ಕೃಷ್ಣಮೂರ್ತಿಗಳೇ,

ಕವನಗಳಲ್ಲಿ ತಮ್ಮ ಆಸಕ್ತಿ ಪ್ರಶಂಸನೀಯ; ತಮ್ಮ ಈ ಕವನ ಉತ್ತಮ ಪ್ರಯತ್ನ.
ಆದರೆ, ಕೆಲವು ತಪ್ಪು/ಸಂದೇಹಗಳು ನುಸುಳಿಕೊಂಡು ಬಿಟ್ಟಿವೆ:

೧.ಅಲಮೇಲುಮಂಗೀ ಯಾರು? ನಾನು ತಿಳಿದಂತೆ ಈ ಹೆಸರು ತಮಿಳಿನ 'ಅಲರ್ಮೇಲ್ ಮಂಗೈ'[ಕಮಲದಮೇಲಿನ ದೇವಿ = ಪದ್ಮಾವತಿ] ಎಂಬುದರ ಅಪಭ್ರಂಶ. ಇವರಲ್ಲಿ ಮುಸ್ಲಿಂ ಯಾರು? ಆಧಾರವಿದೆಯೇ?

೨.ಮಹಾಭಾರತದ ಮೂಲಪುರುಷ ಭರತ. ಅವನ ಉತ್ತರಾಧಿಕಾರಿ ಪ್ರತೀಪ; ಅವನ ಮಗ ಶಂತನು(ಸಂತನೂ, ಸಂತನುವೂ ಅಲ್ಲ!)

೩.ಶ್ರೀಕೃಷ್ಣ ಯಾದವನಾದರೂ ಕ್ಷತ್ರಿಯನೇ. ವೃಷ್ಣಿವಂಶದ ಪೂರ್ವಿಕನಾದ ಯದು ಮಹಾರಾಜನ ತಂದೆ ಯಯಾತಿ ಕ್ಷತ್ರಿಯ. ಆದ್ದರಿಂದ ಸುಭದ್ರೆಯೂ ಕ್ಷತ್ರಿಯಳೇ.

೪.ದಕ್ಷಬ್ರಹ್ಮ ಬ್ರಾಹ್ಮಣನಾದ್ದರಿಂದ, ದಾಕ್ಷಾಯಿಣೀದೇವಿ ಬ್ರಾಹ್ಮಣಳೇ.

ಏನೆನ್ನುವಿರಿ?

ದೇವಾನುದೇವತೆಗಳಿಗೆ ಕಟ್ಟಳೆ ವಿಧಿಸಿದವರು ನಾವೇ - ಮಾನವರು. ದೈವಕಥೆಗಳ ಹಿಂದಿನ ಅರ್ಥ ತಿಳಿಯದೆ, ಅವರನ್ನೂ ನಮ್ಮಂತೆ ಹೆಂಡತಿ-ಮಕ್ಕಳು-ಅತ್ತೆ-ಸೊಸೆ-ಸಾಲ-ಶೂಲಗಳ ಜಂಜಾಟಕ್ಕೆ ಸಿಕ್ಕಿಸಿದವರೂ ನಾವೇ - ಮನುಜರು! ಆದ್ದರಿಂದ ದೇವರು-ಪುರಾಣದ ಉದಾಹರಣೆಗಳನ್ನು ಯುಗಧರ್ಮಕ್ಕೆ ಬಿಟ್ಟುಬಿಡಿ ಸ್ವಾಮೀ! ಕಲಿಯುಗಧರ್ಮವೇ ಬೇರೆ! ಬೇಗ ಅಲಮೇಲಮ್ಮನ ಮಗಳು ಅನಿತಾ ಕವಿಗೆ ಸಿಗಲೆಂದು ಹಾರೈಸುವ

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.