ಬಣ್ಣ.

ಸಂಪದದಲ್ಲಿ ಹೊಸತು! | Sign up | Login | Font Help

June 14, 2006 - 6:34pm — ahoratra

ಬಣ್ಣ.

ಬಣ್ಣಾದ ಬದುಕಿಗೆ ಸುಣ್ಣಾವ ಬಳಿಯಣ್ಣ
ಕಣ್ಣ ಕುಕ್ಕುವಾ ಬಣ್ಣಾವಿದಣ್ಣಾ||

ಬಣ್ಣಾದ ಗುಣಗಾಳ ಜಣಜಣ ಹಣಗಾಳ
ಹೆಣದಂತ ಬದುಕೀದು ಸಣ್ಣಾವದಣ್ಣ|

ಹಣದಾ ಅರಿವಿರದಾ ಗುಣದಾ ಬರವಿರದಾ
ಚಿಣ್ಣಾರ ಗಣದೊಳಗ ಆಡಬೇಕಣ್ಣಾ|

ಬಣ್ಣೀಸದಿರು ತನ್ನ ನಿಂದಕ ಗುರು ನಿನ್ನ
ಬೆಣ್ಣೆ ಕದ್ದವನಾ ಬಣ್ಣೀಸಣ್ಣಾ|

ದಾನವೆ ಬಣ್ಣವು ಕರ್ಣನದಣ್ಣಾ
ಮಾನವೆ ಬಣ್ಣವು ಜಾಣರಿಗಣ್ಣಾ|

ಮಣ್ಣಿನ ಬಣ್ಣವು ಬಣ್ಣೀಸಲಸದಳವು
ಬಣ್ಣಕೆ ಮಣ್ಹಾಕಿ ತಣ್ಣಗಿರಣ್ಣಾ|

ಕಪ್ಪಾಗಿದ್ದರು ಬಣ್ಣ ಕಣ್ಣಾ ತುಂಬುವುದಣ್ಣ
ಕಂಡಾಗ ತಿರಿಪತಿಯ ತಿಮ್ಮಣ್ಣ||

ಆಹೋರಾತ್ರ.

೧೧:೩೫
೧/೩/೬.

ಕಾವ್ಯ ಮತ್ತು ಕವನ

ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ

ಲೇಖಕರು

ಪರಿಚಯ

ನ ಅಂದರೆ ಗೊತ್ತಿಲ್ಲ,
ದಾನ ಮಾಡಲು ಧನವಿಲ್ಲ,
ಪ್ರಧಾನಿಯಾಗಲೂ ಮನವಿಲ್ಲ,
ವಿಜ್ಞಾನಿಯಾಗಲು ಜ್ಞಾನವಿಲ್ಲ,
ಜ್ಞಾನಿಯಾಗಲು ಧ್ಯಾನವಿಲ್ಲ,
ಧ್ಯಾನಿಯಾಗಲು ನಿಧಾನವಿಲ್ಲ,
ಕದನವಿಲ್ಲದೆ ನಿದನವಿಲ್ಲ,
ಭಜನೆಯಿಲ್ಲದೆ ಭೋಜನವಿಲ್ಲ,
ದುರ್ಜನರಿಂದ ವಿಭಜನೆಯಾಗಿ,
ಸಜ್ಜನ ಸಂಗದ ಮಜ್ಜನಮಾಡಿ,
ಜನಾರ್ಧನ ಸೇವೆಯ ಸಾಧನೆ ಮಾಡುವೆ.

ಸದಸ್ಯರ ಪೂರ್ಣ ಪ್ರೊಫೈಲ್ ವೀಕ್ಷಿಸಿ

ನಿರೀಕ್ಷಿಸಿ!