ಕಾಲೇಜಿನಿಂದ ಕಚೇರಿವರೆಗೆ
ಹುಡುಗರು ಓದಿ ಮುಗಿಸಿದರು ಕಾಲೇಜು ಶಿಕ್ಷಣ
ಕೆಲಸಕ್ಕೆ ಹೊರಡಲು ಒತ್ತಡ ಬಿದ್ದಿತ್ತು ಮರುಕ್ಷಣ
ಗೆಳೆಯರು ಸೇರಿ ಸಭೆ ನಡೆಸಿದರು ಈ ಬಾರಿ
ಕೆಲಸಕ್ಕಾಗಿ ಎಲ್ಲರು ಹಿಡಿದರು ನಗರದ ದಾರಿ
ಒಟ್ಟಿಗೆ ಸೇರಿದರು ಕೊಂಡು ರೈಲಿನ ಟಿಕೇಟು
ನಡೆದರು ಹೊತ್ತು ತಮ್ಮ ಬ್ಯಾಗು, ಸರ್ಟಿಫಿಕೇಟು
ಹುಡುಗರು ಸೇರಿ ಪಡೆದರು ಒಂದು ಕೋಣೆಯ ಮನೆ
ಅವಿವಾಹಿತರ ಮನೆಯ ಹುಡು’ಕಾಟಕ್ಕೆ’ ಸಿಕ್ಕಿತು ಕೊನೆ
ಹುಡುಗರು ಗಳಿಸಿದ್ದರು ಒಬ್ಬಬ್ಬರೂ ಒಂದೊಂದು ಅಂಕ
ಕಷ್ಟಪಟ್ಟು ಕೆಲಸ ಗಿಟ್ಟಿಸಲೇಬೇಕೆಂದು ಕಟ್ಟಿದ್ದರು ಟೊಂಕ
ಒಳ್ಳೆಯ ತಿಂಡಿ ಊಟವ ಪಡೆಯುವುದು ಆಗಿತ್ತು ದುಸ್ತರ
ಅಮ್ಮ ಮಾಡಿದ ಅಡುಗೆಯ ಬೆಲೆ ಗೊತ್ತಾಗಿತ್ತು ಈ ಥರ
ವೃತ್ತಿ ಕೌಶಲ ಕಲಿಯಲು ಸೇರಿದರು ವಿವಿಧ ಕೋರ್ಸುಗಳು
ಕೋರ್ಸುಗಳ ಮಾಡುತ ಕೊಟ್ಟರು ಹಲವು ಸಂದರ್ಶನಗಳು
ಕೊನೆಗೂ ಸಿಗುತ ಬಂತು ನಮ್ಮ ಹುಡುಗರಿಗೆ ಕೆಲಸದ ಕರೆ
ಮಕ್ಕಳು ಯಶಸ್ಸು ಕಂಡು ಪೋಷಕರ ಕನಸಾಯಿತು ಖರೆ
- ತೇಜಸ್ವಿ.ಎ.ಸಿ
ಕಾಲೇಜಿನಿಂದ ಕಚೇರಿವರೆಗೆ
May 21, 2010 - 8:23pm
ಲೇಖನ ವರ್ಗ (Category):









ಪ್ರತಿಕ್ರಿಯೆಗಳು
ಉ: ಕಾಲೇಜಿನಿಂದ ಕಚೇರಿವರೆಗೆ
ತೇಜಸ್ವಿಯವರೆ ಸೂಪರ್,
>>ಅಮ್ಮ ಮಾಡಿದ ಅಡುಗೆಯ ಬೆಲೆ ಗೊತ್ತಾಗಿತ್ತು ಈ ತರಹ<<
"ಈತರ" ಪ್ರಾಸ ಸರಿಯಾಗುತ್ತೆ ಅಲ್ವಾ
ಉ: ಕಾಲೇಜಿನಿಂದ ಕಚೇರಿವರೆಗೆ
ರಾಜಿ , ಅದು ಪ್ರಾಸಕ್ಕೆ ಸರಿ ಹೊಂದುತ್ತದೆ ಆದರೆ ಅದು ಸರಿಯಾದ ಪದವೇ ಎಂಬುದು ನನ್ನ ಅನುಮಾನ. ಆದರು ಪ್ರಾಸಕ್ಕಾಗಿ ತಿದ್ದಿದ್ದೇನೆ......ನೋಡೋಣ ನಮ್ಮ ಕನ್ನಡ ಪರಿಣಿತರು ಏನ್ ಹೇಳ್ತಾರೆ ಅಂತ. ನಿಮ್ಮ ಉತ್ತೇಜನಕ್ಕೆ ಧನ್ಯವಾದಗಳು.
ಉ: ಕಾಲೇಜಿನಿಂದ ಕಚೇರಿವರೆಗೆ
ತೇಜಸ್ವಿ ರವರೇ - ನಿಮ್ಮ ಕವನ ಸೊಗಸಾಗಿದೆ :). ತರ ಅನ್ನೊಂದು ಆಡು ಭಾಷೆ ಅನ್ಸುತ್ತೆ , ತರಹ ಪದ ಪ್ರಯೋಗ ಇಲ್ಲಿ ಸೂಕ್ತ ಎಂದು ನನ್ನ ಅನಿಸಿಕೆ.
ಉ: ಕಾಲೇಜಿನಿಂದ ಕಚೇರಿವರೆಗೆ
ಮಾನಸ , ನೀವ್ ಹೇಳಿದ್ದು ನನಗೆ ಸರಿ ಅನಿಸುತ್ತೆ. ಅದೇ ಕಾವ್ಯಕ್ಕೆ ಸೂಕ್ತ ಪದ.
ಉ: ಕಾಲೇಜಿನಿಂದ ಕಚೇರಿವರೆಗೆ
ಚೆನ್ನಾಗಿದೆ.
ಉ: ಕಾಲೇಜಿನಿಂದ ಕಚೇರಿವರೆಗೆ
ಧನ್ಯವಾದಗಳು ನಾಗರಾಜ್ರವರೇ
ಉ: ಕಾಲೇಜಿನಿಂದ ಕಚೇರಿವರೆಗೆ
ತೇಜಸ್ವಿ, ಚೆನ್ನಾಗಿದೆ ನಿಮ್ಮ ಬ್ರಹ್ಮಚಾರಿಗಳ ಕವನ, ಈ ಥರ ಅಂದ್ರೆ ಸರಿ ಹೋಗಬಹುದು. ಉದಾ: ಏನೋ ಒಂಥರಾ...... ಗೀತೆ.
ಉ: ಕಾಲೇಜಿನಿಂದ ಕಚೇರಿವರೆಗೆ
ಹ್ಹ ಹ್ಹ ಹ್ಹ..... ಇನ್ನೂ ಎಷ್ಟು ತರಹ ಥರಗಳು ಬಾಕಿ ಇದವೋ!!!! ಆಯ್ತು ಮಂಜು ಅದನ್ನು ಪ್ರಯೋಗಿಸಿ ನೋಡೋಣ
ಉ: ಕಾಲೇಜಿನಿಂದ ಕಚೇರಿವರೆಗೆ
ಮಾನಸ , ನೀವ್ ಹೇಳಿದ್ದು ನನಗೆ ಸರಿ ಅನಿಸುತ್ತೆ. ಅದೇ ಕಾವ್ಯಕ್ಕೆ ಸೂಕ್ತ ಪದ.
ಉ: ಕಾಲೇಜಿನಿಂದ ಕಚೇರಿವರೆಗೆ
ತೇಜಸ್ವಿ ಅವರೇ
ಚೆನ್ನಾಗಿದೆನಿಮ್ಮ ಬ್ರಹ್ಮಚಾರೀ ಕವನ
ಮುಂದುವರಿಸಿ
ಧನ್ಯವಾದಗಳು
ಉ: ಕಾಲೇಜಿನಿಂದ ಕಚೇರಿವರೆಗೆ
ಧನ್ಯವಾದಗಳು ಸರ್ . ನಮ್ಮಂಥ ಅವಿವಾಹಿತರಿಗೆ ಸ್ವಲ್ಪ ಮಜ ಕೊಡೋಣ ಅಂಥ ಈ ಕವನ.