ಯಡಿಯೂರಪ್ಪ ಆಲ್ಬಂನಿಂದ ....

ಅಪರೂಪದ ಕಪ್ಪು ಬಿಳುಪು ಚಿತ್ರಗಳು.. ಕೆಲವು ಚಿತ್ರಗಳಂತೂ ತುಂಬಾ ಚೆನ್ನಾಗಿವೆ.. ಇವೆಲ್ಲಾ ಅನಲಾಗ್ ಕ್ಯಾಮೆರಾದ್ದಲ್ಲವೇ.. ಅನಲಾಗ್ ಕ್ಯಾಮೆರಾದ ಅನುಭವವನ್ನು ಹಂಚಿಕೊಳ್ಳಬಹುದೇ..

ಸುರೇಶ್, ಚೆನ್ನಾಗಿದೆ ಯಡಿಯೂರಪ್ಪನವರ ಚಿತ್ರಗಳ ಸಂಗ್ರಹಣೆ. ಇವು ಅವರು ಹಿಂದೆ ಮಾಡಿದ ಹೋರಾಟಗಳ ಪರಿಚಯಿಸಿತು ಹಾಗು ಅವರು ಎಷ್ಟು ಹಳೆಯ ಹೊರಾಟಗಾರರೆಂದು ತಿಳಿಸಿತು. ಧನ್ಯವಾದಗಳು.

ಮಾನ್ಯ ಮುಖ್ಯಮಂತ್ರಿಗಳು, ಲೋಕಸಭಾ ಸದಸ್ಯರಾದ ಶ್ರೀ ರಾಘವೇಂದ್ರ, ಶ್ರೀ ಗುರುಮೂರ್ತಿ, ಶ್ರೀ ಪದ್ಮನಾಭಭಟ್ಟರು, ಇತ್ಯಾದಿ ಹಲವರೊಂದಿಗೆ ಉತ್ತಮ ಒಡನಾಟವಿತ್ತು ಮತ್ತು ಅವರುಗಳಿಗೂ ನನ್ನ ಮೇಲೆ ವಿಶ್ವಾಸವಿತ್ತು. ಶಿಕಾರಿಪುರ ತಾಲೂಕಿನ ಪ್ರವಾಸ ಸಂದರ್ಭಗಳಲ್ಲಿ ಮಾನ್ಯ ಮುಖ್ಯಮಂತ್ರಿಗಳು ವಿವಿಧ ಅಭಿವ್ಋದ್ದಿ ಕಾರ್ಯಗಳು ನಡೆಯುವ ಸ್ಥಳಗಳಿಗೆ ಅಧಿಕ್ಋತ ಕಾರ್ಯಕ್ರಮವಿಲ್ಲದಿದ್ದರೂ ತಪ್ಪದೆ ಭೇಟಿ ನೀಡುತ್ತಿದ್ದುದು ವಿಶೇಷ. ಆಗೆಲ್ಲಾ ಪ್ರವಾಸದುದ್ದಕ್ಕೂ ಅವರೊಂದಿಗೆ ಇರುತ್ತಿದ್ದು ನೀಡುತ್ತಿದ್ದ ಸೂಚನೆ ಗಮನಿಸಿ ಅವರ ಮುಂದಿನ ಭೇಟಿಯ ಒಳಗೆ ಸೂಚನೆಗಳನ್ನು ಪೂರ್ಣಗೊಳಿಸಲು ಕ್ರಮ ಅನುಸರಿಸುತ್ತಿದ್ದುದು ಅವರಿಗೆ ಮೆಚ್ಚುಗೆಯಾಗಿತ್ತು. ವಿವಿಧ ಅಭಿವ್ಋದ್ದಿ ಕಾರ್ಯಗಳಿಗೆ ಅಗತ್ಯದ ಜಮೀನು ಹೊಂದಿಸುವಲ್ಲಿ, ವಿವಾದಗಳನ್ನು ಬಗೆಹರಿಸುವಲ್ಲಿ ನನ್ನಿಂದ ಒಳ್ಳೆಯ ಕೆಲಸವಾಗಿದೆಯೆಂಬುದು ನನಗೆ ಹೆಮ್ಮೆಯ ವಿಷಯ. ಆ ಜಮೀನುಗಳಲ್ಲಿ ವಿವಿಧ ಕಾಮಗಾರಿಗಳ ಉದ್ಘಾಟನೆ, ಶಂಕುಸ್ಥಾಪನೆ, ಇತ್ಯಾದಿ ಆದಾಗ ನನಗೆ ಬಹಳ ಸಂತೋಷವಾಗುತ್ತಿತ್ತು. ಜನರಿಗೂ ನನ್ನ ಮೇಲೆ ಒಳ್ಳೆಯ ಅಭಿಪ್ರಾಯವಿತ್ತು. ಶಿಕಾರಿಪುರದಲ್ಲಿ ಮಾಡಿದ ಕೆಲಸದ ಬಗ್ಗೆ ನನಗೆ ಆತ್ಮತ್ಋಪ್ತಿಯಿದೆ.

ನಾಡಿಗ್‌ರೆ,
ಯಡಿಯೂರಪ್ಪನವರ "ಹೋರಾಟದ" ಬದುಕಿನ ಚಿತ್ರಗಳನ್ನು ಗಮನಿಸಿ..
ಒಂದು.. ಒಂದಾದರೂ ಪೋಲೀಸ ಕಾಣಿಸುತ್ತಾರಾ?
ಅದೇ ಈವಾಗ "ಹೋರಾಟಗಾರ" "ಜನಪ್ರಿಯ" ಮುಖ್ಯಮಂತ್ರಿ ಯಡ್ಡಿಯೂರಪ್ಪನವರ ಆಡಳಿತದಲ್ಲಿ -
ರೈತ "ಹೋರಾಟಗಾರರ" ಅವಸ್ಥೆ ಹೇಗಿದೆ?
-೧೦ ರೈತರು ಬಂದರೆ ೧೦೦ ಪೋಲೀಸರು ಅವರನ್ನು ಸುತ್ತಿರುತ್ತಾರೆ.
-ನಂತರ ಪೋಲೀಸರಿಂದ ಲಾಠೀಚಾರ್ಜ್..
-ವಿವಿಧ ಜೈಲುಗಳಲ್ಲಿ ಕೊಳೆಯುತ್ತಿದ್ದಾರೆ..
-ಇಲ್ಲಾ ಕೋರ್ಟ್‌ಗಳಿಗೆ ಅಲೆಯುತ್ತಿದ್ದಾರೆ.
ಹೋರಾಟದ ಬದುಕಿನಲ್ಲಿ ನಾಡಿಗರೆ, ಎಲ್ಲರೂ ಉತ್ತಮರೇ..
ಅಧಿಕಾರ ಸಿಕ್ಕಿದಾಗ ಹೇಗಿದ್ದರು? ಅದು ಮುಖ್ಯ.
ಈ ವಿಷಯ ಮಾತನಾಡಿ ಪ್ರಯೋಜನವಿಲ್ಲ.ಬಿಡಿ.
ಗಿರಿಜಾಮೀಸೆ ಪದ್ಮನಾಭಭಟ್ಟ(ಪದ್ದಣ್ಣ)ರವರ ಮೀಸೆಯ ಅಭಿಮಾನಿಗಳಲ್ಲಿ ನಾನೂ ಒಬ್ಬ. (ಚಿತ್ರದಲ್ಲಿ ಅಷ್ಟು ಚೆನ್ನಾಗಿ ಬಂದಿಲ್ಲ :) )
-ಗಣೇಶ.

ಒಬ್ಬ ರಾಜಕೀಯ ಕಾರ್ಯಕರ್ತನಾಗಿ, ಜನಪರ ಹೋರಾಟಗಾರನಾಗಿ ಹಂತ ಹಂತವಾಗಿ ಹೇಗೆ ಮೇಲೇರಬಹುದು ಎಂಬುದಕ್ಕೆ ಯಡಿಯೂರಪ್ಪನವರ ಜೀವನ ಒಂದು ಸೂಕ್ತ ಪಠ್ಯಪುಸ್ತಕ.
(ಆಡಳಿತಗಾರನಾದಾಗ ಅವರ ರೀತಿ ನೀತಿ ನಿರಾಶೆ ಹುಟ್ಟಿಸಿದರೂ ಕೂಡ)
ಅಪರೂಪದ ಫೋಟೋಗಳನ್ನು ಪ್ರಕಟಿಸಿದ್ದೀರಿ.
ಇನ್ನೂ ಹಲವು ಇದ್ದರೆ ಒಟ್ಟು ಮಾಡಿ; ಸಾಧ್ಯವಿದ್ದರೆ, ಕಿರು ಪುಸ್ತಕದ ರೂಪದಲ್ಲಿ ಪ್ರಕಟಿಸಿ.
ಇತೀ, ಉಉನಾಶೆ

ಯಡಿಯೂರಪ್ಪನವರ ಜೀವನದ ಬಹಳ ಅಪರೂಪದ ಚಿತ್ರಗಳನ್ನು ಸಂಪದದಲ್ಲಿ ನೋಡಿ ಖುಷಿಯಾಯಿತು. ಅಂದಿನ ಹೋರಾಟದ ಹಾದಿಯನ್ನು ಮರೆತು ಅಧಿಕಾರಕ್ಕೆ ಬಂದ ನಂತರ ರೈತರ ಮೇಲೆ ಗೋಲಿಬಾರ್ ಮಾಡಿಸಿದ್ದು, ಕನ್ನಡಪರ ಸಂಘಟನೆಗಳ ಕಾರ್ಯಕರ್ತರನ್ನು ಸುಳ್ಳು ಕೇಸುಗಳನ್ನು ಜಡಿದು ಜೈಲಿಗಟ್ಟಿದ್ದು, ರೆಡ್ಡಿಗಳ ಮುಂದೆ ಅತ್ಯಂತ ಕರುಣಾಜನಕವಾಗಿ ನಿಂತಿದ್ದು, ಅವರೇನಾ ಈ ಯಡಿಯೂರಪ್ಪ ಎನ್ನುವ ದೊಡ್ಡ ಪ್ರಶ್ನೆಯನ್ನು ಕಣ್ಮುಂದೆ ತಂದಿದ್ದು ವಿಷಾದನೀಯ. ಅಪರೂಪದ ಚಿತ್ರಗಳಿಗಾಗಿ ವಂದನೆಗಳು ನಾಡಿಗರೆ.