ರಾತ್ರಿಯ ಕವನಗಳು

ಕತ್ತಲೆಂದರೆ


ಕತ್ತಲೆಂದರೆ,
ಕೆಲವರಿಗೆ ನಿದ್ರೆ
ಕೆಲವರಿಗೆ ಭಯ
ಕೆಲವರಿಗೆ ಮರುದಿನದ ಕಾತುರ
ನನಗಂತೂ ಕತ್ತಲು
ಕನಸುಗಳ ಬೀಜ ಬಿತ್ತುವ
ಹಿತ್ತಲು..

******************



ನಂದೊಂದು ಕನಸು


ನಾ ಕಂಡ ಕನಸಲ್ಲಿ
ಹಾರಿದ್ದೆ ನಾ ಹಕ್ಕಿಯಾಗಿ
ಗಾಳಿಯಲಿ ತೂರಿ ದೂರ ದೂರಕೆ ಸಾಗಿ.
ಒಮ್ಮೆಲೇ ಬಿದ್ದೆ
ರೆಕ್ಕೆ ತುಂಡಾಗಿ ಕೆಳಗೆ.
ಕಣ್ತೆರೆದು ನೋಡಿದೆ
ಅರೆರೆ! ಇದು ಏನು?
ಮೇಲೆ ಗರಗರನೆ ತಿರುಗಿತ್ತು
ಕ್ರಾಂಪ್ಟನ್ ಫ್ಯಾನು ...
*********************


ಮಿಂಚು ಹುಳ


ನಡುರಾತ್ರಿ ಬಂದೆ ಮನೆಯಾಚೆ
ನೋಡಲು ನಕ್ಷತ್ರಗಳ
ಅರೆರೆ! ಕಂಡಿತೊಂದು ತಾರೆ
ಅಲ್ಲೆ ಅಂಗಳದಿ ಕೆಳಗೆ
ನೋಡಲದು ಮಿಂಚು ಹುಳ.. :(
********************