ಶ್ರೀನಿಧಿ,

ನಿಮ್ಮ ಮತ್ತು ವೈಭವ ಅವರ ಉತ್ತರಗಳು "ಬಹುತೇಕ ಸರಿಯಿದೆ" ಅಂದಷ್ಟೇ ಈಗ ಹೇಳುತ್ತೇನೆ. ನಾಳೆ ಮಧ್ಯಾಹ್ನ ಉತ್ತರ ಹಾಕುತ್ತೀನಿ. ಅಲ್ಲೀವರೆಗೆ ಸ್ವಲ್ಪ ತಿಣುಕಾಟ ನಡೆಸಿದರೇನೇ "ಪದಬಂಧ"ದ ರುಚಿ ಸಿಕ್ಕಿದಂತಾಗೋದು, ಅಲ್ವಾ?  

ಅಂದಹಾಗೆ symmetry ವಿಚಾರ: ನಿಮ್ಮ ಅನಿಸಿಕೆಗಳಿಗೆ ಸ್ವಾಗತ. ಇದರ ಬಗ್ಗೆ ಹಲವಾರು ಅಭಿಪ್ರಾಯಗಳಿವೆ. ಕೆಲವರು ಇದು ಅತ್ಯಗತ್ಯ ಅನ್ನುತ್ತಾರೆ. ಇನ್ನು ಕೆಲವರು ಇದು ನಾವೇ ವಿಧಿಸಿಕೊಂಡಿರುವ ಕಟ್ಟಳೆಯಷ್ಟೇ ಎನ್ನುತ್ತಾರೆ. ಅದು ಹೇಗಾದರೂ ಇರಲಿ, ನನಗೆ ಕನ್ನಡ ನಾಡು-ನುಡಿಯ ಬಗೆಗಿನ ಕೆಲವು ಪ್ರಶ್ನೆಗಳನ್ನು ಸೇರಿಸುವಾಗ, ಈ symmetry ಸ್ವಲ್ಪ ತೊಂದರೆ ಕೊಡ್ತು. ಬರಿಯ ಪದಗಳ ಆಟಕ್ಕಷ್ಟೇ ಪದಬಂಧ ರಚಿಸುವಾಗ ಮೊದಲು ಒಂದು ವಿನ್ಯಾಸ ಮಾಡಿಟ್ಟುಕೊಂಡು, ನಂತರ ಅದಕ್ಕೆ ತಕ್ಕಂತೆ ಪದಗಳನ್ನು ಹುಡುಕಬಹುದು. ಆದರೆ ನನ್ನ ಮುಖ್ಯ ಉದ್ದೇಶ ವಿನ್ಯಾಸಕ್ಕಿಂತ ಹೆಚ್ಚು ಪ್ರಶ್ನೆಗಳ ಕಡೆಗಿತ್ತು (ಉದಾಹರಣೆಗೆ: ಅತಿ ಹೆಚ್ಚು ಕೆರೆಗಳನ್ನು ಹೊಂದಿದ ಜಿಲ್ಲೆ, ಕವಿಯೊಬ್ಬರ ಊರು, ಕಾವ್ಯ ಪ್ರಕಾರ ಇತ್ಯಾದಿ). ಹಾಗಾಗಿ symmetryಯನ್ನು ಕಡೆಗಣಿಸಿದೆ.

ಆದರೆ ಒಂದಂತೂ ನಿಜ; ಸ್ವಲ್ಪ ಹೆಚ್ಚು ಶ್ರಮಪಟ್ಟರೆ (ತಿಣುಕಾಡಿದರೆ) symmetryಯನ್ನು ಇಟ್ಟುಕೊಂಡೇ, ಈ ರೀತಿಯ ಪ್ರಶ್ನೆಗಳನ್ನು ಹೊಸೆಯಬಹುದು. ನೋಡೋಣ, ಮುಂದೊಮ್ಮೆ, ಪದಬಂಧದ ರಚನೆಯಲ್ಲಿ ಸ್ವಲ್ಪ ಕೈ ಕುದುರಿದ ನಂತರ ಆ ರೀತಿ ರಚಿಸಲು ಖಂಡಿತ ಪ್ರಯತ್ನವನ್ನಂತೂ ಪಡಬಹುದು.

- ಶ್ಯಾಮ್ ಕಿಶೋರ್ (ಒಲವೆ ಜೀವನ ಸಾಕ್ಷಾತ್ಕಾರ)

ಮೇಲಿಂದ ಕೆಳಗೆ
15. ಲಾಳ ಸರಿ
18. ಹುದುಗು ಸರಿ

ಮತ್ತು
ಮೇಲಿಂದ ಕೆಳಗೆ

೧ ಮುಷ್ಷ್ಟಿ
೨ ರಾಳ

ಇವು
ಎಡದಿಂದ ಬಲಕ್ಕೆ
೧ - ಮುತ್ತೆತ್ತಿರಾಯ - ಕ್ಕೆ ಹೊಂದಿಕೆಯಾಗುತ್ತವೆ .
ನೆನಪಿಸಿಕೊಳ್ಳಿ . ಡಾ.ರಾಜಕುಮಾರ್ ಹಾಡಿರುವ 'ಎತ್ತಲೋ ಮಾಯವಾದ ಮುತ್ತಿನ ಮೂಗುತಿ ನೀನು ಮತ್ತೆ ಎತ್ತಿ ತಂದೆ ಎಲ್ಲಿಂದ , ರಾಯ , ಮುತ್ತೆತ್ತಿರಾಯ ' ( ಬಹುಶಃ 'ಹನುಮನ ನೋಡಿದಿರಾ' ಧ್ವನಿಸುರುಳಿ.- ಈಗಾಗಲೇ ಕೇಳಿರದಿದ್ದರೆ ಕೊಂಡು ಕೇಳಿ - ಚೆನ್ನಾಗಿವೆ) - ಸೀತೆ ಸ್ನಾನ ಮಾಡುವಾಗ ಮೂಗುತಿ ಸರೋವರದಲ್ಲಿ ಬಿದ್ದು ಹೋಗಿರುತ್ತದೆ . ಆಂಜನೇಯನು ಅದನ್ನು ಹುಡುಕಿಕೊಡುತ್ತಾನೆ.

"ಕನ್ನಡದ ಪುಲ್ಲೆನಗೆ ಪರಮ ಪಾವನ ತುಳಸಿ"