು ಕಡೆಗಳಲ್ಲಿ ಕೊಂಚ ಎನ್ನುವ ಪದದ ಉಪಯೋಗವೂ ಇದೆ.
ವಂದನೆಗಳೊಂದಿಗೆ
---
ತವಿಶ್ರೀನಿವಾಸ
http://asraya.net
"ಧಾಂಡಿಗ"= ??
ತಿಳಿದವರು "ಧಾಂಡಿಗ" ಪದದ (etymological) ಅರ್ಥ ತಿಳಿಸಿ...
Sandeep Aithal
(aithalsandy@gmail.com)
91-98443-73894
ಮೊದಲು etymology ಅರ್ಥ ಹೇಳಿ!
ಸ್ವಾಮೀ ,
ಮೊದಲು etymology ಅರ್ಥ ಹೇಳಿ! - ನಮಗೆ ತಿಳಿಯುವಂತೆ ಕನ್ನಡದಲ್ಲಿ !
'ಧಾಂಡಿಗ' ದ ಸಾಮಾನ್ಯ ಬಳಕೆಯ ಅರ್ಥ - ಧಡಿಯ .
Re: Etymology
Roughly ಇಗೋ ಕನ್ನಡದಲ್ಲಿ ವೆಂಕಟಸುಬ್ಬಯ್ಯ ಕೊಡ್ತಾರಲ್ಲ ಆ ತರಹದ ವಿವರಣೆ...
(ಈ ಕೊಂಡಿ ನೋಡಿ - http://www.answers.com/topic/etymology?method=22)
Sandeep Aithal
(aithalsandy@gmail.com)
91-98443-73894
ಎಟಿಮೋಲಜಿ ಅಂದ್ರೇನು?
ವೇದಗಳನ್ನು ಅರ್ಥೈಸಲು ಬೇಕಾಗಿರುವ ಆರು ಶಾಸ್ತ್ರಗಳನ್ನು ಷಡಂಗಗಳು ಎನ್ನುತ್ತಾರೆ. ಅವುಗಳು ಈ ಕೆಳಕಂಡಂತಿವೆ
shixA - method of pronunciation
vyAkaraNam - grammar
chha.ndas.h - prosody, verse constructs
niruktam - The root analysis of words
jyotiSha - astronomy
kalpam - ritual
ಇವುಗಳಲ್ಲಿ niruktam ಎನ್ನುವದಿದೆಯಲ್ಲ ಅದನ್ನೇ ಎಟಿಮೋಲಜಿ ಅನ್ನೋದು.
ಎನಗಿಂತ ಕಿರಿಯರಿಲ್ಲ
Re: ಪ್ರಶ್ನೆ : ತುಸ ಎಂದರೇನು
ಕಸ ತಿನ್ನುವದಕ್ಕಿಂತ ತುಸ ತಿನ್ನುವದು ಮೇಲು.
ತುಸು: ಸ್ವಲ್ಪು
ತುಸ: ಸ್ವಲ್ಪ ಎನ್ನುವ ಅರ್ಥಗಳನ್ನು ಮಾಡಬಹುದೇ? ತಮಾಶೆ ಮಾಡ್ದೆ
ವಾಸ್ತವವಾಗಿ ತುಸ ಹಾಗು ತುಸು ಈ ಎರಡು ಶಬ್ದಗಳೂ ಒಂದೇ ಅರ್ಥವನ್ನು ಕೊಡುತ್ತವೆ. ನಮ್ ಕಡೆ (ಹರಿಹರ ದಾವಣಗೆರೆ) ಮಾತಾಡ್ತಾ ಮಾತಾಡ್ತಾ ಕೆಲವು ಶಬ್ದಗಳನ್ನು ಅರ್ಧಕ್ಕೆ ತುಂಡರಿಸುವುದು ರೂಢಿ. ಉದಾಹರಣೆ: ಸ್ವಲ್ಪ್ ಹೇಳಿದ್ ಮಾತ್ ಕೇಳಲೇ! ಇದೇ ವ್ಯವಹರಣೆಯು ಬೇರೆ ಬೇರೆ ಕಡೆ ವಿಭಿನ್ನವಾಗಿ ನಡೆಯುವುದು. ಉದಾ: (ಹುಬ್ಬಳ್ಳಿ ಧಾರವಾಡ) ಸ್ವಲುಪು ಹೇಳಿದ್ದs ಕೇಳs.
ಇದಕ್ಕೆ ಬಹುತೇಕ ಸಮಾನವಾದ ಅರ್ಥವನ್ನೇ ಕೊಡುವ "ಇಷ್ಟು" "ಅಷ್ಟು" ಎನ್ನುವ ಶಬ್ದಗಳಿಗೂ ಪ್ರದೇಶದಿಂದ ಪ್ರದೇಶಕ್ಕೆ ಭಿನ್ನ ಪ್ರಯೋಗಗಳನ್ನು ನಾವು ನೋಡಬಹುದು. ಉದಾ: (ನಮ್ ಕಡೆ) ಒಂದೀಟು ಏಳಿದ್ ಕೇಳಲೆ! ಆಟೋತ್ತಿಂದ ಏಳಕತ್ತೀನಿ. (ಒಂದಿಷ್ಟು ಹೇಳಿದ್ದು ಕೇಳೋ! ಅಷ್ಟು ಹೊತ್ತಿಂದ ಹೇಳ್ತಾ ಇದ್ದೀನಿ)
ಇದರಲ್ಲೇ "ಟ" ಕಾರವನ್ನು ತೆಗೆದು ಹಾಕಿ "ಈಸು" "ಆಸು" ಎನ್ನುವವರೂ ನಮ್ಮಲ್ಲಿದ್ದಾರೆ. ಉದಾ : ನಂಗೊಂದೀಸು ಕೊಡಲೆ ನೀನೊಬ್ಬsನೆ ಆಸಕೊಂದು ತಿನ್ನಕತೀಯಲs (ನಂಗೂ ಒಂದಿಷ್ಟು ಕೊಡೊ, ನೀನೊಬ್ನೇ ಅಷ್ಟೂ ತಿಂತಾ ಇದೀಯಲ್ಲ!) ಇನ್ನು ಬಿಜಾಪುರ ಮತ್ತು ಗುಲ್ಬರ್ಗದ ಕಡೆ ಈ ವ್ಯವಹಾರಗಳು ಅರ್ಥವಾಗೋದೇ ಕಷ್ಟ. ಆದ್ರೂ ಒಳ್ಳೇ ಛಾತಿಯುಳ್ಳ ಪದ ಬಳಕೆ ಈ ಪ್ರದೇಶದ್ದು.
ಅಮೇಲೆ; ನಂಗನ್ನಿಸಿದ್ದು ಏನಂದ್ರೆ, ಶಬ್ದಗಳ ಸರಿಯಾದ ಪ್ರಯೋಗದಲ್ಲಿ ಬೆಂಗಳೂರು ಕಡೆಗಿಂತಲೂ ಧಾರವಾಡದ ಕಡೆ ಜನ ನಿಪುಣರು. ಯಾಕಂದರೆ ಬೆಂಗಳೂರಿನ ತರಹ ಆಲು(ಹಾಲು), ಏಳ್ತಾರೆ(ಹೇಳ್ತಾರೆ), ಏಳಿಕೊಡು(ಹೇಳಿಕೊಡು), ಅರಿಯರ (ಹರಿಹರ) ಆವು(ಹಾವು) ಇತ್ಯಾದಿ "ಕಲುಷಿತ" ಪ್ರಯೋಗಗಳು ಈ ಭಾಗದಲ್ಲಿ ಕಮ್ಮಿ. ಹಾಗಂತ ಬೆಂಗಳೂರಿನ ತುಂಬಾ ಈ ರೀತಿಯಾಗಿಯೇ ಮಾತಾಡ್ತಾರಂತ ತಿಳ್ಕೊಳ್ಳೋದೂ ತಪ್ಪು.
ಎನಗಿಂತ ಕಿರಿಯರಿಲ್ಲ
ರಘುನಂದನ
'ತುಸ'ದ ಬಗ್ಗೆ ಬಹಳಷ್ಟು ಗೊತ್ತಾಯ್ತು!
ರಘು,
ಉತ್ತರ ಕರ್ನಾಟಕದ ಆಡುಭಾಷೆಗಳ ವೇರಿಯೇಷನ್ ಬಗ್ಗೆ ಚೆನ್ನಾಗಿ ಬರೆದಿದ್ದೀರಿ.
ಧಾರವಾಡ ಜಿಲ್ಲೆಯ ಗಡಿಯಿಂದ ಕೇವಲ ಎಂಟೇ ಕಿಲೋ ಮೀಟರ್ ದೂರದಲ್ಲಿ ಹುಟ್ಟಿ ಬೆಳೆದ ನನಗೆ ದಾವಣಗೆರೆ, ಹುಬ್ಬಳ್ಳಿಯ ಮಾತುಕಥೆ, ಆಚಾರವಿಚಾರಗಳು ನನ್ನ ಒಡನಾಡಿಗಳು - ಇವತ್ತಿಗೂ ಜೋಳದ್ ರೊಟ್ಟಿ-ಕರಿಂಡಿ, ಎಣಗಾಯ್ ಅಂದ್ರೆ ನನಗೆ ಬಾಯಲ್ಲಿ ನೀರೂರತ್ತೆ!
ಇತಿ,
ನಿಮ್ಮವ
antaranga.blogspot.com
ತುಸ ಎಂದರೇನು ?
ತುಸ ಎಂದರೇನು ?
ತುಸ ಎಂದರೆ ಸ್ವಲ್ಪ ಎಂದರ್ಥ. ಬೆಂಗಳೂರಿನ ಜನ ಇದನ್ನು ಉಪಯೋಗಿಸುವುದು ಕಡಿಮೆ.
ನಾವು ದಾವಣಗೆರೆಯವರು. 'ತುಸ ಕೊಣಿ ಇದ್ದಿಕಣವ್ವ'.
ಅಂತ ಹೇಳುತ್ತೇವೆ.
ತುಸು/ಒಸಿ/ಕೊಂಚ/ಸ್ವಲ್ಪ
ತುಸು/ಒಸಿ/ಕೊಂಚ/ಸ್ವಲ್ಪ
ಇವೆಲ್ಲ ಸಮಾನಾರ್ಥಕ ಪದಗಳಾದರು, ಅವುಗಳ ಬಳಕೆಯ ಸಂದರ್ಭಗಳಲ್ಲಿ ವ್ಯತ್ಯಾಸವಿರಬಹುದೆ?(ಆಂಗ್ಲದ little, small, ಇತ್ಯಾದಿಯ ಹಾಗೆ)
"ತುಸು ತಿನ್ನಿ" ಎಂದು ಹೇಳುವರೆ? ನಮ್ಮ ಕಡೆ "ತುಸು" ಪದದ ಬಳಕೆ ಕಡಮೆ.
ನಾನು ಮಂಗಳೂರಿನಲ್ಲಿ ಇದ್ದಾಗ ಗಮನಿಸಿದ್ದು, ಅಲ್ಲಿ ಕೆಲವರು "ಸ್ವಲೂಪ" ಎನ್ನುವರು.
ಸರಿ.............
Re: ಪ್ರಶ್ನೆ : ತುಸ ಎಂದರೇನು
ಕ್ಷಮಿಸಿ, ಈ ಚರ್ಚೆಗೆ ತಡವಾಗಿ ಸೇರಿಕೊಳ್ಳುತ್ತಿದ್ದೇನೆ.
ಯಥಾಪ್ರಕಾರ ನನ್ನ 'ಪನ್'ಇಸಿಕೆಯನ್ನು ತಿಳಿಸುವುದಾದರೆ,
"ಕಸ ತಿನ್ನುವುದಕ್ಕಿಂತ ತುಸ ತಿನ್ನುವುದು ಲೇಸು" ಎನ್ನುವಲ್ಲಿ 'ತುಸ'ವನ್ನು ಒಂದು ಹೃಸ್ವರೂಪ (shortform)ಎಂದುಕೊಳ್ಳೋಣ. ಅದು
೧) ತುಪ್ಪ-ಸಕ್ಕರೆ ಇರಬಹುದು ('ಸಕ್ಕರೆ ತುಪ್ಪ ಕಾಲುವೆ ಹರಿಸಿ... ಶುಕ್ರವಾರದ ಪೂಜೆಯ ವೇಳೆಗೆ... ಹಾಡನ್ನು ಸ್ಮರಿಸಿ).
೨) 'ತು'ಪ್ಪದಲ್ಲಿ ಕರಿದ 'ಸ'ಜ್ಜಪ್ಪ ಇರಬಹುದು!
೩) 'ತು'ಕಾರಾಮನಂಗಡಿಯ 'ಸ'ಮೋಸವೂ ಇರಬಹುದು!
- ಶ್ರೀವತ್ಸ ಜೋಶಿ
ಜೋಶಿಯವರೆ,
ಬಹಳ ಸೊಗಸಾದ ಉತ್ತರ ನೀಡಿರುವಿರಿ!
ಪ್ರತಾಪ