ಒಂಥರಾ ಪ್ರೀತಿ...

ಒಂದು ಕಿಟಕಿ ಒಂದು ಬೆಳಗು

ಕೋಣೆಯೆಲ್ಲ ಬೆಳಕು

ಒಂದು ಹಾಡು ಒಂದು ಗುನುಗು

ಮನದೊಳಿಡಿಯೆ ನೆನಪು...

ಒಂದು ಹಾಳೆ ಒಂದು ಪೆನ್ನು

ಬರೆಯಲೇನು ಕವನ?

ಒಂದು ಗೆರೆಯ ಒಂದು ಪದಕೆ

ನೆನಪು ಮತ್ತೆ ಚಲನ

ಒಂದು ಸಂಜೆ ಒಂದು ಕಡಲು

ಮತ್ತೆ ನಾನು-ಅವಳು

ಒಂದು ನೋಟ ಒಂದು ಒಲವು

ಮಾತು ಹರಳು ಹರಳು

ಒಂದು ಗಲ್ಲ ಒಂದು ಮುತ್ತು

ಮಾತು ಮುಗಿಸೊ ಮೊದಲು

ಒಂದು ಅಲೆಯ ಒಂದೆ ಝೋಕು

ಒದ್ದೆ ಎಲ್ಲ ಒಡಲು

ಒಂದು ಮೌನ ಒಂದು ಉಸಿರು

ಲಜ್ಜೆ ಮುಡಿಯಲವಳು

ಒಂದು ನೋಟ ಒಂದು ಸ್ಪರ್ಷ

ನೆಲವು ಮನವು ಮರಳು

ಒಂದು ಫೋನು ಒಂದು ರಿಂಗು

ವಾಸ್ತವತೆಗೆ ತಂದು

ಮತ್ತೆ ನನ್ನ-ಅವಳ ಮಾತು

ಮತ್ತೆ ಒಲವ ಸಿಂಧು...

• Login or register to post comments
• 1464 ಹಿಟ್ಸ್
• ಈ ಪುಟವನ್ನು ಇ-ಮೇಯ್ಲ್ ಮಾಡಿ
• Printer-friendly version
•