ಆಗ
ನನ್ನೆಲ್ಲಾ ಆಸೆ ಆಕಾಂಕ್ಷೆಗಳ
ಹಸಿವು ತ್ರಷೆಗಳ
ಅದುಮಿಕ್ಕಿ ಸಾಕಿದ್ದೆ,
ನನ್ನ ತುತ್ತನ್ನೂ ನಿನಗಿಕ್ಕಿ,
ಚಿಗುರೊಡೆದ ಕನಸ ಕಂಗಳಲಿ
ನನ್ನದೂ ಬೆರೆಸಿ
ಬೆಳೆಸಿದ್ದೆ ನಿನ್ನ

ಈಗಲೋ
ಸಮಯವೂ ಉಳಿದಿಲ್ಲ
ನಿನ್ನಲ್ಲಿ ನನಗಾಗಿ
ಇದೆಯಲ್ಲ
ನಿನ್ನ ಚಿಣ್ಣ
ನಾಳೆಯ ನೀನಾಗಿ
ನಿನ್ನಾಸೆ ಕನಸಲ್ಲೂ ಬೆರೆಯಲು

ಆದರೆ ಮಗೂ
ನೀ ಮರೆತ ವಿಷಯವೊಂದಿದೆ
ನಾಳೆ ನೀನೇ ನನ್ನ ಹಾಗಾದಾಗ
ನಿನ್ನ ಗತಿ
ನನಗೆ ಪರಿಚಿತ ಬಿಡು
ಏಕಾಕೀ ಜೀವನ
ಈ ಒಂಟಿತನ
ಇರಲಿ
ಹಾಗಾಗದಿರಲಿ

ಗೋಪಿನಾಥ ರಾವ್ ಬಿ

( ಮಂಗಳ ವಾರಪತ್ರಿಕೆಯಲ್ಲಿ ಪ್ರಕಟವಾಗಿದ್ದು)