ಗಾಳಿಪಟ: ಎರಡು+ ತಾಸುಗಳ ಪ್ಯೂರ್ ಮನರಂಜನೆ
"ಗಾಳಿಪಟ" ಶುದ್ಧ ಮನರಂಜನೆಯ ಚಿತ್ರ. ಮತ್ತೇನನ್ನಾದರೂ ಬಯಸಿ ಹೋದವರಿಗೆ ಸಿನಿಮಾ ಇಷ್ಟವಾಗಲಿಕ್ಕಿಲ್ಲ. ಗಂಭೀರವಾಗಿ ಅವಲೋಕಿಸಿ ಪ್ರಶ್ನೆಗಳನ್ನು ಕೇಳಿಕೊಂಡು ಹೊರಟರೆ ಸಿನಿಮಾ ಸ್ವಲ್ಪವೂ ಇಷ್ಟವಾಗಲಿಕ್ಕಿಲ್ಲ. ಪ್ರಸ್ತುತ ಕಾಲದಲ್ಲಿ ಹೆಣೆದ ಜನ ಕೇಳಬಯಸುವ ಫಿಕ್ಷನ್ ಇದರ ಕಥೆ. ಕಥೆಯ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದೆ ಕುಳಿತು ನೋಡಿ ನಗುವುದನ್ನು ಬಿಟ್ಟರೆ ಸಿನಿಮಾ ವೀಕ್ಷಕನಿಂದ ಇನ್ನೇನನ್ನೂ ಬಯಸುವುದಿಲ್ಲ. ಆದರೆ ಸಿನಿಮಾ ಹೆಚ್ಚು ವಲ್ಗಾರಿಟಿ ಇಲ್ಲದೆ ನಗಿಸಿ, ಹಲವೆಡೆ ಸಹಜ ಡೈಲಾಗುಗಳನ್ನ ಹೊತ್ತುಕೊಂಡು ಬಹಳ ಖುಷಿ ಕೊಡುವ ಚಿತ್ರವಾಗಿ ಮುಗಿಯುತ್ತದೆ.
ಗಣೇಶನ ಬಾಯಿಂದ witty ಡೈಲಾಗ್ಸ್ ಒಂದರಮೇಲೊಂದು ಸುರಿಯುತ್ತ ವೀಕ್ಷಕರು ಸ್ಕ್ರೀನಿಗೆ ಕಣ್ಣಿಟ್ಟು ಕೂತಿರುವಂತೆ ಮಾಡುತ್ತದೆ. ಸ್ಕ್ರೀನ್ ಪ್ಲೇ ಜೀವ ತುಂಬಿಕೊಂಡಿರುವಂತಿದೆ, ಅರ್ಥಪೂರ್ಣವಲ್ಲದಿದ್ದರೂ. ಸಂಗೀತ ಬಹಳ ಡಿಫರೆಂಟ್ ಆಗಿದ್ದು ವೀಡಿಯೋ ಹಾಡುಗಳಿಗೆ ಚೆನ್ನಾಗಿ ಹೊಂದಿಕೊಂಡಂತೆ ಮೂಡಿಬಂದಿದೆ.
ಸಿನೆಮಾಟೋಗ್ರಫಿ ಬಹಳ ಚೆನ್ನಾಗಿದೆ. ಡಿಜಿಟಲ್ ಎಫೆಕ್ಟ್ ಚೆಂದವಾಗಿ ನಂಬಿಕೆ ತರುವಂತಿದೆ (ಸಂಪೂರ್ಣವಾಗಿ ಸರಿಯಾಗಿಲ್ಲದಿದ್ದರೂ).
ನಟ ಗಣೇಶ್ ತಮ್ಮ ಪಾತ್ರಕ್ಕೆ ಸರಿಯಾಗಿ ಹೊಂದುತ್ತಾರೆ. ಡೈಸಿ ಬೋಪಣ್ಣರ ಪಾತ್ರ ಸಿನಿಮಾ ಹಾಲ್ ಬಿಟ್ಟು ಹೊರಬಂದರೂ ನೆನಪಿನಲ್ಲುಳಿಯುತ್ತದೆ. ಜೊತೆಗಿರುವ ಉಳಿದ ಕಲಾವಿದರು ಒಳ್ಳೆಯ ನಟನೆಯಿಂದ ಚಿತ್ರವನ್ನು ಮತ್ತಷ್ಟು ಉತ್ತಮವಾಗಿಸಿದ್ದಾರೆ.
ಬಹುಶಃ ಇಡೀ ಚಿತ್ರದ ಜೀವಾಳ ಅದರ ಡೈಲಾಗ್. ಚೆನ್ನಾಗಿ ಬರೆಯಲ್ಪಟ್ಟಿದೆ. ನಿರ್ದೇಶಕ ಯೋಗರಾಜ ಭಟ್ ಇಲ್ಲಿ ಒಳ್ಳೆಯ ಕೆಲಸ ಮಾಡಿದ್ದಾರೆ ಎನ್ನಬಹುದು. ಈ ಚಿತ್ರ "ಮುಂಗಾರು ಮಳೆ"ಗಿಂತ ಎಷ್ಟೋ ಉತ್ತಮ ಎನ್ನಿಸುವುದರಲ್ಲಿ ಸಂಶಯವಿಲ್ಲ.
ಚಿತ್ರಗಳು: ಚಿತ್ರಲೋಕ.com
- Login or register to post comments
- 815 hits
- Email this page
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS: 
ಪ್ರತಿಕ್ರಿಯೆಗಳು
ಉ: ಗಾಳಿಪಟ: ಎರಡು+ ತಾಸುಗಳ ಪ್ಯೂರ್ ಮನರಂಜನೆ
ಗಾಳಿಪಟ ನೋಡಿದ ಮೇಲೆ
--> ನನಗೆ ಸಿನಿಮ ನೋಡಿದ ಮೇಲೆ ಮತ್ತೆ ಗಾಳಿಪಟ ಹಾರಿಸಬೇಕು ಅನ್ಸುತ್ತಿದೆ.
--> ನಾಯಕ ಗಾಳಿಪಟದ ಮೂಲಕ ಒಲವನ್ನು ತೋರಿಸಿಕೊಡಿವ ಬಗೆ ತುಂಬ ಡಿಪರೆಂಟಾಗಿದೆ.
--> ನಗೆಗಾರ ಗಣೇಶನ ಡೈಲಾಗ್ ಟೈಮಿಂಗ್ ಇಲ್ಲೂ ಸಕ್ಕತ್ತಾಗಿದೆ.
--> ಮುಂಗಾರು ಮಳೆಗಿಂತ ಗಾಳಿಪಟ ತುಂಬ ಎತ್ತರದಲ್ಲಿದೆ.
--> "ಮಿಂಚಾಗಿ..." ಹಾಡಂತು ತುಂಬ ಚೆನ್ನಾಗಿ ಮೂಡಿಬಂದಿದೆ. ನೋಡುಗರ ಶಿಳ್ಳೆ ಈ ಹಾಡಿಗೆ ಹೆಚ್ಚು
--> ತೇಜಸ್ವಿಯವರ 'ಕರ್ವಾಲೊ' ಕಾದಂಬರಿಯ ಕೆಲವು ಅಂಶಗಳನ್ನು (ಅಲ್ಲಿ ವೋತಿಕ್ಯಾತನ ಹಿಂದೆ ಓಡುವುದು, ಇಲ್ಲಿ ಹಂದಿಯ ಹಿಂದೆ ಓಡುವುದು) ತೆಗೆದೊಕೊಳ್ಳಲಾಗಿದೆ. ಕೊನೆಗೂ ಕಾಡುಹಂದಿಯನ್ನು ಹೊಡೆಯದೆ ಇರುವುದು ಕಾಡುಪ್ರಾಣಿ ಹಿತಬಯಸುವವರಿಗೂ ಕುಸಿ ತಂದಿದೆ.( ಇದನ್ನು ಇನ್ನು ಹೆಚ್ಚು ಮನದಟ್ಟುವಂತೆ ತೋರಿಸಬಹುದಾಗಿತ್ತು ಅನ್ಸುತ್ತೆ)
--> ಕೊಡಚಾದ್ರಿ ಮೇಲೆ ಅಶ್ಟೊಂದು ಹಸಿರು ನಾನು ನೋಡಿರಲಿಲ್ಲ. ತೆರೆಯ ಮೇಲೆ ಹಸಿರೋ ಹಸಿರು.
--> ಬರಚುಕ್ಕಿಯ ಬೋರ್ಗರೆತ ನಿಮ್ಮ ಮಯ್ ಮನಗಳನ್ನು ತೋಯಿಸದೇ ಇರುವುದಿಲ್ಲ.
ಇನ್ನು ಬೇಕಾ?
---
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು
ಉ: ಗಾಳಿಪಟ: ಎರಡು+ ತಾಸುಗಳ ಪ್ಯೂರ್ ಮನರಂಜನೆ
'ಮುಂಗಾರು ಮಳೆಯ ಜೊತೆ ಹೋಲಿಸಲೇ ಬೇಕಾದರೆ, ಇದು ಮುಂಗಾರುಮಳೆಗಿಂತ ಒಳ್ಳೆಯ ಸಿನೆಮ!
ಹಂದಿ ಬೇಟೆ,ಆ ಡೈಲಾಗ್ಗಳು,ಗಣೇಶ, ಕೊಡಚಾದ್ರಿ,ಡೈಸಿ,ಅನಂತ್ ನಾಗ್ ,ರಂಗಾಯಣ ರಘು- ಎಲ್ಲಾ ಇಷ್ಟವಾಗುತ್ತದೆ.'ನಧೀಮ್ ಧೀಮ್ ತನ' ಹಾಡಿನಲ್ಲಿ ಸಾಲೊಂದು ಹೀಗಿದೆ -'ಸುಮ್ಮನೆ ತಿಳಿ, ತಿಳಿ ನಾನಾಡದ ಪದಗಳನು'..ಭಾವನಾರಾವ್ ಮಾತನಾಡುವಾಗಲೂ ಇಷ್ಟಾವಾಗುತ್ತಾರೆ.ಮಾತನಾಡದೇ ಇರುವಾಗಲೂ ಕೂಡ..ಮನೆಯಲ್ಲಿ ಎಲ್ಲರೂ ಸನ್ನಿವೇಶಗಳಲ್ಲಿ ಆಕೆಯನ್ನು ಗಮನಿಸಿ .ಸಕತ್ತಾಗಿ ಮಾಡಿದ್ದಾರೆ..
HPN ಹೇಳಿದ ಹಾಗೆ, ಸಿನೆಮಾ ಪ್ಯೂರ್ ಮನರಂಜನೆ.ನಕ್ಕು ನಕ್ಕೂ ಸುಸ್ತಾಯಿತು.
ಉ: ಗಾಳಿಪಟ: ಎರಡು+ ತಾಸುಗಳ ಪ್ಯೂರ್ ಮನರಂಜನೆ
ಬುದ್ದಿ ಓಡಿಸೋದು ಬಿಟ್ಟು ಎದೆಯಾಳದಿಂದ ನಗಬೇಕು ಅನ್ನೋರು ಈ ಸಿನಿಮಾ ನೋಡಬೇಕು. ನಿಮ್ಮ ರಿವೀವ್ ಚೆನ್ನಾಗಿದೆ.
ಉ: ಗಾಳಿಪಟ: ಎರಡು+ ತಾಸುಗಳ ಪ್ಯೂರ್ ಮನರಂಜನೆ
ಚನ್ನಾಗಿ ಹೇಳಿದಿ!
ಉ: ಗಾಳಿಪಟ: ಎರಡು+ ತಾಸುಗಳ ಪ್ಯೂರ್ ಮನರಂಜನೆ
veenadsouza
http://veenamanasu.blogspot.com/
ಒಂದೆರಡು ಹಿಟ್ ಡೈಲಾಗ್ಸ್ ಹೇಳಿ..
ಉ: ಗಾಳಿಪಟ: ಎರಡು+ ತಾಸುಗಳ ಪ್ಯೂರ್ ಮನರಂಜನೆ
ಗಾಳಿಪಟ ಚಿತ್ರವನ್ನು ನಾನೂ ನೋಡಿದೆ. ಚೆನ್ನಾಗಿದೆ. ಜಾಸ್ತಿ ತಲೆ ತಿನ್ನದೇ, ಬೋರ್ ಹೊಡೆಸದೇ ಮಜ ಕೊಡ್ತಾನೇ ಮುಗೀತು. ಪಿಕ್ಚರ್ ಅಂದ್ರೆ ಹೀಗಿರಬೇಕಪ್ಪ.
ಗಾಳಿಪಟ ನೋಡಿದ ಮೇಲೆ ಮುಂಗಾರಮಳೆ ನೋಡಿದ್ದು ನಾನು. ಇದರ ಮುಂದೆ ಮುಂಗಾರುಮಳೆ *ಸ್ವಲ್ಪ* ಎಳಸು ಅನ್ನಿಸ್ತು.
--
ನೀ ಲೋಕದ ಕಾಳಜಿ ಮಾಡುವೆನಂತಿ, ಯಾರ ಬ್ಯಾಡಂದಾರ ಮಾಡಪ್ಪ ಚಿಂತಿ - ಸಂತ ಶಿಶುನಾಳ ಶರೀಫ