ಮುಂದಿನ ದಾರಿ
ಮತ್ತೊಂದು ದಿನ ಮತ್ತೊಂದು ಹಾಡು
ಭಾರವೆನಿಸಿತು ಮನ ಮತ್ತದೇ ಪಾಡು
ಹತ್ತಿಳಿಯಿತು ಎಲ್ಲಿಂದೆಲ್ಲಿಗೆ
ಅದೃಷ್ಟ
ಪಾದರಸದಂತೆ ಹೊತ್ತಿನೊಡನಾಡಟದಲಿ
ಉಳಿಯಬಾರದೆ ಕೊಂಚ
ಮಿಗಲಿಲ್ಲ ಒಂದಿನಿತು ಹರಿದರಿದು ಸೋರಿ
ಕೊನೆಯಿರದ ತೊರೆಯಾಯ್ತು
ಸಮಯ
ಆಲೋಚನೆಯು ಹುತ್ತ ಇರುವೆಗಳ
ಬಯಲಾಯ್ತು ಜೀವನ
ದಾಟಬಲ್ಲೆನೆ ನಾ ಅಡೆತಡೆಗಳ ಮೀರಿ
ಹಿಡಿದಿಟ್ಟಂತೆ ನಿಲ್ಲದ ಮನ
ಒಲ್ಲದ ದೇಹ
ವಿಧಿ ಬರೆದಿಟ್ಟಂತೆ ಗೆರೆ
ದೌರ್ಬಲ್ಯಗಳ
ಮೀರಬಲ್ಲೆನೆ ನಾ ದೃಢತೆಯ ತೋರಿ
ಕ್ಷಣ ಸ್ವರ್ಣ ಅಚಲ ನಂಬಿಕೆಯೊಡಗೂಡಿ
ಬಿಡಬಿಡದ ಛಲ
ಸಾಧನೆಯ ಅಕ್ಷೌಹಿಣಿ ಬಲದಲಿ
ತೋರೆಲೆ ಮನ
ನನ್ನದಾಗಬಹುದಾದ ಮುಂದಿನ ದಾರಿ

- Login or register to post comments
- 154 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ



- ನಿರ್ವಾಹಕರ ಗಮನಕ್ಕೆ ತನ್ನಿ

RSS: