ಅವರ ಸತ್ಯ ಇವರ ಸತ್ಯ ಹೇಗೆ ಪಥ್ಯ ಬರೀ ಸದ್ದು ಕಲರವ
ಸತ್ಯದಾಳ ತಿಳಿಯದೆ ತೇಲಿ ವಿಹರಿಸಿ ಮೇಲ್ಪದರದ ಮಿಥ್ಯೆಯಲಿ
ವ್ಯರ್ಥ ಜಿಜ್ಞಾಸೆ ಚರ್ಚೆಯಾಯಿತು ಸುದ್ದಿಗೆ ಗ್ರಾಸ ಇನ್ನೇನು ಫಲ
ಮರೆತರೆ ಸೌಂದರ್ಯ ಪ್ರಜ್ಞೆಯ - ಶಿವ ಸತ್ಯದ ಆಳವ ಅಗಾಧವ

ಆಳ್ವ ಜನದ ಸಂಸ್ಕೃತಿ ನಿಜ ಪ್ರಕೃತಿ ತಿಳಿಯದ ವಿಕೃತಿ
ಅಂಧ ಸಂಸ್ಕೃತಿ ವಿಜೃಂಭಣೆ ನಿಜ ಸಂಸ್ಕೃತಿ ಪರೀಕ್ಷಣೆ
ಒಣ ವೇದಾಂತಿ ಬಾಯಿ ಬಡುಕರ ಮನ್ನಣೆ ಇದೇ ಇಂದಿನ ಕಾಲ ಹರಣೆ
ತೃಪ್ತಿ ಕೇರಿ ಕೇಳಿಗಳಲ್ಲಿ ಕಾಲವಿಕ್ಷೇಪ ಮಾಡಿ ಕಂದಾಚಾರಣೆ

ಬರಲಿ ಒಪ್ಪ ಓರಣ, ಕೂಡಿ ಕಳೆದ ಸಂಶೋಧ ಜ್ಞಾನ ವೀಕ್ಷಣೆ
ಸಾಮಗಾನ, ಸಾಮ್ಯ ಸ್ವಾಮ್ಯಕಾಗಲಿ ಪ್ರೇರಣೆ ನಿಲ್ಲಲಿ ದಂಡನೆ
ಚದುರಲಿ ಆವರಣ ಕಾರ್ಮೋಡ ಕಾಣಲಿ ಮಧುರ ಸತ್ಯ ನೀಲಿಮೆ
ಶ್ರಮಿತ ಮಧುರ ಕುಲಕೆ ಬರಲಿ ಸಾಂತ್ವನ, ಶಾಂತಿ ಅನುದಿನ