ಈ ದಿನ ತುಂಬಾ ನನಗೆ ತುಂಬಾ ಸಂತೋಷವಾಗಿರಲಾಗಿ, ನಿಮಗೂ ಅದನ್ನು ಹಂಚಬೇಕೆಂದು ಆತುರಾತುರವಾಗಿ ಬರೆಯುತ್ತಿರುವ ಪುಟಾಣಿ ಬರಹ. ಈ ದಿನ ಎರಡು ಪುಸ್ತಕಗಳನ್ನು ಕೊಂಡು ತಂದೆ. ಆಶ್ಚರ್ಯ ಏನು ಅಂತೀರಾ ಮುಂದೆ ಓದಿ.

೧. ನಾಗವರ್ಮ ಸಂಪುಟ
ಕಾವ್ಯಾವಲೋಕನಂ
ಕರ್ಣಾಟಕ ಭಾಷಾಭೂಷಣಂ
ಅಭಿಧಾನ ವಸ್ತುಕೋಶಂ

ಸಂಪಾದಕರು - ಪ್ರೊ. ಮಲ್ಲೇಪುರಂ ಜಿ. ವೆಂಕಟೇಶ

೨. ರತ್ನಾಕರವರ್ಣಿ ಸಂಪುಟ
ಭರತೇಶ ವೈಭವ
ಶತಕತ್ರಯ
ರತ್ನಾಕರನ ಹಾಡುಗಳು

ಸಂಪಾದಕರು - ಪ್ರೊ. ಎಂ.ಜಿ. ಬಿರಾದಾರ

ಇವೆರಡಲ್ಲದೆ, ರನ್ನನ ಸಂಪುಟ, ಜನ್ನನ ಸಂಪುಟ ಅಂತ ಇನ್ನೂ ಒಟ್ಟು ಸುಮಾರು ೧೦ ದೊಡ್ಡ ಸಂಪುಟಗಳು ಇದ್ದವು. ಒಂದೇ ಪುಸ್ತಕದಲ್ಲಿ ಒಬ್ಬೊಬ್ಬ ಕವಿಯ ಎಲ್ಲ ಕೃತಿಗಳು. ಆಶ್ಚರ್ಯಕರ ಸಂಗತಿ ಇರೋದು, ಈ ರೀತಿಯ ಪುಸ್ತಕಗಳ ಬೆಲೆ ತಲಾ ೧೦೦/- ನಾನು ಹಿಂದೆ, ಸಾಹಿತ್ಯ ಪರಿಷತ್ತಿನವರ "ಭರತೇಶ ವೈಭವ" ಕೊಂಡಿದ್ದೆ. ಆಗ ಅದೊಂದರ ಬೆಲೆಯೇ ೨೦೦/- (ರಿಯಾಯಿತಿಯಿಂದಾಗ ೧೦೦ಕ್ಕೆ ಸಿಕ್ಕಿತ್ತು). ಈಗ, ಹಂಪಿ ವಿಶ್ವವಿದ್ಯಾಲಯದವರು ಕಡಿಮೆ ದರದಲ್ಲಿ ಕನ್ನಡದ ಇಂತಹ ಅತ್ಯುತ್ತಮ ಪುಸ್ತಕಗಳನ್ನು ಮಾರಾಟಕ್ಕೆ ಮುಂದೆಬಂದಿರುವುದು ನನಗೆ ತುಂಬಾ ಸಂತೋಷವನ್ನುಂಟು ಮಾಡಿದೆ. ನಿಮಗೆ ಯಾರಿಗಾದರೂ ಇಂತಹ ಪುಸ್ತಕಗಳಲ್ಲಿ ಆಸಕ್ತಿಯಿದ್ದರೆ, ಹಂಪಿ ಕನ್ನಡ ವಿಶ್ಯವಿದ್ಯಾಲಯದ ಪುಸ್ತಕಗಳು ಸಿಗುವ ಕಡೆ ವಿಚಾರಿಸಿ.