ಭರತಾನುಜ.

ಗ್ರಾಮ ಗ್ರಾಮದಲಿ ರಾಮನವಮಿಯ
ಮಾಮರತೋರಣ ಸಾರುತಿದೆ//
ಪುಣ್ಯಧಾಮದಲಿ ರಾಮನಾಮದಾ
ಕೋಟಿ ಕೋಟಿ ಜಪ ಸೇರುತಿದೆ//

ಭರತಖಂಡಕೇ ಭಾಗ್ಯವತಂದ
ಭರತಾನುಜ ನೀ ಬಾ ಎಂದು/
ಅಸುರಭಾರವ ದೂರಗೊಳಿಸುತ
ಭೂರಮೆಯಾ ನೀ ರಮಿಸೆಂದು/೧/

ಸೀಮೆಯ ದಾಟಿದಸೀಮಪರಾಕ್ರಮಿ
ಸೀತಾಪತಿ ನೀ ಬಾ ಎಂದು/
ಸಿಂಧು ನದಿಯನು ಸೀಮೆಗೆ ಸೇರಿಸಿ
ಸೀಮೆಯ ದುಃಖವ ಸರಿಸೆಂದು/೨/

ವಾಲಿಯ ಮಣಿಸಿದ ವಾನರ ಪ್ರಿಯ ನೀ
ವಸುಮತಿಯಾಪತಿ ಬಾ ಎಂದು/
ವನವನು ತಣಿಸಿ ಜನರುಧ್ಧರಿಸುವ
ವೀರಪುಂಗವನು ನೀನೆಂದು/೩/

ಧರೆಗವತರಿಸಿದ ದಶರಥ ತನಯ
ದಾರಿತೋರು ನೀ ಬಾ ಎಂದು/
ದಿವಾಕರಕಿರಣಾಭರಣವ ಧರಿಸಿ
ಧರಣಿಗೆ ಕರುಣೆಯ ತೋರೆಂದು/೪/

ಅಹೋರಾತ್ರ

ರಾತ್ರಿ ೪:೨೫.
೭/೪/೬.
ರಾಮನವಮಿ.