ಯಾಕಾಗ್ಬಾರ್ದು? ಯಾರಿಗೂ ಮೈ-ಕೈ ನೋವಾಗದಂತೆ ಸ್ವಲ್ಪ ಹಾಸ್ಯ ಮಾಡಿ ಮಜ ತಗೊಂಡರೆ ಏನು ತಪ್ಪು? ಏಲ್ಲದಕ್ಕೂ ನಮ್ಮ ಪರಂಪರೆ ಹಾಗಲ್ಲ-ಹೀಗಲ್ಲ ಅಂತ ಬೇಲಿ ಕಟ್ಟಿಕೊಳ್ಳುವುದು ಯಾಕೆ?

ಅಷ್ಟಕ್ಕೂ ಈ ರೀತಿ ತಮಾಷೆ ಎಲ್ಲಾನಮ್ಮ ಪರಂಪರೆ ಅಲ್ಲ ಎಂದರೆ ನಿಮಗೆ ತೆನಾಲಿ ರಾಮ, "ನಗೆಗಾರ" ನಯಸೇನ ಮುಂತಾದವರು ಗೊತ್ತಿಲ್ಲ್ ಎಂದೇ ಹೇಳಬೇಕು.

ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ

ತಾವು ದಿನಾ ಟಿ.ವಿ.ಯಲ್ಲಿ ಬರುವ 'ಕುರಿಗಳು ಸಾರ್ ಕುರಿಗಳು', ಮಕ್ಮಲ್ ಟೋಪಿ ಇತ್ಯಾದಿ ಸೀರಿಯಲ್ಗಳನ್ನು ನೋಡಿಲ್ಲ ಕಾಣುತ್ತದೆ.
ಎಲ್ಲಾ ಸೀರಿಯಲ್ ಗಳೂ ನಮ್ಮನ್ನು ಖ ಖ ಖ ಮಾಡುವವೇ.
ಎಲ್ಲಾ ರಾಜಕಾರಣಿಗಳೂ " " "
ಎಲ್ಲಾ ವ್ಯಾಪಾರಿಗಳೂ " " "
ಎಲ್ಲಾರು ದಿನಾ ಖಖಖ ಮಾಡುತ್ತಿದ್ದಾರೆ ಸಾರ್.

ಆದರೆ ಎಪ್ರಿಲ್ ೧ ಹಾಗಲ್ಲ. ಎಲ್ಲರೂ ಜಾಗರೂಕರಾಗಿದ್ದಾಗಲೂ ಅವರನ್ನು(ತಮ್ಮವರನ್ನೇ) ಪೇಚಿಗೆ ಸಿಲುಕಿಸುವುದರ ಮಜವೇ ಬೇರೆ. ಆ ಕ್ಷಣಕ್ಕೆ ಬೇಸರವಾದರೂ ನಂತರ ಆಗಾಗ ನೆನೆಸಿ ಖುಷಿ ಪಡುವರು.
ಅದು ಕುರಿಗಳು,ಮಕ್ಮಲ್ ಟೋಪಿ ತರಹ ಜನಕ್ಕೆ ಹಿಂಸೆ ಆಗಬಾರದು ಅಷ್ಟೆ.
ಟಿ.ವಿ ೯ ನಲ್ಲಿ- ಕೃಷ್ಣ ಮುಖ್ಯಮಂತ್ರಿ ಅಭ್ಯರ್ಥಿ,ಧರ್ಮಸಿಂಗ್ ಜಮ್ಮು ಕಾಶ್ಮೀರದ ರಾಜ್ಯಪಾಲ..ಇತ್ಯಾದಿ ನ್ಯೂಸ್ ನೋಡಿ ನಕ್ಕೂ ನಕ್ಕೂ ಸುಸ್ತಾಯ್ತು. ಎಂದಾದರೂ ನ್ಯೂಸ್ ಗೆ ನಗುವ ಚಾನ್ಸ್ ಸಿಗುವುದಾ?
ಇದೇ ರೀತಿ 'ಸಂಪದದ ಕೊನೆಯ ದಿನಗಳು' ಒಳ್ಳೆ ಐಡಿಯ.ನಿಮ್ಮ ಪ್ರತಿಕ್ರಿಯೆಯೂ ಚೆನ್ನಾಗಿತ್ತು.

ಒಂದು ದಿನವಾದರೂ ನಮ್ಮಂತಹ ಖಖಖರಿಗೆ ಮೀಸಲಿರಲಿ.
ಗಣೇಶ.

ನನ್ನ ಅನಿಸಿಕೆಗಳಿಗೆ ಪ್ರತಿಕ್ರಿಯಿಸಿರುವುದಕ್ಕೆ ಧನ್ಯವಾದಗಳು. ನನಗೆ ತಿಳಿದಂತೆ ತೆನಾಲಿ ರಾಮಕೃಷ್ಣ, ನಯಸೇನ, ಬೀರಬಲ್ ಇವರೆಲ್ಲರೂ ಬುದ್ದಿವಂತರು. ವಿನಾಕಾರಣ ಯಾರನ್ನೂ ತಮಾಶಿ ಮಾಡಿ ಮಜ ತೆಗೆದುಕೊಂಡವರಲ್ಲ. ಯಾರಾದರೂ ತಮ್ಮನ್ನಾಗಲೀ, ತಮ್ಮನ್ನಾಳುತ್ತಿದ್ದ ರಾಜರನ್ನಾಗಲೀ ಮೂರ್ಖರನ್ನಾಗಿಸಲು ಬಂದರೆ, ಅದಕ್ಕೆ ಮಾರುತ್ತರವನ್ನು ಅದೇ ವರಸೆಯಲ್ಲಿ ನೀಡುತ್ತಿದ್ದರು. ತಮ್ಮ ದೊರೆಯೇ ಮೂರ್ಖತನವನ್ನು ತೋರಿದಾಗ, ಅದಕ್ಕೂ ಅವರು ಜಾಣ್ಮೆಯ ಉತ್ತರ ನೀಡಿ, ದೊರೆಯ ಅಜ್ಞಾನವನ್ನು ಹೋಗಲಾಡಿಸುತ್ತಿದ್ದರು. ಅವರು ನಡೆಸುತ್ತಿದ್ದುದು ಒಂದು ರೀತಿಯ ಮಾರಲ್ ಟೀಚಿಂಗ್. ಅವರಾಗಿಯೇ ಎಂದೂ ಯಾರನ್ನೂ ಮೂರ್ಖರನ್ನಾಗಿಸಿದ ಕಥೆಯನ್ನು ನಾನೆಲ್ಲೂ ಓದಿಲ್ಲ, ಕೇಳಿಲ್ಲ. ತಮ್ಮಲ್ಲಿ ಯಾರಿಗಾದರೂ ಈ ನನ್ನ ಅನಿಸಿಕೆಗಳಿಗೆ ವಿರುದ್ದವಾದ ಕಥೆಯೊಂದಾದರೂ ಗೊತ್ತಿದ್ದರೆ, ದಯವಿಟ್ಟು ತಿಳಿಸಿ.
ಅಲ್ಲದೆ, ಈ ಮೂರ್ಖರ ದಿನ ಹಾಗು ಇನ್ನಿತರ ದಿನಗಳು ಪಾಶ್ಚಿಮಾತ್ಯರ ಅಂಧಾನುಕರಣೆ ಎಂದೇ ನನ್ನ ಅನಿಸಿಕೆ. ವಿಶ್ವಕ್ಕೇ ನಾಗರಿಕತೆಯ ವಿಶ್ವವಿದ್ಯಾಲಯವಾಗಬಲ್ಲ ಭಾರತಕ್ಕೆ ಇವೆಲ್ಲಾ ಬೇಕೆ?
ಎ.ವಿ. ನಾಗರಾಜು

ಎ.ವಿ.ನಾಗರಾಜು ರವರ ಅಭಿಪ್ರಾಯಕ್ಕೆ ನನ್ನದೂ ಸಹಮತವಿದೆ. ಏಪ್ರಿಲ್ ಒಂದು ಮೂರ್ಖರ ದಿನ ಎಂದು ಬಾಲಿಶವಾದ ತಂತ್ರಗಳನ್ನು ಮಾಡುತ್ತಾ ಇತರರನ್ನು ಮೂರ್ಖರನ್ನಾಗಿಸಲು ಪ್ರಯತ್ನಿಸುವವರೇ ನಿಜವಾದ ಮೂರ್ಖರು. ಮೂರ್ಖರ ದಿನ ಹೇಗೆ ರೂಢಿಗೆ ಬಂತು ಎಂದು ತಿಳಿದುಕೊಳ್ಳದಿರುವ ಮೂರ್ಖರು ಸುಮ್ಮನೇ ಅಂಧಾನುಕರಣೆ ಮಾಡಿ ಮೂರ್ಖರಾಗುತ್ತಿರುವುದನ್ನು ನೋಡಬಹುದು.