ಚಂದಿರಗೊಂದು ಕಾಗದ
October 22, 2007 - 10:31pm — poornimas
ಚಂದಿರಗೊಂದು ಕಾಗದ
************
ಅಮ್ಮಾ,
ಚಂದಿರಗೊಂದು ಕಾಗದ
ಬರೆಯುವೆ ಹಗಲೂ ಬಾರೆಂದು.
ನಿನ್ನನು ನೋಡಿ ಮಮ್ಮು
ತಿನ್ನುವೆ ಮೊಗವನು ತೋರೆಂದು.
ಉರಿವ ಸೂರ್ಯನ ಹೇಗೆ
ನೋಡಲೇ ನೀನು ಉಣಿಸುವಾಗ ?
ತಾರೆಯ ಜೊತೆಯಲಿ ಚಂದಿರ
ನಿಂತಿರೆ ಊಟಕೆ ರುಚಿ ಆಗ.
ನನ್ನಯ ಕಾಗದ ಓದಲು
ಅವನಿಗೆ ಬರುವುದೇ ಕನ್ನಡ ?
ಬಾರದೆ ಇದ್ದರೆ ನೀನೇ
ಕಲಿಸೇ ನನ್ನಯ ಸಂಗಡ.
ಹುಣ್ಣಿಮೆ ಬಂದರೆ ಬಾನಿನ
ಬಣ್ಣವು ಬಿಳುಪಾಯಿತು ಹೇಗೇ !?
ಚಂದ್ರನೂ ನನ್ನಂತೆ ಬಟ್ಟಲ
ಹಾಲನು ಚೆಲ್ಲಿಕೊಂಡನೇನೇ
ಅಮ್ಮಾ , ಚೆಲ್ಲಿಕೊಂಡನೇನೇ !?
- ೦ -
- Login or register to post comments
- 492 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಉ: ಚಂದಿರಗೊಂದು ಕಾಗದ
ಸೂಪರ್! ತುಂಬ ಇಷ್ಟವಾಯಿತು
Visit my blog:
http://kannada-nudi.blogspot.com
ಉ: ಚಂದಿರಗೊಂದು ಕಾಗದ
ಬಹಳ ಚೆನ್ನಾಗಿ ಬಂದಿದೇ ರೀ, ಒಳ್ಳೇ ಮಟ್ಟು ಹಾಕಿ ಹಾಡಬಹುದು!
-ಹಂಸಾನಂದಿ
ಉ: ಚಂದಿರಗೊಂದು ಕಾಗದ
ಕೇಶವ್ ಮತ್ತು ಹಂಸಾನಂದಿ ಅವರಿಗೆ ಧನ್ಯವಾದಗಳು. ಇದು ನನ್ನ ಪುಟ್ಟ-ಪುಟ್ಟಿಗೆ ಬಹಳ ಇಷ್ಟದ ಹಾಡು. ಈ ಹಾಡನ್ನು ತುಂಬಾ ಸಡಗರದಿಂದ, ಮುದ್ದಾಗಿ ಹಾಡ್ತಾರೆ
ಉ: ಚಂದಿರಗೊಂದು ಕಾಗದ
ಹಾಡಿ ನಮ್ಮಯ ಮನ ತಣಿಸ್ರಲಾ ಮತ್ತೆ
ಉ: ಚಂದಿರಗೊಂದು ಕಾಗದ
ಹೌದ್ರೀ ...
ಹಂಸಾನಂದಿಗಳ ಹಂಸಗಾನಕೆ ಹಾತೊರೆಯುತ್ತಿರುವ ಕಿವಿಮನಗಳೆಮ್ಮದು.
ಹಂಸಾನಂದಿಗಳೇ ನಿಮ್ಮ ಹೆಮ್ಮೇಳಕ್ಕೆ ನಮ್ಮ 'ಪಿಟೀಲು' ಚನ್ನೀಲ ಇದ್ದಾನೆ.
ಉ: ಚಂದಿರಗೊಂದು ಕಾಗದ
"ನನ್ನಯ ಕಾಗದ ಓದಲು
ಅವನಿಗೆ ಬರುವುದೇ ಕನ್ನಡ ?
ಬಾರದೆ ಇದ್ದರೆ ನೀನೇ
ಕಲಿಸೇ ನನ್ನಯ ಸಂಗಡ."
ಯಪ್ಪ ಬೊಂಬಾಟ್..... ನಿಮ್ಮಂತಹ ತಾಯಂದಿರ ಕಯ್ಯಲ್ಲಿ ತುತ್ತು ತಿಂದ್ರೆ, ಯಾವ ಯುನಿವರಿಸಿಟಿಗೆ ಹೋಗದೆ ಮಕ್ಕಳು ಕನ್ನಡದ ಪಂಟರು, ಕಲಿಗಳಾಗ್ತಾರೆ.
ನಿಮ್ಮ ಕಲ್ಪನೆ ಸಕ್ಕತ್ ಚಂದ.. "ತಿಂಗಳನಿಗೆ ಕನ್ನಡ ಬಾರದೇ ಇದ್ರೆ, ನನ್ನ ಜೊತೆ ಕಲಿಸೇ" ಎಂದು ಕೂಸು ಹೇಳುವುದು ಸಕ್ಕತ್ರಿ...!!
ಹಿಂಗೆ ಬರೀರಿ.. ಬರೀತಾ ಇರಿ..
ಇಂತಹ "ಮಂಮ್" ಹಾಡುಗಳಂನು ನಿಮ್ಮಂತ ಕಬ್ಬಿಗಿತ್ತಿಯರೇ ನೆಗಳ್ಚಲು/ರಚಿಸಲು ಆರುವುದು/ಸಾಧ್ಯ. ನಮ್ಮಂತ ಗಂಡು ತಲೆಗಳಿಗೆ ಇವೆಲ್ಲ ಹೊಳೆಯೋದು ನಿಬ್ಬರ/ಅತಿಶಯವೇ ಸರಿ.
ಉ: ಚಂದಿರಗೊಂದು ಕಾಗದ
ಪೂರ್ಣಿಮಾ,
ತುಂಬ ಚೆನ್ನಾಗಿದೆ.
'ಎಲ್ಲಿಗೆ ನಾ ಹೋದರಲ್ಲಿಗೆ ಬರುವನು ಅಮ್ಮಾ ಚಂದಿರ ನನ್ನವನು, ನಿನ್ನವ ನಾನಾಗಿರುವುದರಿಂದ ಅಮ್ಮಾ ಚಂದಿರ ನಿನ್ನವನು' ಅಂತ ಕುವೆಂಪು ಅವರ ಕವಿತೆ.
ಅದರ ಇಂಪು, ಸೊಂಪು ನೆನಪಾಯಿತು ಇದನ್ನು ಓದಿದಾಗ. ತುಂಬ ಇಷ್ಟವಾಯಿತು. ಅನುಕೂಲವಿದ್ದರೆ ನಿಮ್ಮ ಪುಟಾಣಿ ಕಿನ್ನರರು ಹಾಡಿದ್ದನ್ನ ರೆಕಾರ್ಡ್ ಮಾಡಿ ಕೇಳಿಸಿ.
ಪ್ರೀತಿಯಿಂದ
ಸಿಂಧು
ಉ: ಚಂದಿರಗೊಂದು ಕಾಗದ
ಖಂಡಿತ ಸಿಂಧು, ಪ್ರಯತ್ನ ಪಡ್ತೀನಿ. ನಿಮಗೆ ಮೆಚ್ಚುಗೆ ಆಗಿದ್ದು ನನಗೆ ತುಂಬಾ ಖುಷಿ.
ಉ: ಚಂದಿರಗೊಂದು ಕಾಗದ
ಮಹೇಶರೇ, ಬಹಳ ದೊಡ್ಡ ಮಾತು ಹೇಳಿದ್ರಿ. ಧನ್ಯವಾದಗಳು.