ಹೊಸತು: ಸಂಪದದಲ್ಲಿ ಮಾಡರೇಶನ್ - ಹೇಗೆ?

ಬದಲಾವಣೆ ಖುಷಿ ತಂದಿದೆ,
ನನ್ನ ಅನಿಸಿಕೆ : ಕೃಷಿ ಸಂಪದ ಹೇಗೋ, ಹಾಗೆ "ಪರಿಸರ ಸಂಪದ" ಅಂತ ಒಂದು ಪ್ರತ್ಯೇಕ ವಿಭಾಗ ಇದ್ದರೆ ಚೆನ್ನಾಗಿರುತ್ತಿತ್ತು.
ಇದರಲ್ಲಿ ಪರಿಸರ ಕಾಳಜಿ ಬಗ್ಗೆ, ಮಾಲಿನ್ಯ ನಿಯಂತ್ರಣದ ಬಗ್ಗೆ ಚರ್ಚೆ ನಡೆಸಬಹುದು ಹಾಗು ವರ್ಷಕ್ಕೊಮ್ಮೆ ಸಂಪದ ತಂಡದಿಂದ ಗಿಡ ನೆಡೋ ಕಾರ್ಯಕ್ರಮ ಇದ್ದರೆ ಅದರ ಗಮ್ಮತ್ತೆ ಬೇರೆ..

-ಚೈತನ್ಯ

ನಿಜ ರಾಯರೇ, ಧನ್ಯವಾದಗಳು.

ನನ್ನ ಅನಿಸಿಕೆ:
ಪ್ರತಿಕ್ರಿಯೆಗಳ ಬಗ್ಗೆ
- ಎಷ್ಟೇ ನೆಗೆಟಿವ್ ಅಂಕಗಳು ಬಂದರೂ ಪ್ರತಿಕ್ರಿಯೆ ಪ್ರಕಟನೆಯಿಂದ ಹೊರ ಬಿಳಬಾರದು. ಪ್ರತಿಕ್ರಿಯಿಸಿದವನ ವಾದ /ಸಿದ್ಧಾಂತ / ಪ್ರತಿಕ್ರಿಯೆಯ ಹೂರಣ, ಪ್ರತಿಕ್ರಿಯೆಯ ರೀತಿ ಮುಂದೊಂದು ದಿನ ಆ ಬ್ಲಾಗನ್ನು ಓದಬಹುದಾದ ಓದುಗರಿಗೆ ಗೊತ್ತಾಗಬೇಕು. ಆದ್ದರಿಂದ ಪ್ರತಿಕ್ರಿಯೆ ದಾಖಲಾಗಿಯೇ ಇರಬೇಕಾದ್ದದ್ದು ಅವಶ್ಯಕ. ಪ್ರತಿಕ್ರಿಯೆ ಸತ್ವಯುತವಾಗಿದ್ದು, ಅನುಚಿತವಾಗಿಲ್ಲದ್ದಿದ್ದರೂ ನೆಗೆಟಿವ್ ಅಂಕ ಬಂದಲ್ಲಿ ಮೆಚ್ಚಿದ ಓದುಗರು ಪಾಸಿಟಿವ್ ಅಂಕ ಹಾಕಿ ಬ್ಯಾಲೆನ್ಸ ಮಾಡುತ್ತಾರೆ. ಈ ನಿಟ್ಟಿನಲ್ಲಿ ಪಾಯಿಂಟ್ ಆಧಾರಿತ ಆಟೊಮೆಟೆಡ್ ಮಾಡರೇಶನ್ ಸೂಕ್ತವಲ್ಲವೆಂದು ನನ್ನ ಅನಿಸಿಕೆ.
- ಪ್ರತಿಕ್ರಿಯಿಸುವ ವ್ಯಕ್ತಿ ತಮಗೆ ತಾವೇ ಅಂಕ ಹಾಕಿಕೊಳ್ಳಲು/ಕಡಿಮೆ ಮಾಡಿಕೊಳ್ಳಲು ಅವಕಾಶ ಇರಬಾರದು.

ಲೇಖನದ ಬಗ್ಗೆ:
- ಓದುಗರು ನಿರ್ವಾಹಕರ ಗಮನಕ್ಕೆ ತಂದು, ನಿರ್ವಾಹಕರು ಈ ಬಗ್ಗೆ ಸೂಕ್ತವಾದ ನಿರ್ಣಯ ಕೈಗೊಳ್ಳಬೇಕು.

ಹೌದು ಸಿದ್ದರಾಮನವರ ಕವನವನ್ನು ಹೊರತೆಗೆಯಬಾರದಾಗಿತ್ತು.. ಆ ಕವನ ಯಾವುದು ಅಂತಾ ಮರೆತುಹೋಗಿದೆ, ಯಾಕಂದ್ರೆ ಒಂದು ದಿವಸದಲ್ಲಿ ಅಷ್ಟೊಂದು ಕವನಗಳನ್ನು ಒಂದಾದ್ಮೇಲೊಂದು ಹಾಕ್ತಾ ಹೋದ್ರೆ ನೆನಪಲ್ಲುಳಿಯೋದು ಕಷ್ಟ. :). ಆದ್ರೆ ಆ ಕವನ ಬಂದ ಮೇಲೆ ನಾನು ಸಿದ್ದರಾಮ ಅವರಿಗೆ ಎಲ್ಲಾ ಕವನಗಳನ್ನು ಸೇರಿಸಿ ಒಂದೇ ಸಲ ಪ್ರಕಟಿಸೋದಕ್ಕೆ ಕೇಳಿಕೊಂಡಿದ್ದೆ. ಅಲ್ಲದೇ, ಅವರಿಗೆ ನೀವು ಈಗ ಸಂಪದದ ಮೋಸ್ಟ್ ವಾಂಟೆಡ್ ಪರ್ಸನಾಲಿಟಿ ಅಂತ ಕೂಡ ಹೇಳಿದ್ದೆ.. ಆದ್ರೆ ಅವರ ಆ ಕವನಾನೆ ತೆಗೆದು ಹಾಕಲಾಗಿದೆ. "ಆ ಕವನ" ಅಲ್ಲದೇ ಅವರ ಇನ್ನೊಂದು ಕವನವನ್ನೂ ತೆಗೆದುಹಾಕಲಾಗಿದೆ ಅಂತ ನನ್ನ ಭಾವನೆ. ಸರಿಯಾಗಿ ಹೇಳೋಕೆ ಆಗ್ತಾ ಇಲ್ಲ.

ವಿವಾದಾತ್ಮಕ ಲೇಖನವೇನೂ ಆಗಿರಲಿಲ್ಲ ಅವು. ಬರಹದ ಅಸಮರ್ಪಕ ಗುಣಮಟ್ಟ, ಕಾಗುಣಿತ ತಪ್ಪು, ಇತ್ಯಾದಿಗಳು ಎಲ್ಲರ ಲೇಖನಗಳಲ್ಲೂ ನುಸುಳುವಂಥವೇ ಆಗಿವೆ, ವಿಶೇಷವಾಗಿ ಹೊಸ ಲೇಖಕರಲ್ಲಿ. ಅದಕ್ಕೆ ಇಷ್ಟೊಂದು ದೊಡ್ಡ ಶಿಕ್ಷೆ ಕೊಡಬಾರದು ಅಂತಾ ನನ್ನ ಮನವಿ. ಯಾರಿಗೆ ಗೊತ್ತು ಯಾರು ಮುಂದೆ ಯಾವ ರೀತಿಯಲ್ಲಿ ಮಿಂಚಬಹುದು ಅಂತ.. ನಿಜಕ್ಕೂ ಅವರ ಎಲ್ಲಾ ಕವನಗಳನ್ನೂ ಎಂಜಾಯ್ ಮಾಡಿದ್ದೆ ನಾನು; ಎಲ್ಲಿಯವರೆಗೆಂದರೆ ಅದನ್ನೇ ನೆನಪಿಸಿಕೊಂಡು ಬೇರೆ ಸಮಯದಲ್ಲೂ ನಗುವಷ್ಟು.. :).

ಹೀಗಾಗಿ ಕೊನೆಯದಾಗಿ, ಆ ಕವನವನ್ನು/ಗಳನ್ನು ಮರುಪ್ರಕಟಿಸಿ ಅಂತಾ ವೈಯಕ್ತಿಕವಾಗಿ ಕೇಳಿಕೊಳ್ಳುತ್ತಾ ಇದ್ದೇನೆ. :)

ಶಾಸ್ತ್ರಿಗಳೆ ಮತ್ತು ಮಂಜುನಾಥ್ ಅವರೆ..
ಶನಿವಾರದಿಂದಿಚೆಗೆ ಸಂಪದದಿಂದ ಹೋದ ಲೇಖನಗಳು/ಪ್ರತಿಕ್ರಿಯೆಗಳು..ನನ್ನ ಗಮನಕ್ಕೆ ಬಂದಂತೆ.
- ಸಿದ್ರಾಮವರ ಒಂದು ಕವನ ಮತ್ತು ಅದರಲ್ಲಿಯ ಪ್ರತಿಕ್ರಿಯೆಗಳು. (ಇದನ್ನಿಲ್ಲಿ ಓದಬಹುದು. ಟಿಪಿಕಲ್ ಸಿದ್ರಾಮಣ್ಣ ಶೈಲಿಯ ಬರಹ :) http://sampada.net/b... )
- ಭಾಷಾಪ್ರೇಮಿಯವರ 'ಕೋರ್ಟ ಆದೇಶ' ಲೇಖನದಿಂದ ಕೆಲವು ಪ್ರತಿಕ್ರಿಯೆಗಳು.
- ನಾವಡರ 'ಸಾಲಿಮಠರಿಗೆ ನಮಸ್ಕಾರಗಳು' ದಿಂದ ಪ್ರತಿಕ್ರಿಯೆ
- ಸಾಲಿಮಠರ 'ನೆಹರೂ=ಸುಭಾಶ' ಲೇಖನದಿಂದ ಪ್ರತಿಕ್ರಿಯೆ

ಸದಸ್ಯರ ಐಡಿ ಬೇರೊಬ್ಬರನ್ನು ನಕಲು ಮಾಡುತ್ತಿದೆ ಎಂದು ಕಂಡುಬಂದಲ್ಲಿ ಆಯಾ ಸದಸ್ಯರ ಪುಟದಲ್ಲಿರುವ "Report abuse" ಆಯ್ಕೆಯನ್ನು ಕ್ಲಿಕ್ ಮಾಡಿ.
ಈಗಿನಂತೆ ಹೊಸ ಅಕೌಂಟುಗಳು ಕೂಡ ಮಾಡರೇಶನ್ ಮೂಲಕ ಹಾದು ಹೋದ ನಂತರ ಅನುಮತಿ ಪಡೆಯುತ್ತಿವೆ. ಸಂಪದದ back-end IP, usage history, email address ಮುಂತಾದವುಗಳನ್ನು ಬಳಸಿ ಹಲವು ಫೇಕ್ ಐಡಿಗಳನ್ನು ಪತ್ತೆ ಕೂಡ ಮಾಡುತ್ತದೆ. ಆದರೂ ಸದಸ್ಯರು ಸಕ್ರಿಯರಾಗಿ ಮೇಲಿನ ಸವಲತ್ತು ಹೆಚ್ಚಿನಂತೆ ಬಳಸಿದಲ್ಲಿ ಫೇಕ್ ಐಡಿಗಳ ಜೊತೆ ನಿಜವಾದ ಐಡಿಗಳು ಕೂಡ ಬ್ಲಾಕ್ ಆಗಿ ಹೋಗುವುದನ್ನು ತಡೆಯಬಹುದು.

>ಸಭ್ಯರಾದ ಮಾತ್ರಕ್ಕೆ ಮುಖ ತೋರಿಸಬೇಕು ಎಂದೆಲ್ಲಿದೆ ;)? ಮುಖ ತೋರಿಸದೇ ಇದ್ದರೂ ಸಭ್ಯರಾಗಿರಲು ಸಾಧ್ಯವಿಲ್ಲವೇ?<
ಸಭ್ಯರೇ ಎಂದ ಮೇಲೆ ಮುಖ ತೋರಿಸಲು ಹಿಂಜರಿಕೆ ಏಕೆ?ಹೌದೋ ಅಲ್ಲವೋ ಎಂಬ ಅಳುಕಿದೆ ಎಂದಲ್ಲವೇ?
ನಮ್ಮನ್ನು ಗುರುತಿಸಲು ಇರುವ ಈ ಮುಖಾರವಿಂದವನ್ನೇ ಮರೆಮಾಚಿದರೆ ಎಂತು?

ಹಾಗೆಯೇ ನಮಗೆ ಉತ್ತಮ ಬರಹ,ಉತ್ತಮ ಪ್ರತಿಕ್ರಿಯೆ ಕೊಟ್ಟು ಪ್ರಶಂಸಿಸುವವರ ಮುಖ ನೋಡುವುದು ಖುಷಿಯ ಸಂಗತಿಯಲ್ಲವೇ..
ಮುಖ ತೋರಿಸುವ ಚಿತ್ರ ಹಾಕುವವರು ಅನುಚಿತ ಪ್ರತಿಕ್ರಿಯೆ ಕೊಡಲು ಸ್ವಲ್ಪವಾದರೂ ಹಿಂಜರಿಯುತ್ತಾರೆ ಎಂತಲೂ ನನ್ನ ಅನಿಸಿಕೆ..

ಇನ್ನು ನಿಮ್ಮ ಬಗ್ಗೆ ಹೇಳಬೇಕೆಂದರೆ ,ಅಷ್ಟು ಉತ್ತಮವಾಗಿ ಸುಭಾಷಿತಗಳ ಅನುವಾದಿಸುವವರನ್ನು ನೋಡುವ,ತಿಳಿಯುವ ಕುತೂಹಲ ನನಗಂತೂ ಇದೆ..
ನಾನೂ ನಿಮ್ಮ ಸುಭಾಷಿತಗಳನ್ನು ಓದಿ ಅದೇ ರೀತಿ ಬರೆಯಲು ಪಡ್ತಾ ಇದ್ದೇನೆ..
ಒಂದನೇ ಪ್ರಯತ್ನ ಇಲ್ಲಿದೆ ನೋಡಿ..
http://sampada.net/a...

ಹೆಗ್ದೆಯವರೆ..
ನಾನು ಇದನ್ನು ನಿನ್ನೆ ಗಮನಿಸಿದೆ..ಇದರ ಬಗ್ಗೆ ಬರೆಯಬೇಕೆಂದುಕೊಂಡಿದ್ದೆ. ಎಲ್ಲ ಕಡೆ ಅರ್ಥವಿಲ್ಲದ ಒಂದೇ ತರಹದ ಪ್ರತಿಕ್ರಿಯೆ ಸಿದ್ರಾಮ ಹಾಕಿದ್ದಾರೆ. ಇದು ನಿಜವಾದ ಮುಗ್ಧತೆಯೊ, ವಿಷಯ ಅರ್ಥ ಮಾಡಿಕೊಳ್ಳದ ಮೂರ್ಖತನವೊ ಅಥವಾ ನಮ್ಮನ್ನ ಸುಮ-ಸುಮ್ನೆ ತಲೆ ತಿನ್ನಬೇಕು ಅಂತಾ ಮಾಡ್ತಿರೋದೊ ಅರ್ಥ ಆಗ್ಲಿಲ್ಲಾ. ಈ ಸಲ ಸಿದ್ರಾಮ ಏನಾದ್ರೂ ಲೇಖನ ಸೇರಿಸಿದಾಗ ಇದರ ಬಗ್ಗೆ ಒಂದು ಸಲ ಸಲಹೆ ಕೊಡೋಣ. ಅದಾದ ಮೇಲೂ ಸಿದ್ರಾಮ ಇದೇ ರೀತಿ ಮುಂದುವರ್ಸಿದ್ರೆ ನಿರ್ವಾಹಕರು ಬ್ಲಾಕ್ ಮಾಡಿದ್ರೂ ಚಿಂತೆ ಮಾಡ್ದಿರೋಣ!.

ಹೆಗ್ಡೆಯವರೇ,
[ನಿನ್ನೆ ಸಾಯಂಕಾಲ ಸಂಪದಕ್ಕೆ ಮರಳಿರುವ ಸಿದ್ರಾಮ, ಐದಾರು ಬರಹಗಳಲ್ಲಿ ಒಂದೇ ತೆರನಾದ ಪ್ರತಿಕ್ರಿಯೆಯನ್ನು ಪ್ರಕಟಿಸುತ್ತಾ ಹೋಗಿದ್ದಾರೆ. ಕಿರಿಕಿರಿ ಅನಿಸೋಲ್ವೇ. ಹೇಳಲು ಹೋದರೆ. ಇದೇ ನಮ್ ಸ್ಟೈಲ್... ಇದೇ ನಮ್ ಜಾಯಮಾನ ಅನ್ನುವ "ಕಿರುಕವಿ"ಯ ಹೊಸ ಕಿರಿಕಿರಿ ಹೊರಬರುತ್ತೆ. ಎರಡು ಮೂರು ದಿನ ಎಲ್ಲರೂ ಹಾಸ್ಯಭರಿತವಾಗಿ ಪ್ರತಿಕ್ರಿಯಿಸಿ ನಿಲ್ಲಿಸಿದ್ದಾಯ್ತು. ಇನ್ನಾದರೂ ಸ್ವಲ್ಪ ಗಂಭೀರರಾಗೋಣ, ಅಲ್ವೇ?

ಏನಂತೀರಿ?]
ಹೌದು, ನಾನೂ ಹಲವೆಡೆ ಸಿದ್ದರಾಮರ ಕಾಪಿ - ಪೇಸ್ಟ್ ಪ್ರತಿಕ್ರಿಯೆಯನ್ನು ಗಮನಿಸಿದೆ. ವಿಜಯ್ ಅವರು ಹೇಳಿದಂತೆ, ಸಿದ್ದರಾಮ ಅವರಿಗೆ ಇನ್ನೊಮ್ಮೆ ತಿಳಿಸಿ ಹೇಳಿ ನೋಡೋಣ. ಅದರ ನಂತರವೂ ಅವರ ಪ್ರತಿಕ್ರಿಯೆ 'ಇದೇ ನಮ್ ಸ್ಟೈಲ್... ' ಧಾಟಿಯಲ್ಲಿ ಇದ್ದಲ್ಲಿ, ಹರಿಪ್ರಸಾದ ನಾಡಿಗರ ನಿರ್ಧಾರವೇ ಸರಿ. ನಾನಾಗ ಬೇಸರಿಸುವುದಿಲ್ಲ.
[ಅಂದ ಹಾಗೆ, ಒಂದು ಗುಟ್ಟಿನ :-) ವಿಷಯ ಹೇಳ್ತೀನಿ. "ಅವರಿಗೆ ಸರಿಯಾದ ಮಾರ್ಗದರ್ಶನ ನೀಡಬಲ್ಲ ಹಿರಿಯರು ಸಂಪದದಲ್ಲಿ ಇದ್ದೂ" ಎಂದು ಬರೆಯುವಾಗ, ನನ್ನ ಮನಸ್ಸಿನಲ್ಲಿದ್ದ ಹಿರಿಯರಲ್ಲಿ ನೀವೂ ಇದ್ದಿದ್ದಿರಿ. ಅದು ನಿಮಗೆ ಹೇಗೆ ಗೊತ್ತಾಯ್ತು? :-))