ಬಸ್ ಸ್ಟಾಪ್‌‍ಗೆ ಬರುತ್ತಿದ್ದಂತೆ ಅವಳ ಮನದಲ್ಲಿ ಆತಂಕ ಎಂದಿನಂತೆ ಇಂದೂ ಸೀಟ್ ಸಿಗುವುದಿಲ್ಲ ಆದರೆ ಬಸ್ ಮಿಸ್ ಆದರೆ ಮತ್ತೆ ಆ ಕೆಟ್ಟ ಮೂತಿಯ ಬಾಸ್‍ನ ಹತ್ತಿರ ಉಗಿಸಿಕೊಳ್ಳಬೇಕು .
"ಬೆಳಗ್ಗೆ ಬೇಗ ಎದ್ದ್ದೇಳ್ರಿ ಯಾಕೆ ರಾತ್ರಿ ನಿದ್ದ್ದೆ ಬರೋದಿಲ್ವಾ ?" ಅಂತ ಕುಹಕ ಪ್ರಶ್ನೆ ಬೇರೆ .
ಮನೇಲಿ ಕಾಯಿಲೆ ಬಿದ್ದ ಅಮ್ಮಂಗೆ , ಡ್ಯೂಟಿಗೆ ಟೈಮ್ ಆಗಿರೋ ಅಪ್ಪನಿಗೆ ಕಾಲೇಜಿಗೆ ಹೋಗೊ ತಮ್ಮಂಗೆ ಅಡಿಗೆ ಮಾಡಿ ತಿಂಡಿ ಮಾಡಿ ಬರುವಷ್ಟಲ್ಲಿ ಮಾಗಿ ಹೋಗುತ್ತಿರುವ ವಯಸನ್ನು ಲೆಕ್ಕಿಸಲೂ ಸಮಯವಾದರೂ ಎಲ್ಲಿದೆ?.
ಎಲ್ಲಿದ್ದಾನೋ ಆ ಪುಣ್ಯಾತ್ಮ ಮದುವೆಯಾಗಲು ಬರುವವನು ತನ್ನ ಕಷ್ಟವನ್ನೆಲ್ಲಾ ದೂರ ಮಾಡಿದರೆ ಸಾಕು.

ಅವಳು ಬಸ್ ಸ್ಟಾಂಡ್ ತಲುಪಿಯೇ ಇರಲಿಲ್ಲ ಅಷ್ಟರಲ್ಲಿ ಅವಳನ್ನು ದಾಟಿಕೊಂಡು ಬಸ್ ಮುಂದೆ ಹೋಗಿ ನಿಂತಿತು .
ಬಸ್ ಹೋಗಿ ಬಿಡುತ್ತದೆ ಎಂಬ ಆತಂಕದಿಂದ ತನ್ನ ಶಕ್ತಿಯನ್ನೆಲ್ಲಾ ಬಿಟ್ಟು ಓಡಿದಳು ಬಸ್ ಸ್ಟಾರ್ಟ್ ಆಗಿಯೇ ಬಿಟ್ತಿತು ಹಾಗು ಮುಂದೆ ಓಡುತಿದ್ದವಳಿಗೆ ಹಿಂದಿನ ಬಾಗಿಲಿನಿಂದ ಒಂದು ಚಾಚಿದ ಕೈ ಕಾಣಿಸಿತು.
ಚಾಚಿದ ಕೈ ಇವಳನ್ನು ಕರೆಯುತ್ತಿತ್ತು
ಆ ಕೈ ಹಿಡಿದಳು ಆತ ಅವಳನ್ನು ಹಿಡಿದು ಮೇಲೆ ಹತ್ತಿಸಿದ
ಜನ ಜಂಗುಳಿಯಿಂದ ಬಸ್ಸು ಅರೆಗತ್ತಲ್ಲಾಗಿತ್ತು
ಅವಳು ಇನ್ನೂ ಸಾವರಿಸಿಕೊಂಡಿರಲಿಲ್ಲ . ಬಸ್ ತುಂಬ ಜನವೋ ಜನ ಸ್ವಲ್ಪ ಹೊತ್ತು ಹಾಗೆ ನಿಂತಿದ್ದಳು. ನಂತರ ತಾನು ಅವನ ಮೇಲೆ ಒರಗಿದ್ದು ಗಮನಕ್ಕೆ ಬಂದಾಗ ಸಂಕೋಚದಿಂದ ದೂರ ಸರಿದು ಆತನ ಮುಖ ನೋಡಿ ಥ್ಯಾಂಕ್ಸ್ ಹೇಳಿದಳು.

ಅವಳ ಸ್ಪರ್ಶದಿಂದಲೋ ಏನೂ
ಆತನೂ ವಿದ್ಯುತ್ ಶಾಕ್‌ಗೆ ಒಳಗಾದವನಂತೆ ಗರ ಬಡಿದ ಹಾಗೆ ನಿಂತು ಅವಳನ್ನೇ ನೋಡುತ್ತ ಪೆಚ್ಚು ಪೆಚ್ಚಾಗಿ ನಕ್ಕು ಪರವಾಗಿಲ್ಲ ಎಂದ.
ಅವಳ ಕಣ್ಣಲ್ಲಿ ಮಿಂಚು ಅವನ ಮೈಯ್ಯಲ್ಲಿ ಮಿಂಚು

ಮುಂದೆ ಹೋಗಬಹುದಾದಷ್ಟು ಜಾಗವಿದ್ದರೂ ಅಲ್ಲೇ ನಿಂತು ಮುಂದೆ ಹೋಗುವಂತೆ ನಟಿಸಿದಳು

"ಹೆ ಹೆ ಮುಂದೆ ಜಾಗ ಇಲ್ಲ ಇಲ್ಲೇ ನಿಂತುಕೊಳ್ಳಿ ಆಮೇಲೆ ಸ್ವಲ್ಪ ಜನ ಖಾಲಿ ಆದ ಮೇಲೆ ಮುಂದೆ ಹೋಗಿ" ಆತ ಅವಳ ಕಣ್ಣನ್ನೇ ನೋಡುತ್ತಾ ಹೇಳಿದ.

ಇವಳೂ ಹೂ ಎನ್ನುವಂತೆ ತಲೆ ಆಡಿಸಿದಳು.

ಕೊಂಚ ಕಾಲ ಮೌನ ರಾಜ್ಯವಾಳಿತು ಬಸ್ ಕುಲುಕಿದಾಗಲೆಲ್ಲಾ ಇಬ್ಬರೂ ಹತ್ತಿರವಾಗಿ ಮತ್ತೆ ದೂರವಾಗುತ್ತಿದ್ದರು.

ನಂತರ ಇವಳಲ್ಲಿ ಏನೂ ಆಸೆ ಚಿಗುರತೊಡಗಿತು ಆತ ಚೆಲುವಾಂತ ಚೆನ್ನಿಗನಂತೆ ಕಾಣತೊಡಗಿದ

ಅವನಿಗೂ ಈಕೆ ದೇವಲೋಕದ ಅಪ್ಸರೆಯಂತೆ ಭಾಸವಾಗತೊಡಗಿತು

ಕಣ್ಣಲ್ಲಿ ಪ್ರೇಮ ಸಂದೇಶ ರವಾನೆಯಾಗತೊಡಗಿದವು. ಕನಸುಗಳು ಅಲ್ಲಿಂದ ಎಲ್ಲೆಲ್ಲೋ ಹಾರಾಡಿತು

ಅಷ್ತರಲ್ಲಿ ಕಿಟಕಿಗೆ ಅಡ್ಡ ನಿಂತಿದ್ದ ಒಬ್ಬ ಇಳಿದು ಹೋದ

ಬೆಳಕು ಪೂರ್ಣವಾಗಿ ಬಂ ತು

ಈಕೆ ತನ್ನ ಚೆಲುವನನ್ನು ನೋಡಲು ತಿರುಗಿದಳು
" ಛೀ ಥೂ ಕೊಳಕ " ಮನಸಲ್ಲಿ ಅಂದುಕೊಂಡಳು ಮಾಸಿದ ಬಟ್ಟೆ, ಕುರುಚಲು ಗಡ್ಡ

ಅಬ್ಬಾಬ್ಬ ಏನೂ ಮಾತಾಡದೇ ಮುಂದೆ ಹೋಗಲು ನುಗ್ಗಿದಳು

ಈತ ತನ್ನ ಮನ ಕದ್ದವಳ ಮತ್ತೊಮ್ಮೆ ಬೆಳಕಿನಲ್ಲಿ ನೋಡಲು ಅವಳತ್ತ ಕಣ್ಣಾಡಿಸಿದ
" ಅಯ್ಯೋ ಇದೇನು ಹೀಗಿದಾಳೆ ಮುಖದ ಮೇಲೆ ಗುಳ್ಳೆ ಬೇರೆ"

ಅಬ್ಬ ಹಿಂದೆ ಹೋಗಿ ಬಿಡುವುದೇ ವಾಸಿ ಎಂದುಕೊಂಡು ಆತ ಇನ್ನೂ ಹಿಂದೆ ಹೋದ

ಅವಳು ಹಿಂದೆ ನೋಡದೇ ಮುಂದೆ ನುಗ್ಗಿದಳು

ಲವ್ ಅಟ್ ಫಸ್ಟ್ ಸೈಟ್ ಕೊನೆಯ ಸೈಟ್‌ ಗೂ ಕಾಯದೆ ಕೊನೆಯಾಗಿತ್ತು