"ಪ್ರೀತಿಸಿದ ಹುಡುಗಿ"
ಪ್ರೀತಿಸಿದ ಹುಡುಗಿ ಕೈ ಕೊಟ್ಟು ಓಡಿದಳು
ನಂಬಿದ ನನಗೆ ಮೋಸವನು ಮಾಡಿದಳು
||ನಂಬದಿರಿ ನೀವ್ಯಾರು ಮೋಸದ ಹುಡುಗಿಯರನು||
ನಂಬಿದ್ದೆ ನಾನೊಂದು ಹೆಣ್ಣ
ಅಣ್ಣ ನಂಬಿದ್ದೆ ನಾನೊಂದು ಹೆಣ್ಣ ನಂಬ್ಯಾಡಿ ನೀವ್ಯಾರು ಹೆಣ್ಣ ಅಣ್ಣ
ಸುರಿದಾರು ನಿಮಗೆ ಬಿಸಿಯಾದ ಸುಣ್ಣ ||ಪ
ಬಣ್ಣದ ಮಾತಾಡಿ ಕಣ್ಣೊಡೆದಳಣ್ಣ
ಕಣ್ಣಲ್ಲಿ ನಾ ಅವಳ ತುಂಬಿ ಕೊಂಡೆನಣ್ಣ
ಕನಸು ಮನಸಲ್ಲಿ ಅವಳಿದ್ದಳಣ್ಣ ||ನಂಬಿದ್ದೆ||
ಏಳ್ದಂಗೆ ಕೇಳ್ತಿದ್ದೆ ಅವಳಮಾತ ಅಣ್ಣ
ನೀನಿಲ್ದೆ ನಾನಿಲ್ಲ ಅಂತಿದ್ದಳಣ್ಣ
ನನ್ನ ಮರೆತು ಬಿಡು ಅಂತೇಳಿ ಹೊಂಟೊದಳಣ್ಣ ||ನಂಬಿದೆ||
ನಗುನಗುತ ಮಾತಾಡುತಿದ್ಲು ಎಲ್ಲರತ್ರ ಅವಳು
ನಗುವಿನ ನೆನಪೊಂದ ಬಿಟ್ಟೊದಳವಳು
ನಂಬಿಸಿ ನನಗವಳು ಮೋಸವ ಮಾಡಿದಳು||ನಂಬಿದ್ದೆ||
ತುಪ್ಪದಂತ ಮಾತಾಡಿ ತೆಪ್ಪಗಾದಳಣ್ಣ
ಕಪ್ಪಗಿದ್ರು ಕೊಟ್ಟಿದ್ದೆ ನನ್ಮಸನ್ನ
ಕೊನೆಗವಳು ಕೊಟ್ಟೊದ್ಲು ಬರಿ ಕನಸನ್ನ ||ನಂಬಿದ್ದೆ||
ಅವಳ ಮಾತ ನಾ ಕೇಳಿ ಮನೆಮಂದಿ ಬಿಟ್ಟೆ
ಅವಳ ಪ್ರೀತಿ ಮಾತಿಗೆ ಹುಚ್ಚನಾಗಿ ಬಿಟ್ಟೆ
ಅವಳ್ ಕೈ ಕೊಟ್ಟು ಹೊದಾಗಿಂದ ಕುಡಿಯೊದ್ ಕಲ್ತು ಬಿಟ್ಟೆ ||ನಂಬಿದ್ದೆ||
ನಿನ್ನ ಬಿಟ್ಟು ಬದುಕಲ್ಲ ಅಂತಿದ್ದಳಣ್ಣ
ವಿಷ ಕುಡ್ದು ಹೊದ್ದಾಡತಿದ್ರು ಅವಳು
ನನ್ನ ತಿರುಗಿ ನೊಡಲಿಲ್ಲವಣ್ಣ ||ನಂಬಿದ್ದೆ||
-ವಿ ಕೃಷ್ಣಮೊರ್ತಿ ಅಜ್ಜಹಳ್ಳಿ ಬಿ ಎಂ ಎಸ್ ಸಿ ಇ
- Login or register to post comments
- 1140 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
- ನಿರ್ವಾಹಕರ ಗಮನಕ್ಕೆ ತನ್ನಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಉ: "ಪ್ರೀತಿಸಿದ ಹುಡುಗಿ"
ನಿಮ್ಮ ಅಚ್ಚ ಕನ್ನಡ ಒರೆಗಳನ್ನು ನಾ ಮೆಚ್ಚಿದೆ..
ಉ: "ಪ್ರೀತಿಸಿದ ಹುಡುಗಿ"
ಕೃಷ್ಣಮೊರ್ತಿ ಅಜ್ಜಹಳ್ಳಿ ಬಿ ಎಂ ಎಸ್ ಸಿ ಇ
ವೈಭವ ರವರೆ ಪ್ರತಿಕ್ರಿಯೆಗೆ ನಮ್ಮ ವಂದನೆಗಳು
ಉ: "ಪ್ರೀತಿಸಿದ ಹುಡುಗಿ"
ಹಂಬಲಸಿದ ಹೆಣ್ಣು ಹಾರಿ ಹೋದಳೆಂದು
ಹುಂಬನೆಂದು ನೊಂದು ನೆನೆದು ಅಳವುದೆಂತು?
ಅವಳೊಬ್ಭಳು ಹೋದರೇನಂತೆ ಲೋ ಅಣ್ಣ
ನಮ್ಮ ದೇಸದಾಗೆ ಕೋಟಿಹೆಣ್ಣುಗಳಿವೆಯಲ್ಲವಣ್ಣ!!
======================================
ಉ: "ಪ್ರೀತಿಸಿದ ಹುಡುಗಿ"
ಅದು ಸರಿ ಮಹೇಶ್ ಅವರೆ ನನ್ನ ಹಾಗೆ ಯಾರಾದರೂ ಮೊಸಹೊಗಿದ್ದರೆ ಅವರ ಅನುಬವ ಅಬಿಪ್ರಾಯ ತಿಳಿಯುವ ಆಸೆಯಿಂದ ನನ್ನ ಅನುಬವ ಇಲ್ಲಿ ಕವನವಾಗಿಸಿದ್ದೇನೆ ನಿಮ್ಮ ಮಾತಿನಂತೆ ನಮ್ಮಲ್ಲಿ ಹೆಣ್ಣಿಗೆ ಕೊರತೆಇಲ್ಲದಿರಬಹುದು ಆದರೆ ಪ್ರೀತಿಸಿದವಳು ಕೈ ಬಿಟ್ಟಾಗ ಆಗುವ ವ್ಯತೆ, ಹಿಂಸೆ ಯಾವುದರಿಂದಲೂ, ಯಾರಿಂದಲೂ ತೀರಿಸಲಾಗದು ಮಿತ್ರರೇ ಈ ಪ್ರೀತಿ ಎಂಬುದೇ ಹೀಗೆ ಅದಕ್ಕಾಗೆ ನಾನು ಇಲ್ಲಿ ಬರೆದದ್ದು
ನಿಮ್ಮ ಪ್ರೋತ್ಸಾಹಕ್ಕೆ ನಾವು ಆಭಾರಿಯಿದ್ದೇನೆ.
-ವಿ ಕೃಷ್ಣ ಬಿ ಎಂ ಎಸ್ ಸಿ ಇ ಬೆಂಗಳೂರು-೧೯
ಉ: "ಪ್ರೀತಿಸಿದ ಹುಡುಗಿ"
ಅವದವದು..!!!
ನನಗೆ ಊ ಹುಡುಗಿ ಕೈಹಿಡಿದ, ಕೈಕೊಟ್ಟ ಅನುಬವವಿಲ್ಲ.
ನೆನ್ನೆ ಮೈಸೂರ ಮಲ್ಲಿಗೆ ಕೊಂಡೆನು. ಅದರಲ್ಲಿ "ತೌರ ಸುಖದೊಳಗೆನ್ನ ಮರೆತಿಹಳು ಎನ್ನದಿರಿ" ಹಾಡು ಸಕ್ಕತ್....
======================================
ಉ: "ಪ್ರೀತಿಸಿದ ಹುಡುಗಿ"
ಹಂಗಂತೀರ? ಕೊರತೆ ಇದೆ ಅಂತ ಹೀಗೆ ಎಲ್ಲಾರೂ ಹೇಳ್ತಾರಲ್ಲ!?
ಉ: "ಪ್ರೀತಿಸಿದ ಹುಡುಗಿ"
ಬಹಳ ಚನ್ನಾಗಿದೆ ಕವನ...!!
ನಿಮ್ಮ ನೋವಿನ ಕಥೆ ಕೇಳಿ ನನ್ನ ಕಣ್ತುಂಬಿ ಬಂತು..!
ನಿಮ್ಮ ನೋವಿನ ಆ ಅನುಭವ ನೆನೆದು ಮೈಜುಮ್ಮೆಂದಿತು..!
-ಯುವಪ್ರೇಮಿ
ಉ: "ಪ್ರೀತಿಸಿದ ಹುಡುಗಿ"
ನಿಮ್ಮ ಕವನ ಚೆನ್ನಾಗಿದೆ ಆದರೆ ....
ಅಲ್ಲಿ ’ಹ’ ಮತ್ತು ’ಅ’ ಕಾರಕ್ಕೆ ಒತ್ತು ಕೊಟ್ಟಂಗಿಲ್ಲ.
ಒಂದು ಸಾಲಿನಲ್ಲಿ ನೀವು ’ಹೊದ್ದಾಡಿತ್ತಿದ್ರು’ ಅಂತ ಬರೆದಿದ್ದೀರಲ್ಲ, ಅದು ಒದ್ದಾಡುತ್ತಿದ್ರು ಅಂತ ಆಗಬೇಕಾಗಿತ್ತು.
ಬಾಳ ವಿಚಿತ್ರ ಮನಶ್ಯಾರು ಮಾರಾಯ ನೀವು!!!
ನಮ್ಮಪ್ಪಾ ಎಲ್ಲಿ ’ಹ’ ಅನ್ನಬೇಕು ಅಲ್ಲಿ ಅನ್ನಂಗಿಲ್ಲ...ಎಲ್ಲಿ ಅನ್ನಬಾರದು ಅಲ್ಲಿ ಮುದ್ದಾಂ ಅಂತೀರಪಾ.
ಕನ್ನಡಾನ ಸರಿಯಾಗಿ ಮಾತಾಡ್ರಿ ಮಾರಾಯ.
ಇತಿ ನಿಮ್ಮವ,
ಗಿರೀಶ ರಾಜನಾಳ.
ಉ: "ಪ್ರೀತಿಸಿದ ಹುಡುಗಿ"
ರಾಜೇಶರೇ!!
ನಮ್ಮ ಕಡೆ ಮಂದಿ ಹ ಹೇಳಲ್ರೀ, ಇದಕ್ಕೆ ನೀವು ತುಸು ’ದ್ರಾವಿಡ ನುಡಿಗಳು’ ಈ ಕುರಿತು ಓದಿಕೊಳ್ರಿ. ಹ ಇದು ಕನ್ನಡದ್ದೇ ಆದ sound/phone ಹೌದೋ ಅಲ್ವೋ ಅಂತ ಇನ್ನು ಗೊಂದಲವಿದೆ. ಇದನ್ನು ತೆಂಕಣದೊರು ಹೇಳಲ್ಲ. ಮತ್ತು ಅದು ಸರಿ ಕೂಡ.
ತಮಿಳಲ್ಲೂ ಹ ಇಲ್ಲ. ಅವರೂ ನಮ್ಮಂತೆ ಹ/ಅ ನಡುವೆ ಬೇರೆತನ ಮಾಡಲ್ಲ.
ಅಂದ ಹಾಗೆ ಈ ನೋಡ್ರಿ..
ಕೊಟ್ಟಂಗಿಲ್ಲ ಅಲ್ಲ ಕೊಟ್ಟ ಹಂಗಿಲ್ಲ.
ಬಾಳ ಅಲ್ಲ ಬಹಳ ( ಬಾಳ ಅಂದ್ರೆ ಬಾಳಿನ ಅಂತ ಅಲ್ವ!! )
ಮನಶ್ಯಾರು ಅಲ್ಲ ಮನುಷ್ಯರು
ಅನ್ನಂಗಿಲ್ಲ ಅಲ್ಲ ಅನ್ನುವ ಹಂಗಿಲ್ಲ
ಕನ್ನಡಾನ ಅಲ್ಲ ಕನ್ನಡವನ್ನು ( ನಾವು ಕನ್ನಡವ ಅಂತೀವಿ )
ನೋಡ್ರೀ ನೀವು ಏಟು ತಪ್ತುಮಾಡೀರಿ
..
ಹ/ಅ ನಡುವಿನ ನಮಗೆ ವ್ಯತ್ಯಾಸ ಇಲ್ಲ. ಇದು ಗಂಗನಾಡಿನಲ್ಲಿ ಸಾಮಾನ್ಯ!!
ಉ: "ಪ್ರೀತಿಸಿದ ಹುಡುಗಿ"
ಹೋ ! ಅಷ್ಟೊ೦ದು ದು:ಖ ಆಗಿಲ್ಲಾ ಅ೦ದ್ಕೋತ್ತೀನಿ. ಏಕ೦ದರೆ ದು:ಖ ಆಗಿದ್ದರೆ ನೀವು ಹಾಡು
ಬರೀ.....ತ್ತಿದ್ದೀರಾ.
ನಿಜವಾಗಲೂ ದು:ಖ ಆಗಿದ್ದರೆ ಬಾಳು ಬದುಕು ಬೇಕಿತ್ತಾ ? ಜೀವನ ಕಹಿ ಅನ್ನಿಸ್ತಿತ್ತು.
ಹೆ೦ಡಕ್ಕೆ ಶರಣಾಗ್ತಾ ಇದ್ದರೀ ಅಲ್ವಾ ?
ಈಗ ಪದ್ಯಕ್ಕೆ ಶರಣಾಗಿದ್ದೀರಾ ..ಒಳ್ಳೆದು.. ಇನ್ನೂ ಒ೦ದು ಹೆಣ್ಣನ್ನು ಪ್ರೀತಿಸಿ ಆ ಹುಡುಗಿ ಕೈ
ಕೊಡುವ ವರೆಗೂ ಹೊಸ ಕವನಗಳನ್ನು ಬರೆಯಿರಿ.
ಕೈ ಕೊಟ್ಟ ಮೇಲೆ ಅವಳ ಕೈಯಲ್ಲೇ Release ಮಾಡ್ಸೀ...-