ಗಮನ, ಗವನ. ಇದು ಕನ್ನಡದಿಂದ (ಅಥವಾ ಪ್ರೋಟೋ ಡ್ರವಿಡಿಯನ್) ಸಂಸ್ಕೃತಕ್ಕೆ ಹೋಗಿರಬಹುದಾದ ಪದ.

Ka. gavana attention, care, heed; gavanisu, gavisu, gamanisu to heed. Tu. gava sense, sensation, consciousness.

ಕೆಲವು ಬಳಕೆಗಳು

ನನಗೆ ಈ ಆಟೋಗಳೆಂದರೆ, ತುಂಬಾ ಕುತೂಹಲ. ತುಂಬಾ ಹಿಂದೆ ನಾನೂ ಕೂಡ ಅಷ್ಟು ಗಮನಿಸುತ್ತಿರಲಿಲ್ಲ (ಗವಿಸುತ್ತಿರಲಿಲ್ಲ), ಆದರೆ ನಂತರ ಗಮನಿಸಲು ಶುರು ಮಾಡಿದೆ. ನನ್ನ ಗಮನಿಸುವಿಕೆ (ಗವಿಕೆ) ಚೆನ್ನಾಗಿದೆ ಎಂದುದಕ್ಕೆ ನನ್ನಿಗಳು.

ವ್ಯಾಕರಣದ ಪ್ರಕಾರ ಇವೂ ಕೂಡ ಸರಿ.

ಗಮನ - ಗವನ
ಗಮನಿಸು - ಗವಿಸು
ಗಮನಿಸುವಿಕೆ - ಗವಿಕೆ.

ಹಾಂ! ಅಂದಹಾಗೆ, ಗಮನ ಎಂಬುದಕ್ಕೆ ಸಂಸ್ಕೃತದಲ್ಲಿ "ಗಚ್ಛತಿ ಯತ್ರ ಮನಂ" ಎಂಬ ವಿವರಣೆ ಸಿಗಬಹುದು. ಆದರೆ ಇದು ಕನ್ನಡ ಪದವೂ ಹೌದು.

ಈಗ ನಾವುಗಳು ಗಮನ ಎಂಬ ಪದವನ್ನೇ observationಗೆ ಇಟ್ಟುಕೊಂಡು, ಗವನ ಎಂಬುದರಿಂದ ಬರಬಹುದಾದ ಎಷ್ಟೋ ಪದಗಳನ್ನು Description, Title, vehement ಇಂತಹವುಗಳಿಗೆ ಬಳಸಬಹುದು. ಬರೆಯುತ್ತಾ ಬಳಸುತ್ತಾ, ಬೇರೆಯವರಿಗೂ ಇಂತಹ ಪದಗಳನ್ನು ತಿಳಿಸಿಕೊಡುತ್ತಾ ಇವುಗಳನ್ನು ಪ್ರಸ್ತುತವಾಗಿಸಬೇಕು.