ಕರ್ನಾಟಕದಲ್ಲಿ ಇತೆರ ಭಾಷೆಗಳವರು ಇರುವುದಕ್ಕೆ ಕೆಲ ಐತಿಹಾಸಿಕ ಕಾರಣಗಳು ಇಂತಿವೆ:

ಮುಸ್ಲಿಮ್ ದೊರೆಗಳ ಆಡಳಿತ ( ದಕ್ಷಿಣದಲ್ಲಿ ಹೈದರಾಲಿ, ಟಿಪ್ಪುಸುಲ್ತಾನ್, ಅತ್ತ ಉತ್ತರದಲ್ಲಿ ಆದಿಲ್ಶಾಹಿ, ಬಹಮನಿ ನಂತರ ಹೈದರಾಬಾದಿನ ನಿಜಾಮ) - ಇದರಿಂದ ಉರ್ದು ಭಾಷಿಕರು ಜಾಸ್ತಿಯಾಗಿರಲಬಹುದು.

ಹಳೆಯ ಮೈಸೂರಿನಲ್ಲಿ ತಮಿಳರು - ಇದು ಮೈಸೂರು ಒಡೆಯರ ಕಾಲದಿಂದ ಆದದ್ದು. ದಿವಾನ್ ಶೇಷಾದ್ರಿ ಅಯ್ಯರ್‍ ಕಾಲದಿಂದ ಶುರುವಾಯಿತು ಅನ್ನುತ್ತಾರೆ. ಆಮೇಲೆ ತಮಿಳು ವಿರೋಧಿ ಹೊಗೆ ಶುರುವಾಗಿ Mysore for Mysorians ಅಂತ ಗಲಾಟೆ ಆಗಿತ್ತು ಅಂತ ಎಲ್ಲೋ ಓದಿದ್ದು.

ಉತ್ತರ ಕನಾಟಕದಲ್ಲಿ ಮರಾಠಿಗರು - ಉತ್ತರ ಕರ್ನಾಟಕದ ಒಂದು ಭಾಗ ಬ್ರಿಟಿಷರ ಕಾಲದಲ್ಲಿ ಮುಂಬಯಿ ಪ್ರೆಸಿಡೆನ್ಸಿಗೆ ಸೇರಿತ್ತು. ಆ ಕಾಲದಲ್ಲಿ ಮರಾಠಿಗರು ಬೇಕಾದಷ್ಟು ಜನ ಇಲ್ಲಿಗೆ ಬಂದಿರಬೇಕು. ( ಹಾಗೇ ಇಲ್ಲಿಂದ ನಮ್ಮವರು ಮುಂಬಯಿ ಸೇರಲಿಕ್ಕೂ ಬಹುಷಃ ಅದೇ ಕಾರಣ)

ಆಂಧ್ರ ಗಡಿಯಲ್ಲಿ ತೆಲುಗರು - ವಿಜಯನಗರದ ರಾಜರು ಕನ್ನಡ , ತೆಲುಗು ಎರಡನ್ನೂ ಪೋಷಿಸಿದರು. ಹಾಗಾಗಿ ಆ ಕಾಲದಲ್ಲಿ ತೆಲುಗರು , ಕನ್ನಡಿಗರು ಪರಸ್ಪರರ ನಾಡಿನಿಂದ ಅತ್ತಿತ್ತ ಹೋಗಿರಬಹುದು. ಅದಕ್ಕೇ ಬಳ್ಳಾರಿಯಲ್ಲಿ ತೆಲುಗರಿದ್ದರೆ ಆದೋನಿ , ಮಂತ್ರಾಲಯಗಳಲ್ಲಿ ಕನ್ನಡಿಗರಿದ್ದಾರೆ.

ಬೇ ಏರಿಯಾ ( ಸ್ಯಾನ್ ಹೊಸೆ, ಸ್ಯಾನ್ ಫ್ರಾನ್ಸಿಸ್ಕೋ ಪ್ರದೇಶ) ದಲ್ಲಿ ಸುಮಾರು ಐದರಿಂದ ಎಂಟು ಸಾವಿರ ಕನ್ನಡಿಗರಿರಬಹುದು ಅನ್ನುವುದು ನನ್ನ ಅಂದಾಜು.

ಸಾಂಟಾ ಕ್ಲಾರಾ ಕೌಂಟಿಯಲ್ಲಿ ಸುಮಾರು ೮೦೦೦೦ ಭಾರತ ಮೂಲದವರಿದ್ದಾರೆ - ಅದರ ೧೦% ಆದರೂ ಕನ್ನಡದವರಿರಬಹುದು ಎನ್ನಿಸುತ್ತೆ. ಆಗ, ನನ್ನ ಎಂಟು ಸಾವಿರ ಅಂದಾಜೂ ಸ್ವಲ್ಪ ಕಮ್ಮಿ ಇರಬಹುದು.

ಅಲ್ಲದೆ, ಉತ್ತರ ಕ್ಯಾಲಿಫೋರ್ನಿಯ ಕನ್ನಡಕೂಟದ ( ಹೆಸರು ಉತ್ತರ ಕ್ಯಾಲಿಫೋರ್ನಿಯ ಅಂತಿದ್ದರೂ, ಇದು ಕೊಲ್ಲಿ ಪ್ರದೇಶಕ್ಕೇ ಸೀಮಿತ ಎನ್ನಬಹುದು) ಕಾರ್ಯಕ್ರಮಗಳಲ್ಲಿ ೧೦೦೦-೧೨೦೦ ಜನ ಭಾಗವಹಿಸುವುದು ಮಾಮೂಲು. ಅಲ್ಲದೆ, ನನ್ನ ಪರಿಚಿತರಲ್ಲಿ ಸುಮಾರು ೪ ಜನ ಕನ್ನಡಿಗರಲ್ಲಿ ಒಬ್ಬರು ಎನ್ನುವ ಹಾಗೇ ಕನ್ನಡಕೂಟದಲ್ಲಿ ಬರುವುದು. ಆ ರೀತಿಯಾಗಿ ನೋಡಿದರೂ, ಕಡಿಮೆ ಎಂದರೆ ೫೦೦೦ ಕನ್ನಡಿಗರಿರಬೇಕು.

-ಹಂಸಾನಂದಿ
ನನ್ನ (mostly) ಇಂಗ್ಲಿಷ್ ಬ್ಲಾಗ್ - ಅಲ್ಲಿದೆ ನಮ್ಮ ಮನೆ:- http://neelanjana.wordpress.com/
ನನ್ನ ಪಾಡ್‍ಕಾಸ್ಟ್ ಗಳು - http://hamsanandi.mypodcast.com/