ನಮಸ್ಕಾರ. ಸದ್ಯ ನೀವೊಬ್ಬರು 'ನನ್ನ ಪ್ರಲಾಪ' ಓದಿದ್ದೀರಿ. ಸುಂದರವಾಗಿ ಪ್ರತಿಕ್ರಿಯಿಸಿದ್ದಿರಿ. ಧನ್ಯವಾದಗಳು. ನಿಮ್ಮ ಹೇಳಿಕೆ ಖಂಡಿತ ನಿಜ.ಮತ್ತು ಅದನ್ನು ನಿಜವಾಗಿಯೂ ನಾವು ವಿಚಾರಮಾಡುವಂತಹದು. ಮೌಲ್ಯಗಳು ಗೊತ್ತಾದಾಗ ಮಾತ್ರ ಅದನ್ನು ಕಳೆದುಕೊಳ್ಳುವ ಪ್ರಶ್ನೆ ಅಲ್ಲವೆ !ಅದನ್ನು ಮಕ್ಕಳ ಮೇಲೆ ಒಮ್ಮೊಮ್ಮೆ ಹೇರಬೇಕಾಗುತ್ತದೆ.

ನನ್ನ ಅಳಿಯ, ಚಿಕ್ಕವನಾಗಿದ್ದಾಗ ತುಪ್ಪ ತಿನ್ತಿರಲಿಲ್ಲ. ಪಲ್ಯ ಬೇಡ, ಹುಳಿಬೇಡ, ಗೊಜ್ಜು ಬೇಡ, ಮಜ್ಜಿಗೆಹುಳಿ ಬೇಡ. ಸಾರು ಸಾಕು ! ಹೀಗೆ ಅವನ ಪಟ್ಟಿ ದೊಡ್ಡದು. ನಾನು 'ಶತಾಯ ಗತಾಯ' ಎಂದು ಅವನಿಗೆ ನನ್ನ ಹೆಂಡತಿ ಸಹಕಾರ ಪಡೆದು, ಮೇಲೆ ಹೇಳಿದ ಎಲ್ಲಾ ಪಲ್ಯ ಇತ್ಯಾದಿಗಳನ್ನು ತಿನ್ನಿಸಿ, ಅದಕ್ಕೆ ತಕ್ಕ ಕಥೆ 'ಸೃಷ್ಟಿಸಿ' ಹೇಳಿ ಮನ ಒಲಿಸಿದ ಮೇಲೆ, ಈಗ ಅವನು ಎಲ್ಲಾ ತಿಂತಾನೆ. ತಿನ್ನದವರಿಗೂ ತಿನ್ನಿಸ್ತಾನೆ ! ಇದು ಹೇಗಾಯಿತು ಗೊತ್ತ ? ಅವರಮ್ಮನ ರುಚಿ (ನನ್ನ ತಂಗಿಯ )ಇಲ್ಲದ ಅಡುಗೆ -'ಪೊರ'ನಿಗೆ ಇಂತಹ ಮನೊಭಾವ ತಂದಿತ್ತು ! ಇದೊಂದು ಚಿಕ್ಕ ದೃಷ್ಟಾಂತ !

ಇದನ್ನು ಹೇಳಲು ನಮ್ಮೆಲ್ಲರಿಗು ಮುಜುಜುರವಾಗುತ್ತಿದೆ ! ನೆನ್ನೆ ನಾನು ಕಂಡಂತೆ ಯಾವ ಚಾನಲ್ ನಲ್ಲು ಗಾಂಧೀಜಿ, ಸತ್ಯಾಗ್ರಹ, ಹೋರಾಟ, ಅನ್ನುವುದು ತೊರಿಬರಲಿಲ್ಲ. 'ಸರ್ಕಾರಿ ಚಾನಲ್' ನ್ನು ಮಕ್ಕಳು, ವೃದ್ಧ ರೂ ನೊಡಲ್ಲ. ಮನೆಯ ಯಜಮಾನನ ಜವಾಬ್ದಾರಿ ಬಹಳ ಮುಖ್ಯ. ಅವನೇ ತನ್ನ ಪರಿವಾರಕ್ಕೆ ಏನು ಬೇಕು; ತನ್ನ ಮಕ್ಕಳು ಮುಂದೆ 'ಸುಸಂಸ್ಕೃತರಾಗಿ' ತನ್ನ 'ಕನಸನ್ನು ಹೇಗೆ ನನಸು' ಮಾಡಬಹುದು, ಅನ್ನುವುದರ ಬಗ್ಗೆ ತಲೆಕೆಡಸಿಕೊಳ್ಳದಿದ್ದರೆ, ಈ ತರಹ ನೀವು ಹೇಳಿದಂತೆ 'ಮೌಲ್ಯ'ಕಳೆದು ಕೊಂಡಂತೆ ಭಾಸವಾಗುವುದು ಸಹಜ ! ಮೌಲ್ಯಗಳು ಬೇಕೆಂದು ಹುಡುಕಿದರೆ ನಿಜವಾಗಿಯೂ ಅವು ಸಿಕ್ಕುತ್ತವೆ. ಮೊದಲು ನಾವು ಅದನ್ನು ಪಡೆದು, ಎಲ್ಲರಿಗೂ ಕೊಡುವ ಧಾರ್ಷ್ಟ್ಯವಂತರಾಗಬೇಕು. ! ನಿಮ್ಮ 'ಸಂಪದ'ದ ಮಾಧ್ಯಮ ನಿಜವಾಗಿಯೂ ಎಲ್ಲರಿಗೂ 'ಆದರ್ಶಪ್ರಾಯವಾಗಿದೆ' ಎಂದರೆ ತಪ್ಪಲ್ಲ !

ಬಹುಶಃ ನಾನು ಕಂಡ ಕೆಲವು ಹಳ್ಳಿಗಳಲ್ಲಿ ಇನ್ನೂ ಈತರಹದ 'ಮೌಲ್ಯ'ಗಳು ಉಳಿದಂತಿದೆ. ಆದರು ಒಮ್ಮೆ 'ನಗರದ ಮುಖ್ಯ ವಾಹಿನಿಯಲ್ಲಿ' ಧುಮಿಕಿದರೊ, ಅವರು ಎಲ್ಲರಂತೆ ಕೊಚ್ಚಿಹೋಗುತ್ತಾರೆ. !ನಾನು ಬರೆದ 'ಸ್ವಾತಂತ್ರ್ಯದಿನದ ಲೇಖನ' ಓದಿದವರ ಸಂಖ್ಯೆ ಎಷ್ಟು ? ಅದೂ, ಒಂದೇ ಪ್ರತಿಕ್ರಿಯೆ ! ಬಹುಶಃ 'ಶ್ರೀಕಾಂತ ಮಿಶ್ರಿಕೊಟಿ'ಯವರು ಇಲ್ಲಾ ಅಂತ ಕಾಣುತ್ತೆ. ಅವರೊಬ್ಬರು ತುಂಬಾ ಚೆನ್ನಾಗಿ ಪ್ರತಿಕ್ರಿಯಿಸುತ್ತಾರೆ. ಸಲಹೆ ಮಾರ್ಗದರ್ಶನ ನೀಡುತ್ತಾರೆ ಕೂಡ !

ಕ್ಷಮಿಸಿ ನಿಮಗೆ ಪುರುಸೊತ್ತು ಸಿಗುವುದೇ ಕಷ್ಟ. ಅದರಲ್ಲೇ ನನ್ನ ಬಹಳ ಮುಖ್ಯ ಲೇಖನ ಓದಿದ್ದೀರಿ. ಇದು ನನ್ನ ಲೇಖನ ಅದಕ್ಕೆ ಮುಖ್ಯ ಎಂದು ನಾನು ಖಂಡಿತ ಹೇಳುತ್ತಿಲ್ಲ. ಇವತ್ತು ನಾವು ಇದರ ಬಗ್ಗೆ ತಲೆ ಕೆಡಸಿಕೊಳ್ಳದಿದ್ದರೆ ಎಂದೊ, ಮುಂದೆ ನಮ್ಮ ಮಕ್ಕಳು, ನಮ್ಮ ಅನಿಸಿಕೆ ಗಳಿಗೆ ಸ್ಪಂದಿಸದಿದ್ದಾಗ ಬೇಸರ ಇನ್ನೂ ಹೆಚ್ಚಿನ ಪ್ರಮಾಣದಲ್ಲಿ ಆಗುವುದು ಸಹಜ !

ಪ್ರಧಾನಿಗಳ ಭಾಷಣ ತುಂಬಾ ನೀರಸವಾಗಿತ್ತು. ನಿಜ. 'ಹಿಂದಿ' ಅವರಿಗ ಬರಲ್ಲ ಅಂತ ಕಾಣುತ್ತೆ ! ಇಂದಿನ ಪರಿಸ್ಥಿತಿಯಲ್ಲಿ ಎಲ್ಲರಿಗೆ ಹೋಲಿಸಿದರೆ, ಸದ್ಯಕ್ಕೆ ಅವರೇ ನಮ್ಮ ದೇಶದ ಆಡಳಿತದ 'ಜುಕ್ಕಾಣಿ' ಹಿಡಿಯಲು ಇರುವುದರಲ್ಲಿ ಉತ್ತಮ ವ್ಯಕ್ತಿ !! ಇದು ನನ್ನ ಅನಿಸಿಕೆ.

ಸ್ವಲ್ಪ ಹಳೆಯ ಜೆನರೇಶನ್ ಆಯ್ತು

ಈಗಿನವರದ್ದು ಟ್ರೆಕಿಂಗ್, ಡಿಸ್ಕ್, ಎಮ್ ಜಿ ರೋಡು ಸುತ್ತಮುತ್ತಲಿನ ಯಾವುದಾದರೂ ಪಬ್ಬು (ಸ್ವಾತಂತ್ರ್ಯ ದಿನದಂದು ತೆಗೆದಿದ್ದರೆ) ಇತ್ಯಾದಿ

ಹೀಗೆ ನಡೆದ ಸಂಭ್ರಮಾಚರಣೆ ಯಾವುದಾದರೂ ಪ್ರಸಿದ್ಧ ಪಬ್ಬಿನಲ್ಲಿ ನಡೆದ್ರೆ (ಹಿಂದಿನ ದಿನ, ಮುಂದಿನ ದಿನ ನಡೆದ್ರೂ) NDTV, CNN-IBN ನವರು "ಜಶ್ನ್ ಕಾ ಮಾಹೋಲ್" ಎಂದು ಕವರ್ ಮಾಡ್ತಾರೆ!

ಈಗಿನ ಜೆನರೇಶನ್ನಿನಲ್ಲಿ ಸಿಗರೇಟು ಸೇದುವವರು ಸ್ವಲ್ಪ ಕಡಿಮೆ ಅನ್ಸತ್ತೆ. ಮನೆಯಲ್ಲಿ ಪಾರ್ಟಿ ಕೂಡ ಕಡಿಮೇನೆ.
"ಬ್ಲೂ ಸಿ ಡಿ" ಮುಂಚಿನಂತಲ್ಲ, ಇಂಟರ್ನೆಟ್ ಇರೋದ್ರಿಂದ ಎಲ್ಲರಿಗೂ ಸುಲಭವಾಗಿ ಸಿಕ್ಕುಹೋಗತ್ತೆ.

--
Check my Blog
Kannada wikipedia
"ಹೊಸ ಚಿಗುರು, ಹಳೆ ಬೇರು"

ಮೌಲ್ಯಗಳು ಸಾರ್ವಕಾಲಿಕವಾದವುಗಳು.ಕಾಲ ಕಾಲಕ್ಕೆ ಅದರ 'ಅಕ್ಕ-ಪಕ್ಕಗಳು' ಸ್ವಲ್ಪ ಬದಲಾಗಿರುವಂತೆ ಕಾಣಿಸುತ್ತವೆ. ಅವು ಒಂದು ತೊರೆಯ ತರಹ.ಅದು ಹರಿಯುವಾಗ ತನ್ನ ಪಾತ್ರವನ್ನು ಬದಲಾಯಿಸಿಕೊಳ್ಳುತ್ತಾ ಸಾಗುತ್ತದೆ. ಆದರೆ ಆ ಹಳ್ಳ ಅದರದೇ ಆದ ತನ್ನ ಪ್ರವೃತ್ತಿಯನ್ನು ಕಾಯ್ದಿಟ್ಟುಕೊಳ್ಳುತ್ತದೆ. ಈ ಗುಣವನ್ನು ನಾವು ಅದರ ಮೌಲ್ಯ ಎನ್ನಬಹುದು. ನಮ್ಮ ಹಿರಿಯರು ಪದೇ ಪದೇ ಹೇಳಿ, ಹೀಗೆ ಮಾಡಿದರೆ ಒಳ್ಳೆಯದು ಎಂದು ತಿಳಿಹೇಳಿದ್ದರು. ಏಕೆಂದರೆ ನಾವೇನೂ ಅದೇ ತಪ್ಪುಗಳನ್ನು ಮಾಡಿಯೇ ಕಲಿಯಬೇಕಾಗಿಲ್ಲ. ಈಗ, ವಿದ್ಯುತ್ ತಂತಿಯನ್ನು ಮುಟ್ಟಬೇಡ. ಅದು 'ಪ್ರಾಣಾಪಾಯಕಾರಿ' ಎಂದು ಅನುಭವಿಯೊಬ್ಬರು ಹೇಳಿದ ಮಾತು ನಮಗೆ ಸಾಕು. ಮುಟ್ಟಿ, ಆಸ್ಪತ್ರೆ ಸೇರಿ ಅದರ ಅನುಭವ ಪಡೆಯಬೇಕಿಲ್ಲ. ಅದರಂತೆಯ ಮಿಲಿಯಗಟ್ಟಲೆ ವರ್ಷಗಳ ಈ 'ಜೀವನವಾಹಿನಿ' ನಮಗೆ ಬೇಕಾದಷ್ಟು ವಿಚಾರಗಳನ್ನು ತಿಳಿಹೇಳಿದೆ. ಅವು ಮೌಲ್ಯಗಳಾಗಿರ ಬಹುದು. ಅದನ್ನು ಮೊದಲು ನಾವು ಪಾಲಿಸುವುದನ್ನು ಕಲಿಯಬೇಕು. ನಮಗೆ ಬುದ್ಧಿ ಬಂದ ಮೇಲೆ ಪರಿಶೀಲಿಸಿ ಅದರಬಗ್ಗೆ ನಿರ್ಣಯ ತೆಗೆದು ಕೊಳ್ಳುವುದು- ನಂತರ, ಸಾಕಷ್ಟು ಜ್ಞಾನಾರ್ಜನೆಯ ಬಳಿಕ !

ಕೆಲವು ನಾನು ಉದಾಹರಿಸಿದಂತೆ, "ಸ್ವಾತಂತ್ರ್ಯದಿನದ ಹಬ್ಬದ ದಿನ" -ನಮ್ಮ ಭಾರತಕ್ಕೆ ಪ್ರಾಣತ್ಯಾಗ ಮಾಡಿ ನಮಗೆ ಸ್ವಾತಂತ್ರ್ಯ ತಂದುಕೊಟ್ಟ ಮಹಾನುಭಾವರುಗಳನ್ನು ನೆನೆಸಿಕೊಳ್ಳುವ ದಿನ- ಅದನ್ನೆ ಮರೆತಿದ್ದೇವೆ. ಅದನ್ನು ಮತ್ತೆ ಸ್ಥಾಪಿಸುವ ಕೆಲಸ ಹಿರಿಯರದು. ಹಿರಿಯರು ಸರಿ. ಕಿರಿಯರು ತಪ್ಪು ಎನ್ನುವ ಮಾತು ಬೇರೆ. ಕೆಲವು ಹಿರಿಯರು ಇನ್ನೂ ತಾವು, ಯುವಕರೆಂದು ನಕಲಿ ವೇಷ ಭೂಷಣ ಧರಿಸಿ 'ಕ್ಲಬ್' ಗಳಿಗೆ ಹೋಗುತ್ತಾರೆ. ಹದಿ ಹರೆಯ ಯುವತಿಯರ ಜೊತೆಗೆ 'ಮೊಜು ಮಸ್ತಿ' ಮಾಡುವುದನ್ನು ನಾನು ನೋಡಿದ್ದೇನೆ. ಇದು ತಪ್ಪು. "ಯಾರು ನೊಡ್ಲಿ ಎಂಜಾಯ್ ಮಾಡಿ ಸಾರ್ . ಹಳೆದೆಲ್ಲ ಮರಿರಿ", ಎಂದು ಹೇಳುವವರೆ. ಇವರ ಸಂಖ್ಯೆ ಜಾಸ್ತಿಯಾಗಿದೆ. ಅದು, ಈ ತರಹೆಯ 'ಮಾನಸಿಕ ವಿಕಾರ'ಗಳಿಗೆ ಕಾರಣ.

ಅಮೆರಿಕ, ಒಂದು ಜಾತ್ಯಾತೀತ, ವಲಸೆಗಾರರ ದೇಶ. ಬ್ರಿಟಿಷರ ಆಡಳಿತವನ್ನು ವಿರೊಧಿಸಿ ನಿರ್ಮಾಣಗೊಂಡ ಇನ್ನೊಂದು ಬಿಳಿಯರ ದೇಶ ವಾಗಿತ್ತು. ನಂತರ ಬಣ್ಣದ ಹುಚ್ಚು ಬಿಟ್ಟು ಈಗ ಹೊಸ ದಿಕ್ಕಿನಲ್ಲಿ ನಡೆಯುತ್ತಿದೆ. ಅಮೆರಿಕೆಯ ವಿಜ್ಞಾನದಲ್ಲಿನ ಅನುಸಂಧಾನ ಪರಂಪರೆ, ವಿಶ್ವಕ್ಕೆ ಮಾದರಿ. . ಅವರ ಕರ್ತವ್ಯ ಪರಾಯಣತೆ, ಸಮಯ ಪ್ರಜ್ಞೆ, ಕಷ್ಟಪಟ್ಟು ದುಡಿಯುವ ಮನೊಭಾವ, ವೈಚಾರಿಕತೆ,ಗಳನ್ನು ಕಲಿಯೊಣ.

ಅವರ ಸ್ವಚ್ಛಂದ ಪ್ರವೃತ್ತಿ, ಲೈಂಗಿಕತೆ, ಅತಿಯಾದ ಸ್ವಾತಂತ್ರ್ಯ ಚಿಕ್ಕಮಕ್ಕಳ ಸ್ತರದಲ್ಲೆ. ಇದು ಒಳ್ಳೆಯದಲ್ಲ. ಮಕ್ಕಳನ್ನು ಲಾಲನೆ ಪಾಲನೆಮಾಡಿ ಬೆಳೆಸಬೇಕು, ಹಿರಿಯರನ್ನು, ಬಲಹೀನರನ್ನು, ಸ್ತ್ರೀಯರನ್ನು, ಪ್ರೀತಿ, ಕರುಣೆಯಿಂದ ನೊಡಬೇಕು. ಮದುವೆ ಒಂದು ದೊಡ್ದ 'ಜೀವನ ಸ್ಥರದ ಸಂಸ್ಥೆ'. ಇದನ್ನು 'ನಿಭಾಯಿಸ' ಬೇಕು. ಈ ಪದ ಅತಿ ಮುಖ್ಯ ! ಇವೆಲ್ಲಾ 'ಮೌಲ್ಯದ ಚೌಕಟ್ಟಿ'ನಲ್ಲಿಯೆ ಬರುವಂತಹವು !

ಇದನ್ನು ನಾವು ತಿಳಿದು, ನಮ್ಮ ಜೀವನಕ್ಕೆ ತಕ್ಕಂತೆ ಅಳವಡಿಸಿಕೊಳ್ಳಬೇಕು. ವಿದೇಶಕ್ಕೆ ಹೋಗಬೇಡಿ ಎಂದು ಯಾರು ಹೇಳುತ್ತಾರೆ ? ಕಲಿತುಬನ್ನಿ. ಹಾಳಾಗಿ ಬರಬೇಡಿ. ನಮ್ಮ ದೇಶ, "ಭಾರತೀಯ ಸಂಸ್ಕೃತಿ"ಗೆ ಹೆಸರುವಾಸಿಯಾಗಿದೆ. ಅದನ್ನು ಅವರಿಗು ಕಲಿಸಿ ಬನ್ನಿ. ಅವರುಗಳು ಇಲ್ಲೆಗೆ ಏಕೆ ಬರುತ್ತಾರೆ ? ಸ್ವಲ್ಪ ಯೋಚಿಸಿ !!

ನನ್ನ ಮಗ 'ಇನ್ಫೊಸಿಸ್' ಕಂಪನಿಯ ವತಿಯಿಂದ ಅಮೆರಿಕಕ್ಕೆ, ಹೋದ ತಿಂಗಳು ಹೊಗಿದ್ದಾನೆ. ಇದೇ ಪಾಠವನ್ನು ನಾನು ಮತ್ತು ಅವನ 'ತಾಯಿ' ಹೇಳಿ ಕಳಿಸಿದ್ದೇವೆ. "ಅವನು ನಮ್ಮನ್ನು ನಿರಾಶೆ ಮಾಡಲ್ಲ " ಎಂಬುದು ನಮಗೆ ಚೆನ್ನಾಗಿ ತಿಳಿದಿದೆ. ಏಕೆ ಹೇಳಿ- ಆ 'ಮೌಲ್ಯ'ಗಳು ಅವನನ್ನು ಸುಮ್ಮನೆ ಬಿಟ್ಟಾವೆ ?
ಅದೂ ಅವನು ಕೆಲಸ ಮಾಡ್ತಾ ಇರೊದು ಯಾರ ಕೈಕೆಳಗೆ ? ಭಾರತದ ಮಹಾನ್ 'ಸಾಫ್ಟ್ವೇರ್ ಇಂಜಿನಿಯರ್ ' ಡಾ.ನಾರಾಯಣ ಮುರ್ತಿಯವರ ಹತ್ತಿರ ! ಅದೊಂದು ಸುಯೊಗ ಹಾಗೂ ಸನ್ಮಾನ ಅಲ್ಲವೇ ?

ಕುಮಾರ್,

ಒಟ್ಟಿನಲ್ಲಿ ನಮ್ಮ ಯುವಜನರಿಗೆ ಏನೋ ಹೇಳಲೇಬೇಕೆಂದು ನನಗೆ, ಆಸೆಯಗಿತ್ತು. ನಿಮ್ಮಂತಹ ಒಬ್ಬ ನಿಷ್ಠ ವ್ಯಕ್ತಿ ಸಿಕ್ಕಿದ್ದು, ಸಂತೋಷಕರ ! ನೋಡಿ ಸರ್. ಜುಲೈ ೪, ಬಂತೆಂದರೆ, ಅಮರಿಕನ್ನರಿಗೆ ಎಂಥ ಹೆಮ್ಮೆ !
ಅದು ನಮಗೆ ಯಾಕ್ಬರ್ತಿಲ್ಲ ?

ಯುದ್ಧವಿಲ್ಲದೆ, ಬಲಿಷ್ಠರನ್ನು ಓಡಿಸಿದ್ದು ಸಾಮಾನ್ಯವೇ ? ಮೇಲಾಗಿ ನಮ್ಮದೇಶ ಆಫ್ರಿಕಾದಂತೆ ಹರಿದು ಹಂಚಿಹೋಗದೆ, ಸುಸ್ಥಿತಿಯಲ್ಲಿದೆ.

ಉದಾ : ಮಹರಾಷ್ಟ್ರದೇಶ, ತಮಿಳುನಾಡುದೇಶ, ಬಂಗಾಳದೇಶ ಈ ತರಹ. ಈ ಮಹತ್ತರ ಬದಲಾವಣೆಯನ್ನು ನಾವು, ನಮ್ಮಮಕ್ಕಳು ಗುರುತಿಸಿ ಮೆಚ್ಚುವುದು ಎಂದು. ಆಗಸ್ಟ, ನಲ್ಲಾದರೂ ಬೇಡವೇ ?