ಇದಾದದ್ದು ೫-೬ ತಿಂಗಳ ಹಿಂದೆ. ಭಾರತದಿಂದ ಬಹಳ ದೊರವಿರುವ ಕಾರಣ ತಿಂಗಳಿಗೊಮ್ಮೆ ಬೆಂಗಳೊರಿನಲ್ಲಿರುವ ಕುಟುಂಬದವರಿಗೆಲ್ಲ ದೊರವಾಣಿ ಕರೆ ಮಾಡುವುದು ನನ್ನ ಪ್ರತಿ ತಿಂಗಳ ಕ್ರಿಯೆಯಾಗಿತ್ತು. ಅಂದು ನನಗೆ ಮದ್ಯ ರಾತ್ರಿ, ಮನೆಗೆ ಒಂದು ಕರೆ ಮಾಡೋಣವೆಂದು ನನ್ನ ಮೊಬೈಲ್ ತೆಗೆದೆ. ಅದು ಅಲ್ಲದೆ ಕಳೆದ ವರ್ಷವಷ್ಟೆ ನನ್ನ ಅಕ್ಕನ ಮಗಳು ಜನಿಸಿದ್ದಳು. ನಮ್ಮ ಕುಟುಂಬದಲ್ಲಿ ನನ್ನ ಅಕ್ಕ ಬಿಟ್ಟರೆ ಈ ಮಗುವೆ ಮತ್ತೊಂದು ಹೆಣ್ಣು, ಆದಕಾರಣ ನನಗೆ ಈ ಮಗುವನ್ನು ಕಂಡರೆ ಬಹಳ ಅಕ್ಕರೆ. ಮೊಬೈಲ್ ಗುಂಡಿಯನ್ನು ಒತ್ತಿದ ೫ ಸೆಕೆಂಡ್ನಲ್ಲಿ ಕರೆ ಮನೆ ಸೇರಿತು. ಅಲ್ಲಿಂದ ನಮ್ಮ ಅಜ್ಜಿ ರಿಸೀವರ್ ಕೈ ಹಿಡಿದು ಹಲೊ..., ಏನೊಪ್ಪ, ಇಷ್ಟು ದಿವ್ಸವಾಯ್ತು, ಹೇಗಿದ್ದೀಯ, ಊಟ ಆಯ್ತ, ಏನು ಅಡುಗೆ ಮಾಡಿದ್ದೆ ಅಂದ್ರು.

ನಾನು ಇಲ್ಲಿನ ಚಳಿಗೆ ನಡುಗುತ್ತ ಚನ್ನಾಗಿದ್ದಿನಿ ಅವ್ವ (ಅಜ್ಜಿ) , ಊಟ ಆಯ್ತು, ಬೇಳೆ ಸಾರು, ಅನ್ನ ಮಾಡಿದ್ದೆ. ಈ ಅಡುಗೆ ಕಷ್ಟ ನಮ್ಮ ಶತ್ರುಗೊ ಬೇಡ, ದಿನದ ಗಂಟೆಗಳೆಲ್ಲ ಅದ್ರಲ್ಲೆ ಹೊಗ್ಬಿಡುತ್ತದೆ, ಹೇಗು ನಮ್ಮ ಅಕ್ಕಂಗೆ ಹೆಣ್ಣು ಹುಟ್ಟಿದೆ, ಬೇಗ ಬೆಳೆದು ದೊಡ್ಡವಳಾದ್ರೆ ನನಗೆ ಅಡುಗೆ ಮಾಡಿಕೊಡೊಕೆ ಸಹಾಯವಾಗುತ್ತೆ ಅಂದೆ...!

ಅದಕ್ಕೆ, ನಮ್ಮ ಅಜ್ಜಿ ಹೌದು ಹೌದು, ಅದು ಸರಿ...! ಈ ಮಗು ಬೆಳೆಯೊಷ್ಟ್ರಲ್ಲಿ ನಿನ್ನ ತಲೆ ಬೆಳ್ಳಗಾಗುತ್ತೆ ಅಂದ್ರು.

ನಾನು, ಮಗು ಮನೆನಲ್ಲಿ ಇದ್ಯ ಅಂದೆ, ಅದಕ್ಕೆ ನಮ್ಮ ಅಜ್ಜಿ ಹೌದು ಮನೆ ನಲ್ಲಿ ಇದ್ದಾಳೆ. ಆದ್ರೆ ನೀನು ಯಾಕೆ ತಡವಾಗಿ ಪೋನ್ ಮಾಡಿದೆ. ಆಗ್ಲೆ ಅವಳು ಮಲಗಿ ಬಿಟ್ಳು ಅಂದ್ರು.

ನನಗೆ ಎಲ್ಲಿಲ್ಲದ ಬೇಸರ. ಅಂತಹ ಚಳಿನಲ್ಲಿ ಕರೆಮಾಡಿದೆ ಮಗುವಿನ ರಾಗಾನೊ, ಕೊಗೊ ಏನನ್ನು ಕೇಳೊಕೆ ಆಗ್ಲಿಲ್ವಲ್ಲ ಅಂತ.

ತಕ್ಷಣ ನಾನು ನಮ್ಮ ಅಜ್ಜಿಗೆ, ಹೌದ ಮಲಗಿಬಿಟ್ಳ ? ನಾನು ಕರೆ ಮಾಡಿದ್ದೇನೆ ಅಂತ ಹೇಳಿ ಮಗು ಮೈ ಗಿಂಟಿ ಎಬ್ಬಿಸಿ ಅಂದೆ.... ?

ಅದಕ್ಕೆ ನಮ್ಮ ಅಜ್ಜಿ ನಾನು ಅಂದಿದ್ದೆ ಸರಿ ಅಂತ ಮಗುವಿನ ಅಣ್ಣಂದಿರನ್ನ ಕರೆಸಿ "ಲೊ ನಿಮ್ಮ ತಂಗೀನ ಎತ್ಕೊಂಡು ಬನ್ರೊ ಅಂದ್ರು..!"

ನಾನು ಒಂದು ಕ್ಷಣ ಮಂಕಾಗಿ "ಎನ್ ಮಾಡ್ತಾ ಇದ್ದೀಯ ಅವ್ವ ಅಂದೆ", ಅದಕ್ಕೆ ನಮ್ಮ ಅಜ್ಜಿ, ನೀನೆ ಹೇಳಿದ್ಯಲ್ಲ "ಮಗು ಮೈ ಗಿಂಟಿ ಎಬ್ಬಿಸು ಅಂತ, ಅದಕ್ಕೆ ಮೈ ಗಿಂಟೋಕೆ ಹೇಳ್ತಾ ಇದ್ದೀನಿ" ಅನ್ನೋದೆ...!!

ನಾನು ಅರೆಕ್ಷಣ ನಕ್ಕು, ಅಲ್ಲ ಅಜ್ಜಿ ನಾನು ಮೈ ಗಿಂಟಿ ಅಂದ್ರೆ ನೀವು ಗಿಂಟೊಕೆ ಹೋಗ್ಬಿಡೋದೆ, ನಾನು ತಮಾಷೆ ಮಾಡಿದೆ ಅಂದೆ.

ನಮ್ಮ ಅಜ್ಜಿ ಹೌದೆ, ನೀನು ಹಾಗೆ ಅಂದ್ಯ ಅಂದ್ರು....!

ನಾನು ನನ್ನ ಮನಸಿನಲ್ಲಿ, ಸದ್ಯ ಮೈ ಗಿಂಟೋಕೆ ಮಾತ್ರೆ ಹೇಳಿದೆ, ಇನ್ನೇನಾದರು ನಾನು ಹೇಳಿ ನಮ್ಮ ಅಜ್ಜಿ ಅದನ್ನೆ ಮಾಡಿದ್ರೆ ಏನು ಗತಿ ಅಂದ್ಕೊಂಡೆ?

ಕೃಷ್ಣ ಪರಮಾತ್ಮ, ನಮ್ಮ ಅಜ್ಜಿ ಜೊತೆ ಮಾತು ಅಸಾದ್ಯ ಮತ್ತು ಎಚ್ಚರ ಅಂದುಕೊಂಡು ಅಂದಿನ ಕರೆಯನ್ನ ಕಟ್ ಮಾಡಿದೆ.

ನೀವೆ ನೋಡಿ, ಹೀಗು ಉಂಟೆ ನಮ್ಮಜ್ಜಿ......... ??

-ಯುವಪ್ರೇಮಿ