ಉಳ್ಳೀ/ಉಳ್ಳೆ ಇವು ಉರುಳಿ/ಉರುಳೆ ಯ ಆಡುಬುಮಾತಿನ ರೂಪ.
( ನೋಡಿ ಮರಳು - ಮಳ್ಳು , ಸುರುಳಿ - ಸುಳ್ಳೀ , ಕರುಳು-ಕಳ್ಳೂ ,ಒರಳು-ಒಳ್ಳೂ ಇತ್ಯಾದಿ - ರ ಬದಲಾಗಿ ಳ ಬರುತ್ತದೆ ಅಂತ ಕಾಣುತ್ತದೆ)

ಉಡಿಕೆ - ಉತ್ತರ ಕರ್ನಾಟಕದಲ್ಲಿ ಮರುವಿವಾಹದ ಅರ್ಥದಲ್ಲೇ ಬಳಕೆಯಲ್ಲಿದೆ.

ಉರವಣಿಗೆ- ಉರಿ ಕ್ರಿಯಾಪದದ ರೂಪ ( ಉದಾ: ಅಂವ ಯಾಕೋ ಭಾಳ ಉರೀಲಿಕ್ಕೆ ಹತ್ಯಾನ. ಅವನ ಉರವಣಿಗೆ ಭಾಳ ಆತು. )

ನೀವು ನೆನಪಿಸಿಕೊಂಡ ದೇಷ ಉತ್ತಲ ಅಲ್ಲ - ಅದು ಉತ್ಕಲ - (ಬಹುSಅಃ ಓರಿಸ್ಸಾ)

(ಬರಹ ಸ್ಕೀಮಿನಂತೆ ಬರೆದಿದ್ದೇನೆ- ಬರಹದಲಿ ಪೇಸ್ಟ್ ಮಾಡಿಕೊಳ್ಳಿ)

ನಿಮ್ಮ ಬರವಣಿಗೆ ನೋಡಿ ಒಂದು ಹಳೆಯ ನೆನಪು ಹೀಗೆ ಮೂಡಿತು.
ಗೋವಿಂದ ಪೈಗಳ ಪದ್ಯ, ಗಿಳಿವಿಂಡು ಸಂಕಲನದ್ದು, "ಬರ್ದಿಲರು". ಹಾಗಂದರೇನು ಎಂದು ಕನ್ನಡ ಮೇಷ್ಟರೊಬ್ಬರು ಕೇಳಿದರು. ನಾವಿಬ್ಬರೂ ಹೋಗಿ ಕಿಟಲ್ ನಿಘಂಟು ನೋಡಿದೆವು. ಬರ್ದು ಎಂದರೆ ಸಾವು, ಇಲ ಅಂದರೆ ಇಲ್ಲ, ಇಲ್ಲದ ಎಂದರ್ಥ. ಬರ್ದಿಲರು ಎಂದರೆ ದೇವತೆಗಳು ಎಂದು ತಿಳಿಯಿತು.
ಬರ್ದುಂಕು ಅನ್ನುವುದು ಹೊಸಗನ್ನಡದಲ್ಲಿ ಬದುಕು ಎಂದಾಗಿದೆ. ಬರ್ದು ಎಂದರೆ ಸಾವು ಎಂಬರ್ಥವಾದರೆ ಉಂಕು ಅನ್ನುವ ಪ್ರತ್ಯಯ ಇದೆಯೋ? ಕೇಶಿರಾಜನ ಶಬ್ದಮಣಿ ದರ್ಪಣ ನೋಡಿದೆ. ಉಂಕು ಅನ್ನುವುದು ಪ್ರತ್ಯಯ ಹೌದು. ಅವುಂಕು, ಅಡುಂಕು, ಇತ್ಯಾದಿ ಉದಾಹರಣೆ ಕೊಟ್ಟಿದ್ದಾನೆ.
ಹಾಗಾದರೆ ಬದುಕು ಅನ್ನುವುದು, ಹಿಂದಿನ ರೂಪ ಬರ್ದುಂಕು ಅನ್ನುವುದು, ಸಾವಿನಿಂದ ಆವೃತ್ತವಾದ, ಸಾವನ್ನು ಒಳಗೊಂಡ ಅನ್ನುವ ಅರ್ಥ ಕೊಡಬೇಕಲ್ಲವೇ! ಬದುಕು ಅಂದರೆ ಸಾವನ್ನು ಒಳಗೊಂಡದ್ದು ಅನ್ನುವ ನಿಷ್ಪತ್ತಿ ರೋಮಾಂಚಕಾರಿ. ಭಾಷೆಯ ಸೊಗಸು ಇದಲ್ಲವೆ!

ಹಾಗಾದರೆ ಬದುಕು ಅನ್ನುವುದು, ಹಿಂದಿನ ರೂಪ ಬರ್ದುಂಕು ಅನ್ನುವುದು, ಸಾವಿನಿಂದ ಆವೃತ್ತವಾದ, ಸಾವನ್ನು ಒಳಗೊಂಡ ಅನ್ನುವ ಅರ್ಥ ಕೊಡಬೇಕಲ್ಲವೇ! ಬದುಕು ಅಂದರೆ ಸಾವನ್ನು ಒಳಗೊಂಡದ್ದು ಅನ್ನುವ ನಿಷ್ಪತ್ತಿ ರೋಮಾಂಚಕಾರಿ.

ವಾವ್! ಧನ್ಯವಾದಗಳು ಈ ಮಾಹಿತಿಗೆ.

ಉಳ್ಳಿ ಎಂದರೆ ಉಬ್ಬು ಅಲ್ಲ ಸ್ವಾಮಿ. ಉಳ್ಳಿ ಅಂದರೆ ಉರುಳಿ. ಅಂದರೆ ಉರುಳಿಕೊಂಡು ಹೋಗುವುದರಿಂದ ಉಳ್ಳಿ, ಉಳ್ಳಾಗೆಡ್ಡೆ, ಈರುಳ್ಳಿ, ಈರು ಅಂದರೆ ತೇವ ಆದ್ದರಿಂದ ನೀರುಳ್ಳಿ (ನೀರಿರುವ ಉಳ್ಳಿ). ಬೆಳ್ಳುಳ್ಳಿ= ಬೆಳ್ಳಗಿರುವ ಉಳ್ಳಿ. ಹೋಲಿಸಿ ಮರುಳ =ಮಳ್ಳ (ಆಡುಭಾಷೆ) ಬೆರಳು=ಬೆಳ್ಳು(ಆಡುಭಾಷೆ). ಹಾಗೆಯೇ ಉರುಳಿ=ಉಳ್ಳಿ (ಆಡುಭಾಷೆ ಕಾಲಕ್ರಮೇಣ ಒಗ್ಗಿಸಿಕೊಂಡ ಶಿಷ್ಟಭಾಷೆ). ಇನ್ನೂ ಸಾಕಷ್ಟು ಉದಾಹರೆಣೆಗಳಿವೆ.

ಉಳ್ಳಿ ಅಂದರೆ ಉಬ್ಬು ಎನ್ನುವುದು ತಪ್ಪು ಕಲ್ಪನೆ. ಉಳ್ಳಿ ಎಂದರೆ ಉರುಳಿ ಅಂದರೆ ಉರುಳಿಕೊಂಡು ಹೊಗುವುದಱಿಂದ ಉರುಳಿ->ಉಳ್ಳಿ. ಗ್ರಾಮೀಣರ ಬಾಯಲ್ಲಿ ಬೆರಳು->ಬೆಳ್ಳು ಆಗುವಂತೆ ಮೊದಲು ಉರುಳಿ ಎನ್ನುವುದನ್ನು ಉಳ್ಳಿ ಎಂದು ಗ್ರಾಮ್ಯರ ನುಡಿಯನ್ನು ಶಿಷ್ಟಕ್ಕೆ ಸೇರಿಸುವಂತೆ ಉದಾಹರಣೆಗೆ ಬೆರಲ್‍->ಬೆರಳ್‍ ಶಿಷ್ಟವಾದಂತೆ ಈ ಉರುಳಿ->ಉಳ್ಳಿ ಶಿಷ್ಟವಾಗಿದೆ. ನೀರುಳ್ಳಿ->ಈರುಳ್ಳಿ ನೀರಿರುವುದಱಿಂದ (ಈರು ಅಂದರೆ ಒದ್ದೆ ತೇವ) ಹಾಗೂ ಬಿಟ್ಟರೆ ಉರುಳಿಕೊಂಡುಹೋಗುವುದಱಿಂದ ಈರುಳ್ಳಿ ಅಥವಾ ನೀರುಳ್ಳಿ. ಬೆಳ್ಳುಳ್ಳಿ ಬೆಳ್ಳಗಿದ್ದು ಬಿಟ್ಟರೆ ಉರುಳಿಕೊಂಡುಹೋಗುವುದಱಿಂದ ಬೆಳ್ಳುಳ್ಳಿ. ಇದನ್ನಾಗಲೆ ವಿಶ್ಲೇಷಿಸಿದ್ದೇನೆ.