ಮತ್ತಷ್ಟು ಗಾದೆಗಳು - ೬
June 22, 2006 - 1:27pm — ರಾಮಕುಮಾರ್
೧. ಅಗಸನ ಕತ್ತ ಡೊಂಬರದವನಿಗೆ ದಾನ ಮಾಡಿದ ಹಾಗೆ.
೨. ಉಂಡರೆ ಉಬ್ಬಸ, ಹಸಿದರೆ ಸಂಕಟ.
೩. ಒರಲೆ ಹಿಡಿದ ಕಟ್ಟಿಗೆ, ತರಲೆ ಹಿಡಿದ ಮನೆ ಹಾಳು.
೪. ಬಂಡವಾಳ ಮೂರು ಕಾಸು, ಬಡಿವಾರ ಆರು ಕಾಸು.
೫. ಗಂಜಿ ಕುಡಿಯುವವನ ಮೀಸೆ ತೀಡಕ್ಕೆ ಒಂದಾಳು.
೬. ಊರ ಚಿಂತೆ ಕಟ್ಟಿಕೊಂಡು ವೀರಶೆಟ್ಟಿ ಬಡವಾದ.
೭. ಮೊದಲು ಬಂದ ಕಿವಿಗಿಂತ ಆಮೇಲೆ ಬಂದ ಕೋಡು ಉದ್ದ.
೮. ಉಗುರಿನಲ್ಲಾಗುವ ಕೆಲಸಕ್ಕೆ ಕೊಡಲಿ ತಗಂಡರು.
೯. ಕೈಲಿ ಸಾಗದವನಿಗೆ ಒಂಭತ್ತು ಕುಡುಗೋಲು.
೧೦. ಉತ್ತರನ ಪೌರುಷ ಒಲೆ ಮುಂದೆ.
- Login or register to post comments
- 998 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಮತ್ತಷ್ಟು ಗಾದೆಗಳು
ರಾಮಕುಮಾರರೇ, ಗಾದೆಗಳಿಗಾಗಿ ನಿಮಗೆ ಧನ್ಯವಾದಗಳು. ನೈಜತೆಯಿ೦ದ ಕೂಡಿದ ಗಾದೆಗಳನ್ನು ಸ್ವಲ್ಪ ಹಾಸ್ಯದಿ೦ದ 'ತಿರುಚಿ'ದರೆ ಮತ್ತೂ ಚೆನ್ನಾಗಿರುತ್ತದೆ. ಉದಾ: ಕೊಟ್ಟೋನು ಕೋಡ೦ಗಿ - ಜೋಡಿಸಿದೋನು ಜೋಭದ್ರ etc.
ಮತ್ತೊಮ್ಮೆ ತಮಗೆ ಅಭಿನ೦ದನೆಗಳು. ನಿಮ್ಮಿ೦ದ ಮತ್ತಷ್ಟು ಕೃತಿಗಳು / ಗಾದೆಗಳು ಬರಲಿ ಎ೦ದು ನಿರೀಕ್ಷಿಸುತ್ತೇವೆ.
ನಿಮ್ಮ,
ಭರದ್ವಾಜ.
ನಿಮ್ಮ ಪ್ರೋತ್ಸಾಹಕ್ಕೆ
ಭರಧ್ವಾಜರೆ, ನಿಮ್ಮ ಪ್ರೋತ್ಸಾಹದ ಮಾತುಗಳಿಗೆ ಧನ್ಯವಾದಗಳು.
ಹೌದು,ಗಾದೆಯನ್ನು ಸ್ವಲ್ಪ "ತಿರುಚಿ" ಏನೆಲ್ಲ ಅರ್ಥ ಬರುವ ಹಾಗೆ ಮಾಡಬಹುದು.ನನ್ನ ಸ್ನೇಹಿತನೊಬ್ಬ "ಊರಿಗೆ ಬಂದವರು ಬಾರಿಗೆ ಬರದೇ ಇರುತ್ತಾರೆಯೆ" ಅಂತ ಮಾಡಿದ್ದ.
ನಮ್ಮ ಹಿರಿಯರು ಮಾತನಾಡುವಾಗ ಲೀಲಾಜಾಲವಾಗಿ ಬಳಸುವ ಗಾದೆಗಳನ್ನು, ಅದರಿಂದ ಮಾತು ಕಳೆಗಟ್ಟುವುದನ್ನ,ಅರ್ಥಗರ್ಭಿತವಾಗುವುದನ್ನ ನಾನು ಸೋಜಿಗದಿಂದ ಗಮನಿಸುತ್ತೇನೆ.
ಮೊನ್ನೆ ನಾನು 'ನೈಸ್-ಸರ್ಕಾರ'ದ ನಡುವಿನ ಜಂಗೀಕುಸ್ತಿ ಬಗ್ಗೆ ನನ್ನ ದೊಡ್ಡಪ್ಪನ ಹತ್ತಿರ ಮಾತನಾಡುತ್ತಿದ್ದಾಗ ಕೇಳಿದ ಗಾದೆ "ಸಂತೆ ನೆರೆಯುವ ಮುಂಚೆ ಗಂಟುಕಳ್ಳರು ನೆರೆದರು"!