ಪೂರ್ಣ ಹೆಸರು
ಎಚ್.ಎ. ಅನಿಲ್ ಕುಮಾರ್

ಪರಿಚಯ

೧೯೯೨ರಿ೦ದ ಕನ್ನಡ ಹಾಗೂ ಇ೦ಗ್ಲೀಷಿನಲ್ಲಿ ದೃಶ್ಯಕಲೆಯ ಬಗ್ಗೆ ಬರೆಯುತ್ತಿದ್ದೇನೆ. ಸ್ಥಿರ, ಅಸ್ಥಿರ ಹಾಗೂ ಚಲಿಸುವ, ಚಲನವೆ೦ಬ ಚಿತ್ರ, ದೃಶ್ಯಗಳ ಬಗ್ಗೆ ಕೇ೦ದ್ರಿತವಾಗಿದೆ ನನ್ನ ಬರಹಗಳು. ಅಥವ ಹಾಗೆ೦ದು ಭಾವಿಸಿದ್ದೇನೆ. ಪತ್ರಿಕಾ ಕಾಲ೦ಗಳ ಹೆಸರಿನಲ್ಲಿ ಕಲಾವಿಮರ್ಶೆಯನ್ನೂ, ಪ್ರದರ್ಶನಗಳ ಕೆಟಲಾಗ್, ಮೊನೊಗ್ರಾಫ್ ಹೆಸರಿನಲ್ಲಿ ವ್ಯಕ್ತಿಕೇ೦ದ್ರಿತವಾದ ದೃಶ್ಯಸ೦ಸ್ಕೃತಿಯನ್ನು ಕುರಿತು ಬರೆದಿರುವ ನನಗೆ ಕನ್ನಡ ಸಾಹಿತ್ಯ-ಕೇ೦ದ್ರಿತ ’ಸ೦ಸ್ಕೃತಿ’ಗೆ ಅ೦ಚಿನಿ೦ದಲೇ ಹೀಗೆ ಪ್ರತಿಕ್ರಿಯಿಸಬೇಕಾಗಿ ಬ೦ದದ್ದು ದೃಶ್ಯಮಾಧ್ಯಮದ ಅನಿವಾರ್ಯತೆಯಿ೦ದಾಗಿ. ಹೀಗಿದ್ದರೂ ನನ್ನ ಬರವಣಿಗೆ ರೂಪುಗೊಳ್ಳಲು ಕನ್ನಡ ’ಸ೦ಸ್ಕೃತಿ’ಯ ಒಳಗಿನ ಘಟಾನುಘಟಿಗಳ ಪ್ರಭಾವವು ಅತೀತವಾಗಿದೆ--ಎ೦ದು ಭಾವಿಸಿದ್ದೇನೆ. ಡಿ.ಆರ್.ನಾಗರಾಜರಿ೦ದ ಯು.ಆರ್.ಅನ೦ತಮೊರ್ತಿಯವರೆಗಿನ ನಡುವೆ ಅನೇಕ ವ್ಯಕ್ತಿತ್ವಗಳ ನನ್ನನ್ನು ಕಾಡಿಸಿದ್ದು, ಡಾ.ರಾಜ್ ಕುಮಾರ್, ತೇಜಸ್ವಿ, ಹಡಪದ್, ಕೆ.ಜಿ.ಎಸ್ ಹಾಗೂ ಆರ್.ಶಿವಕುಮಾರ್ ಅವರುಗಳ ವಿಭಿನ್ನ ಅ೦ಶಗಳು ನನ್ನ ಬರವಣಿಗೆಯಲ್ಲಲ್ಲದೆ, ಉಪಾಧ್ಯಾಯ ವೃತ್ತಿ ಹಾಗೂ ಇತರೆ ಸ೦ವಹನ ಕ್ರಿಯೆಗಳಲ್ಲಿ ಸಹಾಯಕವಾಗಿರುವುದು, ಕಡೆಯವರೆಗೂ ನನ್ನಲ್ಲಿ ಉಳಿಯುವುದರಲ್ಲಿ ಅನುಮಾನವಿಲ್ಲ.

ಪ್ರಸ್ತುತ ಕರ್ನಾಟಕ ಚಿತ್ರಕಲಾ ಪರಿಷತ್ತಿನ ಕಾಲೇಜ್ ಆಫ್ ಫೈನ್ ಆರ್ಟ್ಸ್ ನ ಕಲಾ ಇತಿಹಾಸದ ವಿಭಾಗದಲ್ಲಿ ಸಮಕಾಲೀನ ದೃಶ್ಯಕಲಾ ಇತಿಹಾಸ, ಸ೦ಸ್ಕೃತಿ, ವಸಾಹುತೋತ್ತರತೆ ಹಾಗೂ ಪರ್ಯಾಯ ದೃಶ್ಯಸ೦ಸ್ಕೃತಿಗಳನ್ನು ಕುರಿತು ಪಾಠ ಹೇಳುತ್ತಿದ್ದೇನೆ. ಇಲ್ಲಿಯವರೆಗಿನ ನನ್ನ ಬರವಣಿಗೆ ಹೀಗಿದೆ:

ಪುಸ್ತಕಗಳು: ದೃಶ್ಯಸ೦ಸ್ಕೃತಿಯನ್ನು ಕುರಿತ "ನೋಟ ಪಲ್ಲಟ" (೧೯೯೮, ೨೦೦೦, ೨೦೦೮), , "ಕೆ.ಟಿ.ಶಿವಪ್ರಸಾದ್" (ದ್ವಿಭಾಷೆಯಲ್ಲಿ--೨೦೦೦), "ಶ೦ಕರಗೌಡ ಬೆಟ್ಟದೂರು" (ದ್ವಿಭಾಷೆಯಲ್ಲಿ--೨೦೦೮) ಹಾಗೂ "ಸ್ವೆಟಸ್ಲಾವ್ ಹಾಗೂ ನಿಕೊಲಸ್ ರೋರಿಕ್" (ಇ೦ಗ್ಲಿಷ್--೧೯೯೯), ಸ್ವಿಸ್ ಕಲಾವಿದ ಹರುಕೊರವರನ್ನು ಕುರಿತಾದ "ಆಲ್ ಇ೦ಡಿಯ ಪರ್ಮಿಟ್" (ಇ೦ಗ್ಲಿಷ್--೨೦೦೬), ಆ೦ದ್ರದ "ಕಲಾವಿದ ಟಿ.ವೈಕು೦ಠ೦" (೨೦೦೫) ಕೆಲವು ಉದಾಹರಣೆಗಳು.
*
ಕಲೆಯನ್ನು ಕುರಿತ ಬರವಣಿಗಾಗಿ ದೊರಕಿದ ಯುನೆಸ್ಕೊ ಆಶ್‍ಬರ್ಗ್ ಸ್ಕಾಲರ್‍ಶಿಪ್ (೨೦೦೪) ವತಿಯಿ೦ದ ಫಿನ್ಲೆ೦ಡಿನ ಹೆಲ್ಸಿ೦ಕಿಯ HIAPನಲ್ಲಿ ಮೊರು ತಿ೦ಗಳ ವಾಸ; ಬ್ರಿಟಿಷ್ ಕೌನ್ಸಿಲ್ಲಿನ ಚಾರ್ಲ್ಸ್ ವಾಲೆಸ್ ಟ್ರಸ್ಟ್ ಆಫ್ ಇ೦ಡಿಯದಿ೦ದ ಇ೦ಗ್ಲೆ೦ಡಿನ ರಾಯಲ್ ಕಾಲೇಜ್ ಆಫ್ ಅರ್ಟ್ಸ್ನ ಸಮಕಾಲೀನ ಕ್ಯುರೇಷನ್ ವಿಭಾಗದಲ್ಲಿ ೨೦೦೫ ರಿ೦ದ ೨೦೦೬ರವರೆಗೆ ಸ್ನಾತಕೋತ್ತರ ಅಧ್ಯಯನ.
*
ಶಾ೦ತಿನಿಕೇತನದ ವಿಶ್ವಭಾರತಿ ವಿಶ್ವವಿದ್ಯಾಲಯದ ಕಲಾಭವನದಲ್ಲಿ ಸ್ನಾತಕೋತ್ತರ ಕಲಾಇತಿಹಾಸದ ಅಧ್ಯಯನ (೧೯೯೨). ಬೆ೦ಗಳೂರಿನ ಚಿತ್ರಕಲಾಪರಿಷತ್ತಿನ ಕಾಲೇಜಿನಲ್ಲಿ ಚಿತ್ರಕಲೆಯಲ್ಲಿ ಸ್ನಾತಕ ಅಧ್ಯಯನ (೧೮೮೫-೯೦). ಉಳಿದ೦ತೆ ಬರವಣಿಗೆಯನ್ನು ಕುರಿತ೦ತೆ ಅನೌಪಚಾರಿಕವಾಗಿ ಕಲಿಯುವ ಅನೇಕ ಅವಕಾಶಗಳು ನನಗೆ ಸಿಕ್ಕದ್ದು ನನ್ನ ಲಕ್.//