ಮನ್ಮಥ ದುಂಭಿ ನಾ..!!
July 17, 2007 - 5:10am — yuvapremi
ಚಂದಿರನ ತೋಟದಿ ಅರಳಿಹ ಹೊವಂತೆ
ನಿನ್ನ ಹಾಲ್ಗೆನ್ನೆಯ ಕೋಮಲತೆ ಸೆಳೆದೈತೆ
ನಕ್ಷತ್ರದ ತುದಿ ತಡವಿರದೆ ಹೊಳೆದಂತೆ
ನಿನ ಕಣ್ಣ ನೋಟ ಮನದೆಲ್ಲೆ ಮೀಟೈತೆ..!
ಬಿಡಿ ಬಿಡಿಯ ನಲಿವ ಕೇಶ ಸ್ಪರ್ಶ
ಬಿಡದಂತೆ ಸುರಿಸಿಹಿದು ಹೃದಯದಿ ಹರ್ಶ
ಅಲ್ಲಿ ಇಲ್ಲಿ ಮತ್ತೆಲ್ಲೋ ಹಾರಿ ಹರಿದು
ಮೈಸುಗಂಧ ಜೇನೊಣಗಳ ಸೆಳೆದು
ಸವಿ ಸುದೆಯ ಸವೆಯ ಸಿಕ್ಕ ನೀ
ನಾ ಕಂಡ ಅಪ್ರತಮ ಸುಂದರಿಯು..!
ಮೋಡಗಳ ಮಾಲೆಯಾಯ್ತು ಮುತ್ತಿನ ಹಾರ
ತೋಯ್ವ್ ತುಟಿಯ ನೆನದ ಮತ್ತಿನ ಭಾರ
ನೀ ಒರಗಿ ಸರಿದ ಒಡಲ ಮೌನ ಮಾತು
ತಿರು ತಿರುಗಿ ನಡುಗೈತೆ ಈ ಮನ ಸೋತು..!!
ಅಮೃತದಿ ಗಂಧದ ಮೈಯ ತೀಡಿ
ಪನ್ನೀರ ಗುಲಾಬಿಯೊಳು ಒರಳಾಡಿ
ಮಲ್ಲಿಗೆಯ ತೊಟ್ಟಿನಂತೆ ಬಿಂಕದ ನಡು
ಸಹಿಸೆ ಬಿರುಕ ಬಿಟ್ಟಿಹುದು ಕಂಡು,
ಬೇಲೊರೊಳ ಪ್ರತಿಮೆಯು..!!
ಹರಳೊಳರಳಿದ ಬೆರಳುಗಳವು
ಮುಟ್ಟೆಲ್ಲ ಮೈಯ ಮೆರೆಸಿಹವು
ಸ್ಪರ್ಶದಲೆ ತುಂತುರು ಹನಿ ಸುರಿಸಿ
ಲೋಕವ ಬ್ರಮರದೋಳ್ ಮರೆಸಿ..!!
ಗೆಜ್ಜೆ ಹಿಡಿದ ಕಾಲೆಜ್ಜೆ ನೋಟ
ಗಲ್ ಗಲೆಂಬ ಹಾಲ್ನಡಿಗೆಯ ಆಟ
ಹೃದಯವೆಂಬ ರಂಗೋಲೆ ಸುತ್ತಿ
ಹೆಜ್ಜೆ ಹೆಜ್ಜೆ ಹಾಡೈತೆ ಹೊಸತು ಸ್ತುತಿ
ಮನದಿ ಮೊಡಿಸೆ ಮಧುರ ಗಾನ...!!
ಅರಳಿಹ ಹೊವೊಳು ಹರಿವ ಸವಿಜೇನು ನೀ
ನಿನ್ನ ಸವಿಯೆ ಬಂದ ಮನ್ಮಥ ಧುಂಭಿ ನಾ..!!
-ಯುವಪ್ರೇಮಿ
- Login or register to post comments
- 228 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS: