’ಕೊಲ್ಲುತಿದೆ ನನ್ನ ದಿನಾಲೂ’ ಅಂತ ಹೇಳಿರುವದಾದರೆ, ಅದು ’ದಿನವೂ’ ಅಂತಾಗಬೇಕು. ’ನನ್ನ ದಿನವನು ಈ ನೋವು ಕೊಲ್ಲುತಿದೆ’ ಅಂತ ಆದರೆ ’ಕೊಲ್ಲುತಿದೆ ನನ್ನ ದಿನವ’ ಅಂತಾಗಬೇಕು.
’ನನಸಿನಲ್ಲೇಕೆ ನೀ ಕೊಟ್ಟೆ ನೋವು’ ಈ ಸಾಲು ಯಾಕೋ ಸರಿ ಅಂತ ತೋರುತ್ತಿಲ್ಲ. ನೋವನು ಇಲ್ಲವೇ ನೋವ ಅಂತಿರಬೇಕು ಅನಿಸುತ್ತೆ. ಯಾಕೆ ಅಂತ ಬಿಡಿಸಿ ಹೇಳುವದು ಎಡರು. ’ನನಗಾಗುತಿದೆ ನೋವು’, ’ಈ ಒಲವಿಂದ ಸಿಕ್ಕಿತು ನೋವು’ ಈ ಸಾಲುಗಳಲ್ಲಿ ಬರುವ ’ನೋವು’, ಮತ್ತು ಆ ಸಾಲಿಗೂ ಹೋಲಿಕೆ ಮಾಡಿ, ತಿಳಿಯಬಹುದು.
’ಎಂದಿಗೆ ಕೊಡುವೆ ನಿನ್ನಯ ಒಲವು’ ಅನ್ನುವಲ್ಲಿಯೂ ಅದು ’ಒಲವ’ ಆಗಿರಬೇಕು ಅನಿಸುತ್ತದೆ. ’ಅಮರವಾಗಲಿ ಈ ನಮ್ಮ ಒಲವು’,.. ’ನಿನಗಾಗಿ ಮುಡಿಪು ಈ ನನ್ನ ಒಲವು’ ಇಂತ ಸಾಲುಗಳಲ್ಲಿ ಬರುವ ಒಲವು, ಮತ್ತು ’ಎಂದಿಗೆ ಕೊಡುವೆ ನಿನ್ನಯ ಒಲವು’, ಎರಡನ್ನೂ ಹೋಲಿಕೆ ಮಾಡಿದರೆ, ಅದು ’ಒಲವ’ ಆಗಿರಬೇಕು ಅನಿಸುತ್ತೆ, ಅಲ್ಲವೇ?