ಇತ್ತೀಚೆಗೆ, ಸಂಪದದಲ್ಲಿ ಮನುಧರ್ಮಶಾಸ್ತ್ರದ ಪ್ರಸ್ತಾಪಗಳು ಆಗಿದ್ದವು. ಆಗಲೇ ಈ ಯೋಚನೆ ಬಂದಿತ್ತು. ಈ ಗ್ರಂಥವನ್ನು ಸಂವಿಧಾನ ಶಿಲ್ಪಿ ಡಾ||ಬಿ.ಆರ್.ಅಂಬೇಡ್ಕರ್ ನೇತೃತ್ವದಲ್ಲಿ ಸಾಂಕೇತಿಕವಾಗಿ ಎಂದೋ ಸುಟ್ಟಿಯಾಗಿದೆ. ಇದರಲ್ಲಿ ಕೆಣಕುವ (ಆಕ್ಷೇಪಾರ್ಹ) ಅಂಶಗಳೇನೇನಿದ್ದವು ಎಂದು ಸ್ವತಃ ತಿಳಿಯುವ ಇಚ್ಛೆಯಿದೆಯೇ ?

ಮನುಧರ್ಮಶಾಸ್ತ್ರದ ಬಗ್ಗೆ ಡಿ.ಎಲ್.ಐನಲ್ಲಿ ಬೇಕಾದಷ್ಟು ಪುಸ್ತಕಗಳಿವೆ. ಅವುಗಳಲ್ಲಿ ಚಿಕ್ಕದಾಗಿದ್ದ ಒಂದು ಪುಸ್ತಕವನ್ನು ಇಲ್ಲಿ ಏರಿಸಿದ್ದೇನೆ. ಚಿಕ್ಕದೇಕೆ ಆರಿಸಿದೆನೆಂದರೆ, ಮನುಸ್ಮೃತಿಯ ಇನ್ಟರ್ಪ್ರೆಟೇಶನ್ನುಗಳಿಗಿಂತ ಯಥಾವತ್ ಕನ್ನಡ ಅನುವಾದ ಇರಬಹುದು ಎಂಬ ಕಾರಣಕ್ಕೆ.

ಮನುಸ್ಮೃತಿ ಪುಸ್ತಕದ ವಿವರ.

ಪುಸ್ತಕದ ಹೆಸರು - ಮನುಸ್ಮೃತಿಸಾರ
ಬರೆದವರು - ಎನ್.ಕೆ.ನರಸಿಂಹಮೂರ್ತಿ, ಎಂ.ಎಸ್‌ಸಿ
ಪ್ರಕಾಶಕರು - ಪ್ರಭಾ ಮುದ್ರಣಾಲಯ, ೨೨-ಎ, ಡಾ||ಡಿ.ವಿ.ಗುಂಡಪ್ಪ ರಸ್ತೆ, ಬಸವನಗುಡಿ, ಬೆಂಗಳೂರು - ೪
ಎರಡನೆಯ ಮುದ್ರಣ - ೧೯೭೫, ಮೊದಲನೆಯದು ಬಹುಶಃ - ೧೯೬೮
ಆಗಿನ ಬೆಲೆ - ೪:೫೦
ಪುಟಗಳು - ೧೭೪