"ದ ಕಿಂಗ್ ಆಫ್ ಪಾಪ್" - ಮೈಕಲ್ ಜಾಕ್ಸನ್ ಇನ್ನಿಲ್ಲ!

ಮೈಖೇಲ್ ಜ್ಯಾಕ್ಸನ್, ವಿಶ್ವದ-ಯುವಪೀಳಿಗೆಯವರ ಕಣ್ಮಣಿಯಾಗಿದ್ದವರು, ಮೊನ್ನೆಮೊನ್ನೆಯರೆಗೂ ಅವರ ಜನಪ್ರಿಯತೆ ಅಪಾರ. ಹಾಲಿವುಡ್ ತಾರೆ, ಎಲಿಜಬೆತ್ ಟೇಲರ್ ಈ ಸುದ್ದಿಯನ್ನು ಕೇಳಿ ದಿಗ್ಭ್ರಮೆ ಹೊಂದಿದ್ದಾಗಿ ಮೀಡಿಯಾಗಳು ವರದಿಮಾಡುತ್ತವೆ. ಅಮೆರಿಕನ್ನರ ಮಾನಸಿಕ ಸ್ಥಿತಿಯೇ ಬೇರೆ. ಅವರು ಪ್ರಭಾವಿತರಾಗುವುದು ಅತಿಬೇಗ. ಹಿಂದಿನ, ಗತಿಸಿಹೋದ ಪಾಪ್ ಸಿಂಗರ್, ಎಲ್ವಿಸ್ ಪ್ರೆಸ್ಲಿಯನ್ನು ಅವರು ದೇವರಿಗಿಂತ ಹೆಚ್ಚಾಗಿ ಪ್ರೀತಿಸುತ್ತಿದ್ದರು. ಮತ್ತೊಬ್ಬ ಹಾಡುಗಾರ, ಹಾಗೂ ಗತಿಸಿಹೋದ ಹಾಲಿವುಡ್ ನಟ, ಫ್ರಾಂಕ್ ಸಿನೇಟ್ರಾ ಸತ್ತಾಗ ಅಮೆರಿಕದ ಜನರೆಲ್ಲಾ ಶೋಕಸಾಗರದಲ್ಲಿ ತೇಲಿಹೋಗಿದ್ದರು ! ನಾನು ನಿನ್ನೆ ಬೆಳಿಗ್ಯೆ, ೫ ಗಂಟೆಗೆ, " ರೆಡಿಫ್ ವಾರ್ತೆಯ ಅಂತರ್ಜಾಲ ತಾಣ " ದಲ್ಲಿ ಅವರ ನಿಧನವನ್ನು ಓದಿದ್ದೆ. ವೃತ್ತಪತ್ರಿಕೆಗಳಿಗೆ ವಾರ್ತೆ ತಡವಾಗಿ ತಲುಪಿದೆ. ಟೀವಿಯಲ್ಲೂ ನಿನ್ನೆ ಮಧ್ಯಾನ್ಹದ ಮೇಲೆ ವರದಿಗಳು ಬರಲಾರಂಭಿಸಿದವು.

ನಿಜವಾಗಿ ಹೇಳಬೇಕೆಂದರೆ, ನಮ್ಮ ವಯೋಮಾನದ ಜನರಲ್ಲಿ ಕೆಲವರು, ನನ್ನನ್ನೂ ಸೇರಿ, ಮೈಖೇಲ್ ಜ್ಯಾಕ್ಸನ್ ರ ಎಲ್ಲಾ ಹಾಡುಗಾರಿಕೆ-ನೃತ್ಯವನ್ನು ಮೆಚ್ಚಲು ಆಶಿಸುವುದಿಲ್ಲ. ಇದು ನೈಜಸಂಗತಿ. ಮೈಮುರಿದು, ಮುಖಕೆಟ್ಟದಾಗಿ ಮಾಡಿಕೊಂಡು ಕೂಗಿ, ಕಿರಿಚಾಡುವುದನ್ನು ನಾವು ಒಳ್ಳೆಯಹಾಡುಗಾರಿಕೆಯ ನೃತ್ಯವೆಂದು ಪರಿಗಣಿಸುವುದಿಲ್ಲ. ಆದರೆ ನಮ್ಮ ಮಾತನ್ನು ಯಾರು ಅನುಮೋದಿಸುತ್ತಾರೆ ?

ಇಲ್ಲ ಬಿಡಿ.

ಹೂ ಕೇರ್ಸ್ ?

ಆದರೆ, ಮೈಖೇಲ್ ರ ಹೃದಯವಂತಿಕೆಯನ್ನು ನಾನು ಖಂಡಿತಾ ಮೆಚ್ಚುತ್ತೇನೆ. ದೇವರು ಅವರ ಆತ್ಮಕ್ಕೆ ಶಾಂತಿನೀಡಲಿ. { ಪಾಪ, ಅವರ ೫೦ ವರ್ಷಗಳ ಜೀವನದುದ್ದಕ್ಕೂ ಅದೆಷ್ಟು ಕುಣ್ದು ಕುಪ್ಪಳ್ಸಿದ್ರಪ್ಪ, ಅದೆಷ್ಟು ಮೂಗಿನ ಪ್ಲಾಸ್ಟಿಕ್ ಸರ್ಜರಿಮಾಡಿಸಿಕೊಂಡಿದ್ರು. ಅದೆಷ್ಟು ಮೀಡಿಯಾ ಪ್ರಚಾರ-ಅಪಪ್ರಚಾರಗಳಿಗೆ ಗುರಿಯಾಗಿದ್ದರು }

ವೆಂಕಟೇಶ್.