In Memoriam
~ Dr. Raj Kumar ~
1929-2006

ಕನ್ನಡ ಕಣ್ಮಣಿ ಡಾ||ರಾಜ್ ರವರಿಗೆ ಇಂದು ಎಪ್ಪತ್ತೊಂಬತ್ತು ವರ್ಷಗಳು ತುಂಬುತ್ತವೆ.ಅಣ್ಣಾವ್ರಿಗೆ ನಮ್ಮೆಲ್ಲರ ಪರವಾಗಿ ಹುಟ್ಟು ಹಬ್ಬದ ಶುಭಾಶಯಗಳು!!

ಇಂದಿನ ದಿನ ಕನ್ನಡಿಗರಿಗೆ ಶುಭ ದಿನ ನಮ್ಮ ಪ್ರೀತಿಯ ರಾಜ್ ಹುಟ್ಟಿದ ದಿನ.ಅವರ ಕೊಡುಗೆ ಅಪಾರ ಆದ್ದರಿಂದಲೇ ಅವರು ನಮಗೆಲ್ಲರಿಗೂ ಹೃದಯದಷ್ಟು ಹತ್ತಿರ.

ಅವರ ಸರಳತೆ,ಹೃದಯ ವೈಶಾಲ್ಯತೆ,ಜನರೆಡೆಗೆ ಅವರಿಗಿದ್ದ ಅಪಾರವಾದ ಪ್ರೀತಿ ನಮಗೆಲ್ಲ ಮಾದರಿಯಾಗಿ ಉಳಿದಿವೆ.ಬೇರಾವ ನಟನೂ ಬಹುಶಃ ಅವರೇರಿದ ಎತ್ತರವನ್ನೇರಲಾರ.ಅವರಷ್ಟು ಹೃದಯಕ್ಕೆ ಹತ್ತಿರವಾಗಲಾರ.ಕಾರಣ ಅವರ ನಿಷ್ಕಲ್ಮಶ ಮನಸ್ಸು ಮತ್ತು ಅವರ ವ್ಯಕ್ತಿತ್ವ.

ನಮಗೆ ರಾಜ್ ಎನ್ನುವುದು ಕನ್ನಡ, ಕರ್ನಾಟಕದಷ್ಟೆ ಸುಸ್ಪಷ್ಟ.ಯಾವ ಹಲ್ಲಿ ಲೊಚಗುಟ್ಟಿದರೂ ನಮಗೆ ನಮ್ಮ ತಾಯ್ನೆಲದ ಮೇಲೆ,ಭಾಷೆಯ ಮೇಲೆ ಹಾಗು ರಾಜ್ ಮೇಲಿರುವ ಅಭಿಮಾನ ಕಿಂಚಿತ್ತೂ ಕಡಿಮೆಯಗುವುದಿಲ್ಲ.
ಅವರ ಪ್ರತಿಭೆಯನ್ನು ಪ್ರಶ್ನಿಸುವ ಯೋಗ್ಯತೆ ಯಾರಿಗೂ ಇಲ್ಲ.ಇಷ್ಟೆಲ್ಲ ಬರೆಯಲು ಕಾರಣ ಇತ್ತಿಚೆಗೆ ಹಲ್ಲಿಗಳು ಜಾಸ್ತಿ ಲೊಚಗುಟ್ಟಿದ್ದರಿಂದ.ಕನ್ನಡ ಬಿಟ್ಟು ಬೇರಾವ ಭಾಷೆಯಲ್ಲೂ ನಟಿಸಲ್ಲೊಲ್ಲೆ ಎಂದ ದಿವ್ಯ ಕನ್ನಡ ಪ್ರೇಮಿ ನಮ್ಮ ರಾಜ್.ಇಲ್ಲಿ ನೆಲೆಯೂರಿರುವ ಎಲ್ಲರೂ ರಾಜ್ ರಂಥ ವ್ಯಕ್ತಿಗೆ ವ್ಯಕ್ತಿತ್ವಕ್ಕೆ ತಲೆಬಾಗಿ ನಮಿಸೋಣ. ಮತ್ತೊಮ್ಮೆ ಕನ್ನಡದ ರಾಜ ಹುಟ್ಟಿ ಬರಲಿ ಎಂದು ಹಾರೈಸೋಣ.

ಕನ್ನಡಕ್ಕೂ,ಕನ್ನಡಿಗರಿಗೂ ನನ್ನ ಪ್ರೀತಿಯ ನಮಸ್ಕಾರಗಳು.

-ನಿಮ್ಮ ಮನೆ ಹುಡುಗ,
ಸುಶೀಲ್.