ಗೂಗಲ್ ಲೆಕ್ಕದ ಹಾಳೆ - Google Spreadsheets

ಗೆಳಯರೇ,
ಸ್ವಲ್ಪ ಯೋಚಿಸಿ ನೋಡೋಣ, ನಾವೊಂದು ಸಣ್ಣ spreadsheet document ತಯಾರು ಮಾಡಬೇಕಿದೆ. ನಾವು Microsoft Excel, ಅಥವಾ, openoffice ಬಳಸಬೇಕು. ಆದರೆ Microsoft Excel ಉಪಯೋಗಿಸಲು ಬಹಳವೇ ಸೊಗಸಾಗಿದ್ದರೂ ಉಚಿತವಾಗಿ ಬರುವುದಿಲ್ಲ. ಉಚಿತವಾಗಿ ದೊರೆಯುವ openoffice ಬಳಸೋಣವೆಂದರೆ, ತಂತ್ರಾಂಶವನ್ನು download ಮಾಡಿ (ಸುಮಾರು ೧೪೦MB) ಆನಂತರ ನಮ್ಮ ಗಣಕದಲ್ಲಿ ಅನುಸ್ಥಾಪಿಸಬೇಕು.

ಅಷ್ಟೇ ಅಲ್ಲ, ಈ ತಂತ್ರಾಂಶಗಳು ನಮ್ಮ ಗಣಕದ RAMಅನ್ನು ಬಹಳಷ್ಟು ಉಪಯೋಗಿಸುತ್ತದೆ. ಈ ತಂತ್ರಾಂಶವನ್ನು ಉಪಯೋಗಿಸುತ್ತಾ ಹಾಡು ಕೇಳೋಣ ಎಂದರೆ ಕೆಲವೊಮ್ಮೆ ನಮ್ಮಲ್ಲಿ RAM ಕಡಿಮೆಯಿದ್ದರೆ ಎರಡನ್ನೂ ಒಟ್ಟಿಗೇ ಉಪಯೋಗಿಸಲು ಬರುವುದಿಲ್ಲ. ನಮ್ಮ ಮನೆಯಲ್ಲಿರುವುದು ಕೇವಲ dial-up connection. ಹಾಗೆಯೇ, ನಮ್ಮ ಯಾವ ಗೆಳೆಯರ ಬಳಿಯಾಗಲೀ openoffice CD ಇಲ್ಲ ಎಂದಿಟ್ಟುಕೊಳ್ಳೋಣ. ಆಗ ಏನು ಮಾಡುವುದು.

ಆಗ ನಮ್ಮ ಸಹಾಯಕ್ಕೆ ಬರುವುದೇ ಗೂಗಲ್ ಲೆಕ್ಕದ ಹಾಳೆ(Google SpreadSheets). google spreadsheet ಬಳಸಲು ನಮ್ಮ ಬಳಿ ಯಾವುದೇ ತಂತ್ರಾಂಶವಿರಬೇಕಿಲ್ಲ. ಕೇವಲ ಅಂತರ್ಜಾಲ ನೋಡಲಿಕ್ಕೆ ಒಂದು ಬ್ರೌಸರ್ ಇದ್ದರೆ ಸಾಕು. Internet explorer, Firefox, Mozilla ಹೀಗೆ ಯಾವುದಾದರು ನಡೆಯುತ್ತದೆ.

ಸದ್ಯಕ್ಕೆ cut, copy, paste, Undo, Redo ಗಳನ್ನು ಗೂಗಲ್ ಲೆಕ್ಕದಹಾಳೆ ಒದಗಿಸುತ್ತದೆ. ಮುಂದೆ graph ಇವುಗಳನ್ನೂ ಸಹ ನೀಡಬಹುದು.

ಗೂಗಲ್ ಲೆಕ್ಕದ ಹಾಳೆಯನ್ನು ಉಪಯೋಗಿಸಲು ಮೊದಲು ನೀವು ಕೋರಿಕೆ ಕಳುಹಿಸಬೇಕು.
೧. http://spreadsheets.google.com ಎಂದು ಟೈಪಿ.
೨. ನಿಮ್ಮ ವಿ-ಅಂಚೆಯನ್ನು ಲಗತ್ತಿಸಿ Sign up ಎಂದು ಕ್ಲಿಕ್ಕಿ.
೩. ಕೆಲವು ಘಂಟೆಗಳ ನಂತರ ಗೂಗಲ್ನಿಂದ ನಿಮಗೊಂದು ಮೈಲ್ ಬರುತ್ತದೆ.
೪. ಈ ಮೇಲಿನಲ್ಲಿ, ನೀವು ಹೇಗೆ Google spreadsheets ಉಪಯೋಗಿಸಬೇಕು ಎಂಬ ನಿಯಮಗಳು ನಮೂದಾಗಿರುತ್ತವೆ.

ಗೂಗಲ್ ಬಗ್ ಗಳು - Missing Features in Google Spread Sheets.

ಗೂಗಲ್ ಲೆಕ್ಕದ ಹಾಳೆ ಇನ್ನೂ ಅಪಕ್ವ ಸ್ಥಿತಯಲ್ಲಿದೆ. ಸದ್ಯಕ್ಕೆ ಗೂಗಲ್ ಇನ್ನೂ ಅವಕಾಶ ಕಲ್ಪಿಸದ ಪಟ್ಟಿಯಿಂತಿದೆ. ಮುಂದೆ ಒಂದು ದಿನ ಖಂಡಿತ ಇವು ಸಾಕಾರಗೊಳ್ಳಬಹುದು.

೧. ಕನ್ನಡ ಅಂಕಿಗಳ ಮೇಲೆ formula ಗಳನ್ನು ಬಳಸಲು ಬರುವುದಿಲ್ಲ.(The formulas supported by spreadsheets cannot be used upon numerals written in Indic scripts such as kannada/hindi/gujarati etc).
೨. ಕಡತದಲ್ಲಿನ individual ಲೆಕ್ಕ ಪತ್ರಗಳನ್ನು(sheet) ಕನ್ನಡದಲ್ಲಿ ಹೆಸರಿಸಲಾಗುವುದಿಲ್ಲ. ( ). Cannot rename individual spreadsheet to contain Kannada characters. Spread sheet names cannot have unicode characters.
೩. ಯಾವುದಾದರು cell ನಲ್ಲಿ ಕನ್ನಡ ಟೈಪಬೇಕಾದರೆ ಮೊದಲು "ಸ್ಪೇಸ್" ಒತ್ತಬೇಕು, ಆಗ cell ತೆರೆದುಕೊಳ್ಳುತ್ತದೆ. ನಂತರ ನಮ್ಮ ಬೆರಳಚ್ಚು ಮುಂದುವರಿಸಬೇಕು. ಇಂಗ್ಲೀಷಿನಲ್ಲಿ ಹೀಗಲ್ಲ, direct ಆಗಿ English ಟೈಪಬಹುದು. We cannot directly key in Kannada( or for that matter any other Indic script). To key in kannada characters we have first Press "space" and then continue editing.
೪. ನಾವು ಆರಿಸಿದ ಸೆಲ್ ಗಳ ಮೇಲೆ sort ಮಾಡಲು ಬರುವುದಿಲ್ಲ. sort ಪೂರ್ತಿ columnಗೆ ಅನ್ವಯವಾಗುವುದು. Sort applies to whole columns in contrast with individual selected columns..- Range sort

ಒಂದು ಉಚಿತ ಲೆಕ್ಕದ ಹಾಳೆಯ ತಂತ್ರಾಂಶ ನೀಡಿದ್ದಕ್ಕಾಗಿ ಗೂಗಲ್ಗೆ ಸವಿಯೊದಗು - Thanks to Google.
ವಿ.ಸೂ :- ಕೆಲವೊಂದು ಖಾಸಗಿ ಮಾಹಿತಯನ್ನು ಸೇರಿಸುವಾಗ ಎಚ್ಚರವಿರಲಿ. ಯಾರಿಗೆ ಗೊತ್ತು ಏನು ಕಾದಿದೆಯೋ.

ಗೂಗಲ್ ಲೆಕ್ಕದ ಹಾಳೆಯ ವಿಶೇಷತೆ - ಸಹಯೋಗ - collaboration

ಉದಾ: ನಾವೊಂದಷ್ಟು ಜನ ಗೆಳೆಯರು ಒಟ್ಟಿಗೆ ಒಂದು ರೂಮು ಮಾಡಿಕೊಂಡು ಇದ್ದೇವೆ ಎಂದಿಟ್ಟುಕೊಳ್ಳೋಣ. ಮನೆ ಬಾಡಿಗೆ, ನೀರಿನ ಬಿಲ್, ವಿದ್ಯುತ್ ಬಿಲ್ ಇತ್ಯಾದಿಗಳ ವಿವರ ತಿಳಿದುಕೊಳ್ಳಬೇಕು. ನಾವೆಲ್ಲರೂ ಬೇರೆ ಬೇರೆ ಸಂಸ್ಥೆಗಳಲ್ಲಿ ದುಡಿಯುತ್ತಿದ್ದೇವೆ. ಇಂಥಹ ಸನ್ನವೇಶಗಳಲ್ಲಿ ಗೂಗಲ್ ಹಾಳೆ ಸಹಾಯಕ್ಕೆ ಬರುತ್ತದೆ.
೧. ಗೆಳೆಯರ ಜೊತೆ ಹಾಳೆಯಲ್ಲಿಯೇ ಛಾಟ್ ಕೂಡ ಮಾಡಬಹುದು
೨. ಎಲ್ಲರೂ ಒಟ್ಟಿಗೇ edit ಮಾಡಬಹುದು.

ನೀವು ಕೂಡ ಸಾದ್ಯವಾದರೆ ಒಮ್ಮೆ ಉಪಯೋಗಿಸಿ ನಿಮ್ಮ ಅಭಿಪ್ರಾಯಗಳನ್ನು ತಿಳಿಸಿ.