ಸಮಸ್ಯೆಗಳ ಸುಳಿಯಲ್ಲಿ

ಮಣ್ಣಾಗಿ ಬಿದ್ದಿದ್ದೆ ನಾನಾಗ ಉದ್ದೇಶರಹಿತ ಜಡವಾಗಿ,
ನಿಧಿ ತುಂಬುವಾಸೆ ಚಿಗುರಿತಾಗ, ಮಡಕೆಯಾಕಾರ ನಾತಾಳಿದಾಗ,
ಬದುಕುವಾಸೆ ಉಂಟಾಯ್ತು ನೂರಾರು ಕನಸುಗಳ ಹೊತ್ತು,
ಆದರೇನಿದು ತಲೆಯೆಲ್ಲಾ ಭಾರ ನಿಧಿಯಲ್ಲ ತುಂಬಿರುವುದೆನ್ನಲ್ಲಿ!
ಅಲ್ಲೊಂದು ಇಲ್ಲೊಂದು ಎಂದು ಮೊದಲಾಯ್ತು
ಧುತ್ತೆಂದು ಎದುರಾಯ್ತು ನೂರು ಸಾವಿರ ಲಕ್ಷ,
ಕಣ್ಣಿಟ್ಟಲ್ಲೆಲ್ಲಾ ಕಾಡುತಿವೆ ರಕ್ಕಸಾಕೃತಿಯ ಕಲೆಗಳು
ಉಂಟಾಯ್ತು ಎಲ್ಲೆಲ್ಲೂ ಅನಂತಾನಂತ ಸಮಸ್ಯೆಗಳು
ದಿನದಿಂದ ದಿನಕೆ ಹೆಚ್ಚುತಿರುವಾಗ ನಾಲಿಗೆಯ ಚಾಚಿ ನುಂಗುತಿರುವಾಗ
ದೃತಿಗೆಡುವ ಹೃದಯ ನಲುಗುತಿಹುದಿಲ್ಲಿ
ಹೌದು, ಬದುಕಿಹುದು ಸಮಸ್ಯೆಗಳ ಸುಳಿಯಲ್ಲಿ.