ಬಾಲ್ಯದ ಸೊಗಸು
October 3, 2007 - 3:16am — poornimas
ಬಾಲ್ಯದ ಸೊಗಸು
**********
ಹೋಗದೇಕೆ ನನ್ನ ಬದುಕು
ಮರಳಿ ಮತ್ತೆ ಬಾಲ್ಯಕೆ ?
ಹೊಳೆಯದೇಕೆ ಚುಕ್ಕಿ ಬೆಳಕು
ಮುಗ್ಧ ಮನದ ಲಾಸ್ಯಕೆ?
ಅರಳದೇಕೆ ಮೊಲ್ಲೆ ಮೊಗ್ಗು
ಜಡೆಗೆ ಮಾಲೆಯಾಗಲು?
ನುಡಿಯದೇಕೆ ತಾಯಿ ಕೊರಳು
ಜೋಜೋ ಲಾಲಿ ಹಾಡಲು?
ಉಲಿಯದೇಕೆ ಗೆಜ್ಜೆ ಪಲುಕು
ಊರಿ ನಡೆವ ಹೆಜ್ಜೆಗು?
ಒಲಿಯದೇಕೆ ಮಮತೆ ಮೆಲುಕು
ಹಠವ ಹಿಡಿದ ರಚ್ಚೆಗು?
ರುಚಿಸದೇಕೆ ತಿಂಡಿ ಹಲವು
ತಾಯಿ ಗುಟುಕ ಸೊಗಸಿಗೆ?
ಚಿಗುರದೇಕೆ ಮತ್ತೆ ಚೆಲುವು
ಸುಕ್ಕು ಬಿದ್ದ ಬದುಕಿಗೆ?
-೦-
- Login or register to post comments
- 450 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
- ನಿರ್ವಾಹಕರ ಗಮನಕ್ಕೆ ತನ್ನಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಉ: ಬಾಲ್ಯದ ಸೊಗಸು
ಸಕ್ಕತ್, ಚನ್ನಾಗಿದೆ
----
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು
ಉ: ಬಾಲ್ಯದ ಸೊಗಸು
ಬಹಳ ಚೆಂದ ಬರೆದಿದ್ದೀರಿ. ಆದರೂ ನನಗೆ ಈ ಕವನ ಓದಿಕೊಂದು ಹೋಗುವಾಗ ಸ್ವಲ್ಪ ಹೆದರಿಕೆಯಾಯ್ತು. "ಹೋಗದೇಕೆ ನನ್ನ ಬದುಕು
ಮರಳಿ ಮತ್ತೆ ಬಾಲ್ಯಕೆ ?" - ಹಾಗೆ ಬಾಲ್ಯಕ್ಕೆ ಮರಳಿದರೆ ಮತ್ತೆ ಶಾಲೆಗೆ ಮತ್ತೆ ಹೋಗಬೇಕಾಗುತ್ತದಲ್ಲ ಎಂದು.
--
ನನ್ನ ಬ್ಲಾಗ್:
ಪರಿವೇಶಣ | PariveshaNa
ಉ: ಬಾಲ್ಯದ ಸೊಗಸು
ಇದೇ ಭಾವದಲ್ಲಿ ಹಿ೦ದಿಯಲ್ಲಿ ಸುಭದ್ರಾ ಕುಮಾರಿ ಚೌಹಾನ್ ಬರೆದಿರುವ ಕವಿತೆಯೊ೦ದು ಬಹಳ ಜನಪ್ರಿಯವಾಗಿದೆ. ನೀವು ಅದರಿ೦ದ ಸ್ಫೂರ್ತಿಗೊ೦ಡಿದ್ದೀರಾ? ಮಗುವನ್ನು ನೋಡುವ ತಾಯಿ ತನ್ನ ಬಾಲ್ಯದ ದಿನಗಳ ನೆನಪುಗಳನ್ನು ಮೆಲುಕುಹಾಕುವ೦ತಹುದು.
ಅದೇನೇ ಇದ್ದರೂ ಕನ್ನಡದ ಮೇಲೆ ನಿಮ್ಮ ಹಿಡಿತ ಚೆನ್ನಾಗಿದೆ. ಅರಳದೇಕೆ ಮೊಲ್ಲೆ ಮೊಗ್ಗು ಜಡೆಗೆ ಮಾಲೆಯಾಗಲು....ನನಗೆ ಹಿಡಿಸಿದ ಸಾಲು.
_______________________
ಮುಟ್ಟುತಲೆ ಗುರಿ ತಾನ್ ದೂರವಾಗುತಿರಲಿ!
ಕೃಷ್ಣಪ್ರಕಾಶ ಬೊಳುಂಬು
ಉ: ಬಾಲ್ಯದ ಸೊಗಸು
ಬೊಂಬಾಟ್ರೀ ಪೂರ್ಣಿಮಾರೆ!!
ಚಂದಾಗಯ್ತೆ... ಎಳೆತನದಲ್ಲಿ ಹೀಗೆಲ್ಲ ಇತ್ತಲ್ಲ, ಈಗ ಇಲ್ವಲ್ಲ ಅಂತ ಸಕ್ಕತ್ತಾಗಿ ಹೇಳೀರಿ..
ನನ್ನಿ!
ಉ: ಬಾಲ್ಯದ ಸೊಗಸು
ಎಲ್ಲರಿಗೂ ಧನ್ಯವಾದಗಳು.
@hpn: ನನಗಂತೂ ಹೆದರಿಕೆಯಿಲ್ಲ. ನಾವು ಓದಿದ ನಮ್ಮೂರಿನ ಸರ್ಕಾರಿ ಶಾಲೆ ಅಷ್ಟು ಚೆನ್ನಾಗಿತ್ತು. ಬೆಲ್ಟ್, ಟೈ ಕಾಟವಿಲ್ಲ. ಬೆನ್ನ ಹಿಂದೆ ’ಮಹಾಭಾರ’ವಿಲ್ಲ. ಹೋಮ್ ವರ್ಕ್ ಹೆಚ್ಚಿಲ್ಲ. ತಂದೆ ತಾಯಿಗಳಿಂದ ಒತ್ತಡವಿಲ್ಲ. ನಾವು ಕೇವಲ ನಮ್ಮ ವಯಸ್ಸಿಗೆ ತಕ್ಕ ಮಕ್ಕಳಾಗಿದ್ದೆವು, ಅಷ್ಟೇ !
@kpbolumbu: ಇಲ್ಲ, ಮೇರಾ ನಯಾ ಬಚ್ ಪನ್ ಪ್ರೇರಣೆಯಲ್ಲ. ಈ ಪದ್ಯ ಶಾಲಾ ಪಥ್ಯದಲ್ಲಿತ್ತು ಅಲ್ಲವೇ? ನಿಮ್ಮ ಲಿಂಕ್ ಸಿಕ್ಕ ಮೇಲೆ ಮತ್ತೆ ಓದತೊಡಗಿದೆ. ಆದರೆ ಹಿಂದಿ ಓದಲು ಎಷ್ಟು ಕಷ್ಟ ಆಗ್ತಿದೆ
ಎರಡು ಕವನಗಳಲ್ಲೂ ಒಂದೇ ಭಾವ. ನೆನಪಿಸಿದ್ದಕ್ಕೆ ಬಹಳ ವಂದನೆಗಳು.