ನಿನ್ನ ತುಟಿಯ ತಳಮಳವ ಬಲ್ಲೆ
ಅದರ ವಿರಹ ವೇದನೆಯ ಬಲ್ಲೆನು
ವಿರಹದ ನೆರಳೊಳು ನರಳಿದ ನಿನ್ನಲಿ
ಸ್ವರ್ಗದ ಸ್ಪರ್ಶವ ತಂದವನು ನಾನೆ..!!

ಕಣ್ಣೊಳು ಕಾಣದ ಕಾತರ ಕಂಡು
ದಣಿವಲೊ ದಾಹವ ಮರೆಯುತ ನಿಂದು
ಕೊರಗಲಿ ಮರುಗುತ ಕರಗಿದ ನಿನ್ನಲಿ
ದಿವ್ಯ ರೊಪವ ದರ್ಶಿಸಿದವನು ನಾನೆ..!!

ಗಲ್ಲವ ಹಿಡಿದವನ ಗುಂಗಿನಲ್ಲಿ
ಒಡಲನು ಬಳಸಿದ ಗಿಡುಗನೆಲ್ಲೆಂದು
ಮೋಡದ ಮಾಲೆಯ ಹಿಡಿದು ನಿಲ್ಲಲು
ಕಾರಣ ಪುರುಷನು ನಾನೆ ತಾನೆ..!!

ನಡುವಲಿ ಬೆವತಿಹ ನೊರು ಭಾವ
ಭಾವದ ಅಂಗಳದಿ ಅರಳಿದ ನೋವೆ
ಎಳೆ ಎಳೆಯೊಳು ನಂದಿಸಿ ಬಿಡಿಸಿದ
ಜೀವದ ಗೆಳೆಯನು ನಾನೆ ತಾನೆ..!!

ಕಾಲಿಗೆ ಮುತಿನ ಗೆಜ್ಜೆಯ ಕಟ್ಟಿ
ಕುಣಿತವ ಕಾಣಲು ಯಾರಿಲ್ಲವೆನ್ನುವ
ಅಳಲನು ಮುತ್ತಿದ ಮನವನು ಅರಸಿ
ಒಡಲಿನ ನವಿಲನು ನಲಿಸಿದವ ನಾನೆ ತಾನೆ..!!

-ಯುವಪ್ರೇಮಿ